აჭუ მარას ოჭუმარე
სერით ირო უკმელა რე,
სერც გოთანა ვაუჸორც,
ღორონთც ორთაში დონწყუალა
გაუთებუდ მარუოს.
აჭუ მარას ოჭუმარე,
ვაგოთანდას შარა ვარე;
ჯვეში რე დო ახალი რე,
ორთა ირო მახალი რე.
აჭუ მარას ოჭუმარე -
ათაქ ირფელჲ ჭუათ მურც,
სერ ითებ დო უკმელაშე
დღაში სინთე მოჭვათჷნც.
ორთაში თოლიში გონწყჷმა რე,
აჭუ მარას ოჭუმარე,
ჯვეში რე დო ახალი რე,
ორთა ირო მახალი რე.
ახალი ამბე მინჭუაფ,
ვორექ გურიში გოჩამას,
ორთა ქვარას იჭუანც
სამარგალოში გოთანას.