ནོར་བུ་ཕྲ་བཀོད་རང་གི་དོན་ཐམས་ཅད་གསལ་བར་བྱེད་པའི་རྒྱུད
༡
ནོར་བུ་ཕྲ་བཀོད་རང་གི་དོན་ཐམས་ཅད་གསལ་བར་བྱེད་པའི་རྒྱུད་ཅེས་བྱ་བ་བཞུགས
༢
༄༡
ཧ་ཤམ་བར་བའི་སྐྲད་དུ
དུར་ན་ཨ་ལོ་གེ་པ་ཡན་དྷ་སིང་ཨེ་མ་ཧ
རྒྱ་ནག་པོའི་སྐད་དུ
ཨེ་ཧ་དྷ་སབ༹ར་དུ་པ་ཨ
ཨུ་རྒྱན་གྱི་སྐད་དུ
མ་ཧ་སིན་དྷ་གུ་དུབ
སམ་སྐྲི་ཏའི་སྐད་དུ
མ་ཧ་རད་ན་དྷ་སིང་ཨེ་ཀ་ཡ་དྷུ
བྱ་ཀ་ར་ནའི་སྐད་དུ
ཨེ་དུར་སར་བ་གྷུ་ལ་ཧ
ཁ་ཆེའི་སྐད་དུ
ས་ཧུ་ར་དུ་ན་ཧུམ་ཀ་ཨ
མ་ཧ་སི་གམ་ལའི་སྐད་དུ
ཨོམ་སར་རད་ན་དྷུ་པ་ཡ་ཧ་ཧུ་ར
རྒྱ་གར་སྐད་དུ
མ་ནི་ཙི་ཏྲི་བྱུ་ཧ་སབ༹་ཡ་མར་ཐ་སར་བ་པྲ་ཀ་ཏན་ཏྲ་ན་མ
བོད་སྐད་དུ
ནོར་བུ་ཕྲ་བཀོད་རང་གི་དོན་ཐམས་ཅད་གསལ་བར་བྱེད་པའི་རྒྱུད་ཅེས་བྱ
བཅོམ་ལྡན་འདས་ཀུན་འདུས་རིག་པའི་ཀློང་ལ་ཕྱག་འཚལ་ལོ
༣
འདི་སྐད་བདག་གིས་བསྟན་པའི་དུས་གཅིག་ན
རང་གི་རིག་པའི་དེ་བཞིན་ཉིད་གང་ཡིན་པའི་ཀློང
ཡེ་ཤེས་རབ་ཏུ་གསལ་བས་བརྒྱན་པའི་ཕོ་བྲང་ན
རང་གི་ཡེ་ཤེས་ཀྱི་དཀྱིལ་འཁོར་གནས་ཏེ
དེའི་དོན་ངས་བསྟན་གྱིས
ཀྱེ་ཐུབ་པ་ཆེན་པོའི་འཁོར་མཁའ་འགྲོ་མ་དང་བཅས་པ་ཉོན་ཅིག
རང་བྱུང་ཐབས་ཀྱི་རྒྱུད་ཆེན་པོ་འདི་ཡིས
སེམས་ཅན་གྱི་མུན་པ་ཐམས་ཅད་སྣང་བར་འགྱུར་གྱིས
རིགས་ཀྱི་བུ་རྣམས་ཀྱིས་ཡིད་མ་ཡེངས་པའི་ཚུལ་གྱིས་ཞུས་ཤིག
འདི་སྐད་བདག་གིས་ཐོས་པའི་དུས་གཅིག་ན
བཅོམ་ལྡན་འདས་ཙིཏ་ཏ་རིན་པོ་ཆེའི་འོད་གསལ་བའི་གཞལ་ཡས་ན
༤
རིག་པ་རང་བྱུང་གི་སྐུ་དང
ཆོས་ཉིད་ཐིག་ལེའི་དགོངས་པ་ལ་ཐབས་ཅིག་ཏུ་བཞུགས་སོ
དེའི་ཚེ་འདུས་པའི་འཁོར་ཚོགས་ཤིན་ཏུ་མང་པར་གྱུར་ཏེ
དེ་ནས་བཅོམ་ལྡན་འདས་དཔལ་སྟོབས་ལྡན་ཉིད་ལ་འདི་སྐད་ཅེས་ཞུས་སོ
ཀྱེ་ཀྱེ་བཅོམ་ལྡན་འདས་རིག་པའི་སྟོབས་ཐུན་མོང་མ་ཡིན་པ་དང་ལྡན་པ
བདག་ཅག་རྣམས་ལ་རྒྱུད་ཆེན་པོ་འདི་བཀའ་བསྒྲོ་བར་མཛད་དུ་གསོལ
ལུང་བསྟན་དུ་གསོལ
རྟོགས་པར་མཛད་དུ་གསོལ
ཐབས་མཛད་དུ་གསོལ
བསྟན་པ་ལ་གཟུད་དུ་གསོལ
སྣང་བ་བསྟན་དུ་གསོལ
ཞེས་རང་སྣང་གི་དོན་མ་ནོར་བར་ཞུས་སོ
དེ་ནས་བཅོམ་ལྡན་འདས་འདུས་པ་ཆེན་པོའི་ས་མ་ཏི་ལ་གནས་ནས
འཁོར་ཆེན་པོ་རྣམས་ལ་བཀའ་སྩལ་པ
ཨེ་མ་ཧོ
