བཙན་པོ་རིམ་བྱུང་གི་ལོ་རྒྱུས།/ལེའུ་དགུ་པ།

456 ༇ མགར་གློ་བ་རིངས་པ་འྀ་ཚེ། །བཙན་པོ་འདུས་སྲོང་གིས་མགུར་བླངས་པའ། །ཀྱེ་གནའྀ་ནི་ཐོག་མ་རུ་། གཞེ་འི་ནྀ་དང་པོ་ལ།

457 དགུང་སྔོ་ནྀ་མ་འོག་གྀ། །དོག་མོན་ནྀ་ཡ་སྟེངས་ན། །གཙུག་བཙུགས་ནྀ་བཙུགས་ལེགསྟེ། མཐོས་ཏེ་ནྀ་དགུང་མྱི་རྡིབ། དོག་མོན་

458 ནི་སྡིང་མྱྀ་ཉམས། དགུང་ལ་ནྀ་གཉི་ཤར་བ་། དྲོ་དྲོ་ནི་ས་ལ་དྲོ། །སྒྲོ་བཏགས་ནྀ་བཏགས་ལེགས་སྟེ། བཙའ་ན་ནྀ་དཔལ་ཡང་དཔལ།

459 འཕངས་ན་ནྀ་ཤ་ཡང་ཁུམས། ཤ་ཁུམས་ནྀ་མྱི་ཡང་གསོས། །གྱེ་དི་རིང་ནྀ་སང་ལྟ་ན་། །དོག་སྲིན་ནྀ་སྦུར་བུ་འྀས། །བྱ་ལྟར་ནྀ་བཅོས་བཅོས་

460 སྟེ། གནམ་དུ་ནྀ་འཕུར་འདོད་ཀྱང་། འཕུར་དུ་ནི་འདབ་མ་མཆྀས། འཕུར་དུ་ནྀ་འདབ་མཆིས་ཀྱང། །དགུང་སྔོ་ནི་ཕང་མཐོས་སྟེ།

461 སྤྲིན་ཀྱྀ་ནི་གོ་མྱི་འདའས། །ཡ་རུ་ནྀ་དགུང་མ་སླེབས། མ་རུ་ནྀ་དོག་མ་སླེབས། མ་མཐོ་ནི་མ་དམའ་སྟེ། །ཁྲ་འྀ་ནི་གཟན་དུ་

462 གྱུརད། བྱ་པྱ་ནྀ་ལུང་ཆུངས་ན། །འབངས་ཤྀག་ནི་རྗེ་རུ་རེ། མགར་བུ་ནྀ་རྗེ་རུ་རེ། སྦལ་པ་ནི་འཔུར་རུ་རེ། །འབངས་ལས་ནྀ་རྗེ་རེ་བ།

463 མཐིང་བྲང་ནྀ་གྱེན་དུ་འགྱུར་། པ་བོང་ནི་རི་ལ་འདྲྀལ། པྱ་མདའྀ་ནི་སྨྲ་འོར་གྱིས་གྱེན་དུ་ནྀ་འདྲིལ་འདྲྀལ་ཡང། །ཤམ་པོ་ནི་རྩེ་མོ་

464 རུ་པྱིན་སྙམ་ནྀ་ལེང་མྱི་བགྱིད། །ཤམས་པོ་ནི་གངས་དྲུང་དུ་སྣང་དང་ནྀ་ཞུགས་བལྟམ་ཡང། ཤམ་པོ་ནྀ་གངས་མྱི་ཞུ། ཡར་ཆབ་

465 ནི་སྔོན་པོ་ལ། ཆུ་བཆད་ནྀ་ཡུར་དྲངས་ཀྱང། ཡར་ཆབ་ནི་གཞུང་མྱི་སྐམས། །བོད་ཀྱི་ནྀ་སྤུ་རྒྱལ་དུ་སེམས་ཤིང་ནྀ་རེ་རེ་ཡང།

466 སྤུ་རྒྱལ་ནྀ་གདུང་མྱི་འཆང། །བྱ་པུ་ནྀ་ལུང་ཅུངས་ནས། གླང་ཞིག་ནི་རྫི་ལངས་ཀྱང་། །ཕོ་མ་འྀ་ནི་སྡིང་པོ་ཆེ། རྫི་ལངས་ནྀ་སྣར་མྱི་མནམ།

467 རྫི་ལངས་ནི་སྣར་མནམ་ཡང་། ཁུས་བཏབ་ནི་སྡིང་མྱྀ་གཡོའ། །མོན་ཀ་འྀ་ནི་སྟག་ཆྀག་པའ། བྱ་ལྡིངས་ནྀ་མྱིག་མྱི་ལྟ། བསྲོགས་ཀྱང་ནྀ་སྤུ་

