ბოშიქ მეჭარ ძღაბის

...საიმედოთ მემოჩქუქ-
ჩქიმ მარძგვანი თოლიჯგურა,
ირფელამო მშვენიერი,
კისერ გიღუ ბროლიჯგურა.
ეშმაკ მაწუხებელი რე,
ღორონთ-შემაბრალებერი,
ღორონთქ ჩქიმო დუგაბად
გურიშ გუმახარებელი.
მა მუზჷმას მიჸორქინი,
ლერსო ქჷმობირუას,
ღორონს თის ვოხვეწუქ,
ჩქიმი თეზმა გაჭირება
სიზმარო მუგოძირუას,
თეში შიგაწუხასი დო
ეშე გეგონტინუას...
თაში მუშე მუკუხექ,
ჩქიმ გურიში ჸვილუას,
ჩქიმი ცოდა ქაწორხვად
სარკოს მუგოძირუანს,
ვართი მოგიხვარუანს
სქანი ხვამა-წირუას...