ཁྱེད་ཀྱིས་ཞུས་པ་དེ་ལེགས་སོ
ངས་དོན་གྱི་དགོངས་པ་ཐུགས་ཙིཏ་ཏའི་དཀྱིལ་འཁོར་སྒོ་ཕྱེ་ནས
གསང་སྔགས་ཀྱི་དགོངས་པ་ཉིད
མ་ནོར་བར་བསྟན་གྱིས་ལེགས་པར་ཉོན་ཅིག
གསང་བའི་དཀྱིལ་འཁོར་ཆེན་པོ་ནས
ཤེས་རབ་རང་བྱུང་གི་ལྷ་མོ་ལྔ་སྐྱེ་འགག་མེད་པར་གསལ་བ་ཡིན་པས་ན
༥
ཐུགས་རྗེ་ལྔ་དབྲི་བཀོལ་མེད་པར་གནས་པ་སྟེ
ཡེ་ཤེས་ཀུན་ཁྱབ་ཀྱི་སྣང་བ་ཡུལ་ཀུན་ལ་ཤར་ནས
སྟོང་པ་ཆེན་པོ་རང་བྱུང་གི་ཀློང་དུ་ཐིམ་པའི་ཚེ
ཡེ་ཤེས་ཀྱི་ལྷ་མོ་དབྱིངས་གསལ་བར་བྱེད་པའི་སྒྲོན་མ་ལ་བརྟག་པར་བྱའོ
མཁས་པས་ཡེ་ཤེས་རང་སྣང་གི་སྟོབས་ལ་ཐུགས་རྗེའི་སྒྲོན་མ་གསལ་བར་མཐོང་ནས
དོན་ལ་འཇུག་གོ
ཐབས་ཀྱིས་རང་རང་གི་དོན་མཐོང་བར་འགྱུར་ཏེ
ཀུན་ཏུ་མཐའ་ཡས་སོ
དེ་ནས་འདུས་པའི་འཁོར་ཚོགས་དེ་རྣམས་ཀྱི་ནང་ནས
ཡེ་ཤེས་ཀྱི་ལྷ་མོ་རྒྱན་རབ་ཏུ་འབར་མ་ཞེས་བྱ་བས
འདི་སྐད་ཅེས་གསོལ་ཏོ
ཀྱེ་ཀྱེ་བཅོམ་ལྡན་འདས་རྣམ་གྲོལ་བདག
ཆོས་ཉིད་རྟོགས་པར་འདོད་པ་ཡི
སེམས་ཅན་ཐུགས་རྗེས་ཡང་དག་ཟུངས
མ་རིག་མུན་ཁང་གཞོམ་དུ་གསོལ
ཞེས་ཞུས་སོ
དེ་ནས་ཐུགས་ཀྱི་དབྱིངས་ནས་བཀའ་སྩལ་པ
སྟོབས་ལྡན་ཡེ་ཤེས་ལྷ་མོ་ཉོན
ངས་བསྟན་ལེགས་པར་ཡིད་ལ་ཟུངས
ཁམས་གསུམ་འཁོར་བའི་སེམས་ཅན་ཉིད
དང་པོ་འཁྲུལ་པའི་དུས་ཉིད་ནས
ད་ལྟའི་སྣང་བ་སྐྱེས་ཚུལ་གཉིས
༦
ལམ་ལ་ཅིག་ཆར་འཇུག་པ་དང
ལམ་ལ་མཐོང་ཚུལ་སྐྱེ་བའོ
སྟོང་པའི་ཡེ་ཤེས་ཆེན་པོ་ནི
ཅིར་ཡང་མེད་པས་ཅིར་ཡང་འཁྲུལ
ཐ་མ་ཅིས་ཀྱང་ལྡོག་པར་འགྱུར
ཅི་ཡང་མེད་པའི་དངོས་པོ་ནི
གང་གི་ཕྱོགས་སུ་མ་ལྷུང་བའོ
ཅིར་ཡང་འཁྲུལ་པའི་དངོས་པོ་ནི
མཐུན་སྣང་ཙམ་དུ་སྣང་བར་ཟད
འོན་ཀྱང་དེ་ཡི་དོན་མི་སྐྱེ
ཆོས་དབྱིངས་རྒྱན་ལྟར་སྣང་བའོ
ཞེས་གསུངས་སོ
དེ་ནས་ཡང་འདུས་པའི་འཁོར་དེ་རྣམས་ཀྱི་ནང་ནས
ཡེ་ཤེས་ཀྱི་ལྷ་མོ་སྣ་ཚོགས་འབྱུང་བས་འདི་སྐད་ཅེས་གསོལ་ཏོ
ཀྱེ་བཅོམ་ལྡན་འདས་ཐུགས་རྗེ་རིག་པའི་སྐུ་དང་ལྡན་པ
སྣང་བའི་དུས་ཇི་ལྟ་བུ་ལགས
གསུང་དུ་གསོལ
དེ་ནས་ཡང་བཅོམ་ལྡན་འདས་རང་བྱུང་གི་རྒྱལ་པོ་དེས
འདི་སྐད་ཅེས་གསུངས་སོ
ཀྱེ་འདུས་པའི་ལྷ་མོ་ཁྱོད་ཉོན་ཅིག
རྟོགས་བྱེད་ཀྱི་ཤེས་རབ་ཡུལ་ལ་འཇུག་པའི་དུས་སུ
སྣང་བ་རང་སྣང་སྟེ
