ბჟა ვადოშქირტა
Jump to navigation
Jump to search
ბჟა ვადოშქირტა!
ასე ბორჯი ცაცის გილარე.
მუშ მალექინა
ფსუაშ სიორი რე სითელე.
ჩხე ჩილამური
მინშა ჰამო შურიშ კილა რე,
გურიშ გენია
სო იჭუ დო მუს გინორთელე.
ცაშე ჩხორია მუზმაფერი,
სჷმჷ ლესქერი,
ხეს მივალუანს
დო თეურე შარა ბონიე,
ორთეშ კარკაცი, ასა-გასა
გოდირაკილი,
თვითვა სითელე სქან სისქვამაშ
გინალ ფონიე.
ღურა ვამონარღ
თოლიშ მერქა ართი თაქ რინა
იშენ მუს მობაღ
ჩქიმ ოჸუნეს გინულინუე:
შურურძღაფელას
ღურა-თელაშ აკართურენი
ვამოძირათი
ჸუმენულო ვანობლინუე.