468 མྱྀ་ལངས། །ཙེང་ལྡེང་ནྀ་བྲ་གུ་དང། ཡར་ལྷ་ནྀ་ཤམ་པོ་གཉིས། གང་ཆེ་ནྀ་གང་ཆུང་བ་། །འགྲེང་བརྒྱའ་ནྀ་ཀུན་ཀྱང་འཚལ། །སྐྱི་ཅུ་ནྀ་སྔོན་མོ་

469 དང་། ཡར་ཆབ་ནྀ་ཆུ་བོ་ཆེ་། གར་རྀང་ནི་གང་ཐུང་བ། ཐང་ལྷ་ནྀ་ཡ་བཞུར་མཁྱེན། གནུབས་མཚོ་ནི་ཀླིང་དགུའ་དང། གྲང་པོ་ནི་མཚོ་ལེ་གོང་།

470 གང་ཆེ་ནྀ་གག་ཆུང་བ་། །ཤ་མྱེད་ནྀ་གངས་ཀར་མཁྱེན། །པྱ་མདའྀ་ནི་ཁང་སྐྱ་དང། པྱིང་བ་འྀ་ནི་སྟག་རྩེ་གཉིས། །གང་མཐོ་ནི་གག་དམའ

471 བ། །ཡར་ལྷ་ནྀ་ཤམ་པོ་མཁྱེན་། བྱ་པུ་ནྀ་ལུང་ཆུངས་ན་། མགར་ཁོལ་ནྀ་རྨང་བ་དང། ཡར་ལུངས་ནི་པྱིང་ལུངས་ན་། ལྷོ་རྔེགས་ནི་

472 འཕན་བ་གཉིས། །གང་འཕན་ནྀ་གག་རགས་པ། །གཉི་ཟླ་ནི་ཡ་བིས་གཟིགས། ལྷེ་འུ་རྗེ་ནི་ཟིན་དགས་མཁྱེན། འགྲེང་བརྒྱའ་ནྀ་ཀུན་

473 ཀྱང་འཚལ། ཡར་མོ་ནི་རྫི་ལངས་པས། བ་བདག་ནྀ་ངོ་མ་འཚལ། །འབངས་ཀྱིས་ནྀ་རྗེ་བཀོལ་ཏམ། རྗེ་འིས་ནྀ་འབངས་བཀོལ་བའ

474 དགུ(དགུང)་སྔོ་ནི་ཡ་བྀ་མཁྱེན། མྱྀ་འིས་ནྀ་རྟ་བཞོན་ནམ་། །རྟ་འྀས་ནི་མྱི་བཞོན་བ། །པྱྭ་འྀ་ནི་གཙུག་མཁན་མཁྱེན། རྩྀ་འིས་ནྀ་ཟོར་གཆད་

475 དམ། ཟོར་གྱིས་ནྀ་རྩྭ་གཆད་པ་། དོག་མོན་ནྀ་མ་བི་མཁྱེན། ད་ཙམ་ནྀ་དགུང་མཐའ་ཡན་། །གཉི་ཟླ་ནྀ་སྤྱན་གྱིས་གཟིགས།

476 དགུང་སྔོ་ནི་སྙན་གྱྀས་གསན། །པྱྭ་འྀ་ནི་གཙུག་མྱི་འགྱུར། མདའྀ་ནི་སྒྲོ་མྱི་འབོག། །བདེན་ནམ་ནྀ་བརྫུན་པ་འདྀ་། །སང་པྱི་ནྀ་གནངས་

477 སླད་ན། འབངས་ཀྱིས་ནྀ་རྗེ་མྱི་བཀོལ། རྟ་འྀས་ནི་མྱི་མྱི་ཞོན། རྩྀ་འིས་ནི་ཟོར་མྱྀ་གཆོད། །པྱྀང་བ་འྀ་ནི་སྟག་རྩེ་ན་། སྤུ་རྒྱལ་ནྀ་

478 གདུང་མྱྀ་འཆད། །དྀ་རིང་ནྀ་སང་ལྟ་ནའ། །བྱ་པུ་ནྀ་ལུང་ཅུངས་སུ་། འུར་བུ་ནྀ་ཁྱུ་ཆིག་པོ། འུར་བས་ནྀ་བསྐྱོད་དྲགས་པས། མ་མོ་ནི་

479 ཁྲ་འིས་འཚལ། །འུར་པྲུག་ནྀ་ཐང་ལ་གྲམ། །སང་པྱི་ནྀ་གནངས་སླད་ན་། ནོངས་ཤིང་ནྀ་མ་འགྱོད་ཆིག། །གསེར་གྱྀ་ནི་དོང་རལ་ན། །

480 གཡུ་འྀ་ནི་མདའ་ཆྀག་མ། །མ་འཕངས་ནྀ་ཤ་མྱི་ཁུམས། འཕངས་ན་ནི་རལ་ཡང་སྟོངས། །རེ་ན་ནི་གཐང་དུ་ན། །རེ་དཀུའ་ནི་