ཤེས་པ་ཁ་ཡན་དུ་བཏང་བར་བྱའོ
སྣང་བའི་ཡེ་ཤེས་ཀུན་ཏུ་མཐའ་ཡས་ཏེ
དོན་སྐྱེ་མེད་རིག་པའི་སྙིང་པོ་ཅན་དུ་གནས་སོ
ཡེ་ཤེས་འགག་མེད་ཀྱི་ཀློང་ནས་རང་བྱུང་རྟགས་ཀྱི་དཀྱིལ་འཁོར་ལྔ་གསལ་བ་ནི
༧
དོན་དམ་པའི་ཆོས་ཉིད་དང་དུ་ཀུན་ཏུ་བཟང་པོའི་ཀློང་དུ་ཕྱི་ནང་གི་ཆོས
ཐམས་ཅད་གསལ་བའོ
དེ་ནས་འདུས་པའི་འཁོར་རྣམས་ཀྱི་ནང་ནས
ཡེ་ཤེས་ཀྱི་ལྷ་མོ་འོད་ཟེར་ཀུན་ནས་འབྱུང་བས་འདི་སྐད་ཅེས་གསོལ་ཏོ
ཨེ་མ་བཅོམ་ལྡན་འདས་ཐུགས་རྗེ་དང་ཐབས་སུ་ལྡན་པ
ཡང་དག་པར་རྫོགས་པའི་སངས་རྒྱས་ལ་རྫུ་འཕྲུལ་ནི་ཇི་ལྟ་བུ
སྣང་བ་ནི་ཇི་ལྟ་བུ
སྟོབས་ནི་ཅི་ལྟ་བུ
རྩལ་ནི་ཇི་ལྟ་བུ
ཡོན་ཏན་ནི་ཇི་ལྟ་བུ
ངོ་བོ་ནི་ཇི་ལྟ་བ
བཞུགས་ཚུལ་ནི་ཇི་ལྟ་བུ
གསུང་དུ་གསོལ
བསྟན་དུ་གསོལ
དེ་ནས་བཅོམ་ལྡན་འདས་ཀྱིས་བཀའ་སྩལ་པ
ཀྱེ་ཡེ་ཤེས་ཀྱི་ལྷ་མོ་ཁྱོད་ཉོན་ཅིག
ཡང་དག་པར་རྫོགས་པའི་སངས་རྒྱས་ཀྱི་རྫུ་འཕྲུལ་ནི
ཚད་མེད་དོ
དཔག་ཏུ་མེད་དོ
གཟུང་དུ་མེད་དོ
གཞལ་དུ་མེད་དོ
སངས་རྒྱས་ཀྱི་སྣང་བ་ནི་ཆེ་ཆུང་གི་མཐའ་ལས་འདས་ཏེ་ནམ་མཁའ་ལྟ་བུའོ
སངས་རྒྱས་ཀྱི་སྟོབས་ནི་ཡིན་མིན་གྱི་མཐའ་ལས་འདས་ཏེ་གླང་པོ་ཆེ་ལྟ་བུའོ
སངས་རྒྱས་ཀྱི་རྩལ་ནི་སྤང་ཐོབ་ཀྱི་མཐའ་ལས་འདས་ཏེ
སེང་གེ་ལྟ་བུའོ
སངས་རྒྱས་ཀྱི་ཡོན་ཏན་ནི
༨
གང་སྟོངས་ཀྱི་མཐའ་ལས་འདས་ཏེ
ཡིད་བཞིན་གྱི་ནོར་བུ་ལྟ་བུའོ
སངས་རྒྱས་ཀྱི་ངོ་བོ་ནི
བདག་རྟོག་གི་མཐའ་ལས་འདས་ཏེ
ཀུན་ཁྱབ་ཀྱི་ཡེ་ཤེས་ཉིད་དོ
སངས་རྒྱས་ཀྱི་བཞུགས་ཚུལ་ནི་དབང་པོ་དང་ཡུལ་ལས་འདས་ཏེ
རང་སྣང་ཉིད་དོ
དེ་ནི་རང་བྱུང་གི་དགོངས་པ་ཉིད་ཀྱི་ཚིག་གོ
དེ་ནས་ཡང་འདུས་པའི་ཚོགས་དེ་རྣམས་ཀྱི་ནང་ནས
ཡེ་ཤེས་ཀྱི་ལྷ་མོ་འོད་ཟེར་སྟོན་མ་ཞེས་བྱ་བ་དེས
འདི་སྐད་ཅེས་གསོལ་ཏོ
ཀྱེ་བཅོམ་ལྡན་འདས་ཐུགས་རྗེ་རིག་པའི་སྣང་བས་བརྒྱན་པ
རང་གི་ཡེ་ཤེས་ཀྱི་གནས་ལུགས་ཇི་ལྟ་བུ་ལགས་གསུང་དུ་གསོལ
ཞེས་ཞུས་སོ
དེ་ནས་ཡང་བཅོམ་ལྡན་འདས་ཀྱིས་བཀའ་སྩལ་པ
ཀྱེ་མ་ཡེ་ཤེས་ཀྱི་ལྷ་མོ་ཁྱོད་ཉོན་ཅིག
ངས་ཐབས་ཀྱི་དཀྱིལ་འཁོར་ཉིད་མ་ནོར་བར་བསྟན་གྱིས
ལེགས་པར་ཡིད་ལ་ཟུངས་ཤིག
