არძა მუხურს გინვოჯინი
არძა მუხურს გინვოჯინი,
თოლცჷ მჭკირჷნც ბჟაში ქართა,
მიჩქჷ, ოხვენჯჲ ორე ჟინი
დო თიშ თუდო-შურიშ ნართა.
რინას ანდა ქარშიკჲ გებუ,
იცხვანტალჷ დიხაუჩა
დო სქან ხონარჲ მეჩიებუ:
"ვეკმოდინა, დირთი ჸუჩა".
გურიშ ზიაქ ვეკმაფშინუ,
არძა ზუგუს გებპუნქ ხვალე,
ჩქიმშახ ხოლო ბრელქჷ დინუ
დო ჩქიმ უკულ-ანდაქ გვალე.
ჩანარს ცაშა უნჯანც თოლი,
ლაბახონაშ სისონდჲ ვარე,
შხვაშ აგაგას ქჷვახოლი,
შხვაშოთ დიბტე ჩქიმი კარე.
2014 წანა, ღურთუთა.