481 མཚུལ་དུ་དཀུའ། །

482 ༇ བཙན་པོ་ཁྲི་འདུས་སྲོང་། །འདམ་གྱྀ་ཅོག་རོ་ཟ་དང་། འབྲེ་མཛད་པ་འྀ་ཚེ། །ཁེ་རྒད་རྒྱལ་ཏོ་རེ་མདོ་སྣང་གིས་མཆིད་བླངསྤ།

483 རུ་ཐུང་ནྀ་བསར་ང་བ། ཁོང་ཁྱིམ་ནྀ་སྤྱན་བུ་ཅུང་། རིས་བཀྲའ་ནྀ་བསར་ང་བ། མོན་ཀ་འྀ་ནི་སྟག་ཆིག་པ། བཙན་ཏེ་ནི་མྱི་མཁས་པ་རྒྱ་དྲུག་

484 ནྀ་དགུང་མཐའི་རྗེ། །མགྱོགསྟེ་ནྀ་མྱི་མཁས་པ། ཤ་མ་ནྀ་རྒྱལ་མ་གཉིས། དྲག་སྟེ་ནྀ་མྱི་མཁས་པ་མཆོ་གར་ནི་འབྲོང་གི་རུ། རྣོ་སྟེ་ནི་མྱི་

485 མཁས་པ། མདོ་ལྕགས་ནྀ་སྟེའུ་ཀ་མ། འཛངས་ཤིང་ནྀ་སྲི་ཞུ་བ། ཡར་ཀྱྀ་(ནི)ལྷོ་རྔེགས་ཟའ། ངན་ཞིང་ནྀ་ཕོ་ཆེ་བ། འདམ་གྱི་ནྀ་ཅོག་རོ་ཟ།

486 དྲྀ་ངན་ནི་ཉ་འྀ་དྲི། གཡའ་ངན་ནྀ་ཟངས་ཀྱི་གཡའ། སྐུ་འི་ནྀ་རིང་སྟོད་དུ། གཡང་གྀ་ནི་ཡུགས་བབ་བམ། སྐུ་འྀ་ནི་རིང་སྨད་དུ། ཚེར་ཀྱི་ནི་

487 ཡུགས་ལྷུང་ངམ། །སྔུན་ན་ནྀ་འདྲེན་པ་འདྀ། ཁྲི(ཁྱི)་གདའས་ནྀ་ཡུལ་བྱིན་དང་། མདོ་གྲགས་ནྀ་དགུང་དང་ཉེ། །སླད་ནས་ནྀ་རྟོན་པ་འདི།

488 རྒྱལ་ཚན་ནྀ་སྣང་གྲགས་དང་། མུ་ཀེན་ནྀ་ཀླུ་ཅུ་རྨད། །དབུས་ནས་ནྀ་འཕེན་པ་འདི། །ཆེ་འམ་ནྀ་ཆུང་མ་འཚལ། །འདུས་སྲོང་

489 ནྀ་མང་པོ་རྗེ། སྐུ་ལ་ནྀ་འཕྲུལ་ཡང་མངའ། །འོག་ན་ནྀ་བཆིབས་པ་འདི། །རྒྱལ་མ་ནྀ་མཐའ་བཞི་འདུལ། །མགྱོགས་སམ

490 ནྀ་བུལ་མ་འཚོ། །རྨྱིག་རྗེས་ནྀ་མྱིས་རྨྱི་མཐོང། རྗེ་ཆིག་ནྀ་མང་པོ་རྗེ། གཤེགས་སོ་ནི་མང་པོ་རྗེ། བཞུགས་ཀྱང་ནི་འོད་མྱི་དྲོ།

491 གཤེགས་ཀྱང་ནྀ་དང་མ་ཆགས། །ཅོག་རོ་ཟས་མཆིད་བླངས་པ་འྀ་ཚིག་ལ། ཀྱེ་འདམ་གྱི་ནི་ཐང་ཀར་རུ། ལྷ་གཤེགས་ནི་

492 ཞལ་མ་འཚོལ། ལྷ་གཤེགས་ནྀ་ཞལ་འཚོལ་ན། དུད་དེ་ནི་པྱག་ཀྱང་འཚལ། །པྱག་མདའ་ནྀ་སླེབ་ཀྱིས་འཛྀན། །དེ་འི་ནི་

493 མན་ཆད་ལ། དུད་དེ་ནི་པྱག་འཚལ་དུ། སོགས་བྲ་ནྀ་ཡུ་བ་ཐུངས། འགྲེང་སྟེ་ནི་པྱག་འཚལ་དུ། སྟེན(སྟོན)་ཀྱི་ནི་ཆོས་

494 མ་ལགས།