རང་གི་རིག་པའི་ཡེ་ཤེས་ཉིད་ལ་གཟུང་འཛིན་གྱི་རྣམ་པར་རྟོག་པ་མེད་ཀྱང
སྣང་ཚུལ་ལ་རྣམ་པར་རྟོག་པའི་འདུ་འཕྲོ་མཚན་མ་དང་བཅས་པ་བྱུང་སྟེ
སེམས་ཅན་གྱི་བློའི་དྲི་མར་གྱུར་ནས
ལུང་དུ་མ་བསྟན་པར་ཉིད་ལས་ཕྱིར་སྣང་མ་ནུས་ཏེ
སྣང་བ་དང་རྐྱེན་དང་བཅས་པའི་ཕྱིར་རོ
༩
ངའི་ཐུགས་ལ་གཡོས་པ་མེད་ཀྱང
སྐུའི་མཚན་ཉིད་ཅིར་ཡང་སྣང་བ་ངོ་མ་ཤེས་ནས་སེམས་ཀྱི་ཡུལ་ལ་འཛིན་པའོ
རང་བྱུང་གི་ཡེ་ཤེས་དམིགས་པ་མ་དག་པས་ཡུལ་གྱི་ཤེས་པ་རང་སྣང་བའོ
རྡོ་རྗེ་ཡེ་ཤེས་འགྱུར་བ་མེད་པར་ཀུན་ཏུ་སྣང་བས
གཟིགས་སྣང་གི་མཐའ་ཐམས་ཅད་ལས་འདས་པའོ
རང་བྱུང་གི་ཡེ་ཤེས་ཐབས་འགག་པ་མེད་པར་རང་སྣང་བས
བདག་ཏུ་རྟོག་པའི་བློ་དང་བྲལ་ནས
ཡེ་ཤེས་ཀྱི་ཡུལ་སྣང་བར་འགྱུར་རོ
ཤེས་རབ་རང་བྱུང་གི་ཡེ་ཤེས་གཟུང་འཛིན་གྱི་མཐའ་ལས་འདས་ནས་བསམ་བྲལ་དངོས་དག་གོ
དེ་ཡང་ཡེ་ཤེས་ཀྱི་རྩལ་མ་འགགས་པས་རིགས་དྲུག་ལྟར་སྣང་བའོ
དེ་ནས་ཡང་ཡེ་ཤེས་ཀྱི་ལྷ་མོ་སྣང་བའི་སྒྲོན་མས་འདི་སྐད་གསོལ་ཏོ
ཀྱེ་ཐུགས་རྗེ་རང་བྱུང་གི་སྐུ་དང་ལྡན་པ
ཁྱད་པར་གྱི་ཚིག་གང་ལགས་གསུང་དུ་གསོལ
ཞེས་ཞུས་སོ
དེ་ནས་ཡང་ཐུགས་རྗེ་ཆེན་པོ་དེས་འདི་སྐད་ཅེས་བཀའ་སྩལ་ཏོ
ཨེ་མ་ཡེ་ཤེས་ཀྱི་ལྷ་མོ་ཁྱོད་ཉོན་ཅིག
ང་རང་བྱུང་གི་སངས་རྒྱས་ལ་རྣམ་རྟོག་གི་གནས་མེད་དོ
དེ་ཅིའི་ཕྱིར་ཞེ་ན་འབྱུང་བའི་རྐྱེན་དང་བྲལ་བའི་ཕྱིར་རོ
༡༠
ང་རང་སྣང་གི་ཤེས་རབ་ལ་ཐེ་ཚོམ་གྱི་མཐའ་མེད་དོ
དེ་ཅིའི་ཕྱིར་ཞེ་ན
རང་སྣང་གི་སྤྱོད་པ་མ་འགགས་པའི་ཕྱིར་རོ
ང་ཤེས་རིག་གི་རྒྱལ་པོ་ལ་ཕྱོགས་ལྷུང་གི་མཐའ་མེད་དོ
དེ་ཅིའི་ཕྱིར་ཞེ་ན
རིག་པ་ཉིད་རྐྱེན་དང་བྲལ་བའི་ཕྱིར་རོ
ང་རང་གི་ལྷ་མོ་རྒྱན་མ་བཀོད་པར་གསལ་བ་ལ
གསལ་འགྲིབ་ཀྱི་ཕྱོགས་མེད་དོ
དེ་ཅིའི་ཕྱིར་ཞེ་ན
ཡེ་ཤེས་ཀྱི་སྣང་བ་ཉིད་ཡེ་ནས་གསལ་བའི་ཕྱིར་རོ
དེའི་ཕྱིར་རིགས་ཀྱི་བུ་མོ་རང་གི་སྣང་བ་རྣམ་པར་དག་པ་དང་འགྲོགས་པར་བྱའོ
དེ་ནས་ཡང་འདུས་པའི་ཚོགས་ཀྱི་ནང་ནས
ཡེ་ཤེས་ཀྱི་ལྷ་མོ་དབྱིངས་རིག་གསལ་བའི་སྒྲོན་མས་འདི་སྐད་ཅེས་ཞུས་སོ
ཀྱེ་བཅོམ་ལྡན་འདས་ཐུགས་རྗེའི་དཀྱིལ་འཁོར་དང་ལྡན་པ
ཐུན་མོང་ཡུལ་གྱི་ཆོས་གང་ལགས
ཞེས་ཞུས་སོ
