ართნერო ჭუასი
გეგმიღეს წყურგილეფქ კარკალით გვალა,
შუმილ კოჩცალო მიბადალ სერი,
ჯალემს კორკონტის მიოხე ლური
ჸურანს ჯეგეთას მობუნელ გერი...
მა ვორდა ამსერ სისმარიშ მინჯე
აგოთანაშა ჯინათ შულადირი,
ცირაშ ჸოროფათ ეშახურხილი დო
ცირაშ ფერეფათ ხვახვა შკირატილი...
ათე სურათი – ჩე გოთანაშა
ტყურაიეფიშ ნატრო რჩქინელი,
მობთხოზ დო დღალეფს მილიმალანსი
თელო დო ღურაშ გეშა რინელი...
თოლეფ სისმარეფქ გეშამკვაკვესი,
ვამარტინ დიხა მიმონკენს ფსუასი,
ვანოხვარუე გოლვაფრო მუთუნ –
ცირაშ დო ლერსიშ ართნერო ჭუასი!..