དེ་ནས་ཡང་སྟོན་པ་ཡེ་ཤེས་ཀྱི་སྐུས་བཀའ་སྩལ་པ
ཀྱེ་མ་ཡེ་ཤེས་ཀྱི་ལྷ་མོ་ཁྱོད་ཉོན་ཅིག
ངས་ཐུན་མོང་གི་སྣང་བའི་ཆོས་ཉིད་བསྟན་གྱིས་ལེགས་པར་ཉོན་ཅིག
ཐུན་མོང་དུ་སྣང་བའི་ཆོས་ཉིད་འདི་ལྟ་སྟེ
༡༡
ཕྱི་འབྱུང་བ་ལྔ་ཉིད་ཐུན་མོང་རང་རྒྱུད་ཀྱི་ཆོས་ཡིན་ཏེ
ཕྱིར་སྣང་བའི་འབྱུང་བ་ཐམས་ཅད་རང་གི་རིག་པ་ཉིད་དང་སྦྱོར་བས་ན་ཐུན་མོང་གི་ཆོས་ཡིན་ཏེ
དེ་ལ་དབྱེ་བ་འདི་ལྟ་སྟེ
སའི་མཚན་ཉིད་སྲ་བར་བྱེད་པ་ཉིད་ཀྱི་ང་རིག་པའི་ཡེ་ཤེས་སྐྱེ་འཇིག
དང་བྲལ་བར་སྦྱར་རོ
རླུང་གི་མཚན་ཉིད་འདེགས་པར་བྱེད་པ་ཉིད་ཀྱང
རིག་པའི་ཡེ་ཤེས་ཐོགས་པ་མེད་པ་དང་སྦྱར་རོ
མེའི་མཚན་ཉིད་བསྲེག་པར་བྱེད་པ་ཉིད་ཀྱང
རིག་པའི་ཡེ་ཤེས་ཉོན་མོངས་པའི་དབང་དུ་མ་སོང་བ་དང་སྦྱར་རོ
ཆུའི་མཚན་ཉིད་བརླན་པར་བྱེད་པ་ཉིད་ཀྱང་རིག་པའི་ཡེ་ཤེས་ཡུལ་ཀུན་ལ་འཇུག་པ་དང་སྦྱར་རོ
ནམ་མཁའི་མཚན་ཉིད་ཡངས་པ་ཉིད་ཀྱང་རིག་པའི་དབྱིངས་རྒྱ་མ་ཆད་པ་དང་སྦྱར་བར་བྱའོ
དེ་ནས་འདུས་པའི་ཚོགས་རྣམས་ཀྱིས་མགྲིན་གཅིག་ཏུ་འདི་སྐད་ཅེས་གསོལ་ཏོ
ཀྱེ་བཅོམ་ལྡན་འདས་ཐུགས་རྗེ་དང་ཐབས་སུ་ལྡན་པ
བདག་ཅག་རྣམས་ལ་ཐབས་ཀྱི་དཀྱིལ་འཁོར་གསུང་དུ་གསོལ
ཞེས་ཞུས་སོ
དེ་ནས་ཡང་བཀའ་སྩལ་པ
ཨེ་མ་རིགས་ཀྱི་བུ་རྣམས་མ་ཡེངས་པར་ཉོན་ཅིག
གསང་སྔགས་ཐབས་ཀྱི་ཡེ་ཤེས་ངས་བཤད་ཀྱིས་མ་ཡེངས་པར་ཉོན་ཅིག
༡༢
ཡེ་ཤེས་ཀྱི་ངོ་བོ་རྟོག་མེད་དུ་ཡོད་ཀྱང་རྩལ་རྣམ་པ་སྣ་ཚོགས་སུ་སྣང
བས
སེམས་ཅན་གྱི་བློ་ལ་དྲི་མ་དང་བཅས་ཏེ
རང་སྣང་གསལ་དུ་མ་སྟེར་བས་ཐམས་ཅད་བསྒྲིབས་ནས་སྣང་བའི་རྗེས་སུ་སོང་བའོ
དེ་ཡང་ཤེས་རབ་ཀྱི་དོན་ཆོད་ན་བསྒྲིབ་ཕྱོགས་ཀྱིས་མ་བསྒྲིབས་པར་བསྟན་པའོ
རང་སྣང་ཤེས་རབ་ཀྱི་སྐུ་ངོ་ཤེས་ན
ཆོས་ཐམས་ཅད་ཀྱི་མདོ་དང་རྒྱས་པ་ཤེས་པར་འགྱུར་ཏེ
ཉོན་མོངས་པ་ཡེ་ཤེས་ཀྱི་སྣང་བར་སློང་བའོ
དེ་ནས་འདུས་པའི་ཚོགས་དེ་རྣམས་ཤིན་ཏུ་ངོ་མཚར་བར་གྱུར་ནས་འདི་སྐད
ཅེས་བགྲོས་སོ
འདི་སྐད་བདག་གིས་ཐོས་ནས་གོ་ཞིང་ཤེས་ནས
རྟོགས་པའི་དུས་གཅིག་ན
རང་རིག་པ་ཐམས་ཅད་ཀྱི་དེ་བཞིན་ཉིད
བཅོམ་ལྡན་འདས་དཔལ་ཀུན་ཏུ་བཟང་པོ་དང་གཉིས་སུ་མེད་པར་སྙོམས་པར་ཞུགས་སོ
དེ་ནས་ཡང་ཆ་ཡིས་མ་བགོས་པའི་ཕོ་བྲང་ཆེན་པོ་ཐུགས་ཙིག་ཏའི་དཀྱིལ
འཁོར་ཆེན་པོར་གནས་ཏེ
གསུང་གི་སྤྲུལ་པ་གྲངས་མེད་པས་འགྲོ་བའི་དོན་བྱེད་དོ
ཐུགས་ཀྱི་དགོངས་པ་ནི་གཅིག་ལས་མ་གཡོས་པ་ཉིད་དོ
སྐུའི་ཆོ་འཕྲུལ་ནི་ཅིར་ཡང་སྟོན་པ་ཉིད་དོ
༡༣
རང་བྱུང་གི་ཐབས་གཅིག་གི་ངོ་བོ་གང་ལ་ཐམས་ཅད་དུ་སྣང་བ་ཉིད་དོ
ཆོ་འཕྲུལ་གྱི་ཏིང་ངེ་འཛིན་བསམ་གྱིས་མི་ཁྱབ་པ་ཉིད་དོ
ཡེ་ཤེས་ཀྱི་དཀྱིལ་འཁོར་ཀུན་ཏུ་སྟོན་པ་ཉིད་དོ
མཛེས་པའི་འོད་ཟེར་ཕྱོགས་བཅུར་འཕྲོ་བ་ཉིད་དོ
སྣང་བའི་འདུ་འཕྲོ་ཅིར་ཡང་སྣང་བ་ཉིད་དོ
ཡེ་ཤེས་ཀྱི་ཐབས་གང་ལ་ཡང་མ་འགགས་པ་ཉིད་དོ
ཐུགས་ཀྱི་ཀློང་ནས་དགོངས་པའི་འོད་ཟེར་རང་ཤར་བ་ཉིད་དོ
སངས་རྒྱས་ཀྱི་ཞིང་ཁམས་སྐུ་མངོན་པར་སྣང་བ་ཉིད་དོ
གསང་བའི་སྒྲོན་མ་ཕྱོགས་གང་ལ་མི་གནས་པ་ཉིད་དོ
ཤེས་རབ་ཀྱི་ངོ་བོ་ཕྱོགས་གར་ཡང་ཐོགས་པ་མེད་པ་ཉིད་དོ
སྐུ་གསུམ་གྱི་སྣང་བ་མཐའ་རྣམ་པར་དག་པ་ཉིད་དོ
ཆོས་ཉིད་ཀྱི་དབྱིངས་རྒྱ་གར་ཡང་མ་ཆད་པ་ཉིད་དོ
ཆོས་སྐུའི་སྣང་བ་ཕྱོགས་གང་དུ་ཡང་མ་ལྷུངས་པ་ཉིད་དོ
ཡེ་ཤེས་ཀྱི་སྒོ་བཞི་སྐྱེ་འགག་མེད་པར་གསལ་བ་ཉིད་དོ
ཐིག་ལེ་འདུ་འཕྲོ་འབྱུང་འཇུག་མེད་པར་རྟོགས་པ་ཉིད་དོ
ཞི་བའི་སྐུ་ལ་འཕེལ་འགྲིབ་མེད་པར་ཀུན་ཏུ་སྣང་བ་ཉིད་དོ
གསང་སྔགས་ཀྱི་ལམ་ལ་ཐབས་མ་འགགས་པར་སྣང་བ་ཉིད་དོ
༡༤
ཁྲོ་བོའི་སྐུ་ལ་རྒྱན་མེད་པར་སྒེག་པ་ཉིད་དོ
ཡེ་ནས་གནས་པའི་ཐུགས་རྗེ་ལ་འགག་པ་མེད་པ་ཉིད་དོ
བལྟ་བ་རང་བྱུང་གི་ཡེ་ཤེས་ལ་རྩིས་དང་བྲལ་བ་ཉིད་དོ
ཆོས་ཅན་ཡུལ་གྱི་སྣང་བ་ཀུན་ཏུ་མཐའ་ཡས་པ་ཉིད་དོ
སྐུ་མི་ཟད་པ་རྒྱན་གྱི་འཁོར་ལོ་རྒྱུན་དུ་བསྐོར་བ་ཉིད་དོ
སྤྱོད་པ་རྨད་བྱུང་གི་ཡེ་ཤེས་ཀུན་དང་མཐུན་པ་ཉིད་དོ
སྒོམ་པ་རང་གསལ་གྱི་ཡེ་ཤེས་མ་གཡོས་པ་ཉིད་དོ
ཆོས་ཉིད་མཐའ་བྲལ་གྱི་དགོངས་པ་ཀུན་ཏུ་སྣང་བ་ཉིད་དོ
ཡེངས་མེད་རྒྱུན་གྱི་དམ་ཚིག་སྡོམ་པ་ཉིད་དོ
བྱ་བྲལ་གཅིག་རྫོགས་ཀྱི་ཕྲིན་ལས་ཟིན་པ་ཉིད་དོ
མི་འདོད་རང་བྱུང་གི་ཡོན་ཏན་རྒྱས་པ་ཉིད་དོ
གྲག་སྟོང་ཆོས་སྐུའི་སྒྲ་དབྱངས་ལ་ཐུག་པ་མེད་པ་ཉིད་དོ
ཆོས་སྐུའི་མཚན་ཉིད་ནི་གང་ཡང་ཐོགས་པ་མེད་པ་ཉིད་དོ
ཡེ་ཤེས་དཀྱིལ་འཁོར་ལ་འཕེལ་འགྲིབ་མེད་པ་ཉིད་དོ
ང་རང་བྱུང་ཐབས་ཀྱི་ཡེ་ཤེས་ལ་ཐ་དད་མེད་པ་ཉིད་དོ
སྐུའི་དཀྱིལ་འཁོར་ཀུན་ནས་འབྱུང་བ་ཉིད་དོ
གཉིས་སུ་སྣང་བ་མེད་པའི་ཡེ་ཤེས་དྲི་མ་མེད་པ་ཉིད་དོ
ཐུགས་རྗེ་རང་བྱུང་གི་སྣང་བ་ཀུན་ཏུ་ཡངས་པ་ཉིད་དོ
༡༥
ཐུགས་རྗེ་རང་བྱུང་གི་དཀྱིལ་འཁོར་འོད་གསལ་བ་ཉིད་དོ
མཐའ་གར་ཡང་མི་འབྱེད་པ་ཉིད་དོ
མཐའ་མ་འགགས་པའི་སྤྱན་གྱིས་ཕྱོགས་བཅུར་གཟིགས་པ་ཉིད་དོ
ཤེས་རབ་རང་བྱུང་གི་འོད་ཟེར་ཕྱོགས་རིས་མེད་པ་ཉིད་དོ
གསང་སྔགས་ཐབས་ཆེན་པོ་ཡོངས་སུ་རྫོགས་པ་ཉིད་དོ
སྟོང་པ་ཀུན་ཁྱབ་ཀྱི་ཡེ་ཤེས་མཐའ་རྣམ་པར་འབྱེད་པ་ཉིད་དོ
ཐུགས་ཀྱི་དགོངས་པ་རྩེ་གཅིག་ལས་མ་གཡོས་པ་ཉིད་དོ
ཐུགས་རྗེའི་སྐུ་རྣམ་པར་འབྱེད་པ་ཉིད་དོ
སངས་རྒྱས་ཀྱི་ལམ་ལྔ་ལ་མཁས་པ་ཉིད་དོ
སངས་རྒྱས་ཀྱི་དཀྱིལ་འཁོར་ལྔ་དང་འདུ་འབྲལ་མེད་པ་ཉིད་དོ
ཐུགས་རྗེའི་སྤྱན་ལྔ་ཁོང་ནས་གསལ་བ་ཉིད་དོ
སྟོང་པའི་སྤྱན་དྲུག་མཁའ་ལ་བསྐྱོད་པ་ཉིད་དོ
ཐིག་ལེའི་འོད་ལྔ་རང་ལས་འབྱུང་བ་ཉིད་དོ
དེ་བཞིན་གཤེགས་པ་ཐམས་ཅད་ཀྱི་ཐུགས་རྡོ་རྗེ་ལྟ་བུ་དང་གཉིས་སུ་མེད་པར
ཐབས་ཅིག་ཏུ་སྙོམས་པར་བཞུགས་སོ
ཞེས་ནོར་བུ་ཕྲ་བཀོད་ཆེན་པོའི་རྒྱུད་ལས
གླེང་གཞིའི་ལེའུ་སྟེ་དང་པོའོ
༄༢
དེ་ནས་རིགས་ཀྱི་ལྷ་མོ་ཡིས
བཅོམ་ལྡན་རང་རིག་དོན་ལྡན་ལ
༡༦
འདུན་པའི་ཚུལ་གྱིས་རབ་ཏུ་ཞུས
ཀྱེ་ཀྱེ་བཅོམ་ལྡན་སྟོབས་ལྡན་པ
རིགས་ཀྱི་ལྷ་མོའི་ཚོགས་རྣམས་ལ
རང་གི་གཏན་ཚིགས་ཐབས་ལྡན་གསུངས
དེ་སྐད་ཞུ་བ་ཞུས་གྱུར་ནས
ནམ་མཁའ་དག་ལ་རབ་གནས་སོ
དེ་ནས་རང་རིག་བཅོམ་ལྡན་འདས
ཉེ་བའི་འཁོར་དང་བཅས་པ་ཡིས
ལྷ་མོ་རྣམས་ལ་བཀའ་སྩལ་པ
ཨེ་མ་སངས་རྒྱས་རྗེས་བཟུང་ཕྱིར
ཁྱོད་ལ་ང་ཡིས་ལེགས་པར་བསྟན
མ་ཡེངས་གུས་པའི་ཚུལ་གྱིས་ཉོན
གཏན་ཚིགས་ཐབས་ཀྱི་ཡན་ལག་ཀྱང
བསམ་གྱིས་མི་ཁྱབ་གྲངས་མང་ཡང
གསང་སྔགས་ངེས་དོན་གཏན་ཚིགས་འདི
འབྱུང་བར་འགྱུར་བ་མ་ཡིན་པས
གསང་སྔགས་གཏན་ཚིགས་ཁྱེད་ཀྱིས་ཟུང
ཡང་དག་ངེས་པའི་ལུང་འདི་ཉོན
མདོ་དོན་གཏན་ཚིགས་རྒྱས་བཤད་ཀྱིས
ལེགས་པར་ངེས་པའི་དོན་ལ་ཉོན
དྲང་བའི་ཐེག་པ་རྣམ་མང་ཡང
ངེས་པ་དོན་གྱི་མདོ་སྡེ་འདི
འགའ་ཡང་འབྱུང་བར་མ་བཤད་དོ
སངས་རྒྱས་ཡེ་ཤེས་ལམ་འཛིན་པས
ངེས་པའི་ལུང་འདི་བཀའ་སྩལ་པ
སེམས་ཅན་ཐར་པའི་ལམ་ལ་ཉེ
ཡེ་ཤེས་དཀྱིལ་འཁོར་རབ་བསྟན་པས
༡༧
མི་མཐོང་བསལ་བའི་སྒྲོན་མར་འགྱུར
སྣང་མཛད་སེམས་ཀྱི་གཟུང་འཛིན་ལས
ཐེ་ཚོམ་བློ་ཡི་སྤྱོད་ཡུལ་འཆར
རྣམ་རྟོག་རབ་ཏུ་སྤང་བྱའི་ཕྱིར
ངེས་པའི་ལུང་འདི་རབ་བཤད་པས
ཐེག་པ་དམའ་བའི་གང་བྲག་རྣམས
ཤིན་ཏུ་བྲེད་ཅིང་དངས་པར་འགྱུར
རྣམ་རྟོག་བློ་ཡི་དྲི་མ་རྣམས
རབ་ཏུ་དག་པས་གསལ་ཕྱིར་འགྱུར
ཡོངས་སུ་རྫོགས་པའི་ལམ་རྒྱལ་འགྲུབ
འདི་ཉིད་འདོད་རྒྱལ་མ་ཡིན་ཏེ
གསང་སྔགས་ཆེན་པོའི་དགོངས་པ་ཉིད
རང་གི་དོན་ལ་ཆེ་བར་བཤད
གཞི་རྫོགས་ལམ་གསལ་འབྲས་བུ་སྣང་བར་འགྱུར
ཐེག་པའི་མཐོ་དམན་ཐམས་ཅད་ཀྱང
རང་རང་དོན་ལ་མི་མཐུན་པས
གསང་བའི་དོན་ནི་རྟོགས་མི་འགྱུར
དེ་ཡང་ངོ་བོ་མཚན་ཉིད་དང
རང་བཞིན་ཀུན་ཁྱབ་ངེས་ཚིག་གོ
ཐུགས་རྗེ་ཀུན་འབྱུང་ཉི་ཟེར་ལ
གསང་སྔགས་ཐབས་ཀྱི་ལམ་ཉིད་ལས
ཐབས་ཀྱི་ཞགས་པ་ལྔ་ཤར་བས
འཛིན་བྱེད་དབྱིངས་དང་རིག་པ་འཛིན
ཐོགས་མེད་རྣམ་གྲོལ་རླུང་ཆེན་གྱིས
རང་སྣང་དག་པའི་ནམ་མཁའ་ལ
མ་བསྐྱོད་བཞིན་དུ་དེ་བཞིན་གཤེགས
༡༨
རྣམ་དག་དབྱིངས་ཀྱི་ཕོ་བྲང་ན
ཡེ་ཤེས་རྟོགས་པའི་མེ་ལྔ་ཡིས
མཚན་མ་རྟོག་འཛིན་སྤར་སྤུར་བསྲེགས
ཉོན་མོངས་བཞི་བཅུ་ཐལ་བར་བརླག
རྣམ་རྟོག་འཁོར་བའི་ཆུ་རྒྱུན་བཅད
འཁོར་བའི་དྲི་མ་རབ་བསལ་ནས
ཡེ་ཤེས་དོན་ལ་ཐེ་ཚོམ་མེད
ཐར་མ་རྒྱ་ལས་རྣམ་པར་གྲོལ
འཛིན་པའི་ཕུར་པ་རང་ཕྱུང་བས
འཁོར་བའི་རྟོད་ཐག་ཆེན་པོ་བཅད
རང་རིག་གསལ་བའི་མཐོངས་ཕྱེ་ནས
གཏི་མུག་འཁོར་བའི་མུན་པ་སངས
སྣང་བ་ཐུག་ཕྲད་དོན་དགོངས་ཀྱིས
ཐད་ཀའི་ཤེས་པ་དོན་ལྡན་འགྱུར
ཐིག་ལེ་སྤྱི་ཆིངས་རང་གནད་ཀྱིས
སྣང་བ་སྐྱེ་འགག་ཕྱོགས་དང་བྲལ
ཡུལ་སེམས་གཉིས་མེད་ཏིང་འཛིན་གྱིས
དྲི་མ་གཉིས་ཀྱི་མཐའ་ལས་གྲོལ
ཐམས་ཅད་རང་གསལ་ཆོས་ཉིད་ཀྱིས
ཉོན་མོངས་འཆིང་བའི་མདུད་པ་བཀྲོལ
གཞི་རྫོགས་ཆོས་ཉིད་དཀྱིལ་འཁོར་གྱིས
སྒོ་ལྔའི་ཡུལ་ལས་རྣམ་པར་ཐར
ཐ་དད་ཐུན་མོང་མ་ཡིན་པས
ཤེས་བྱའི་ཡུལ་ལ་རྣམ་པར་འབྱེད
དཀྱིལ་འཁོར་ཡེ་ཤེས་རྣམ་ལྔ་ཡིས
ཡང་དག་དོན་ལ་རྣམ་པར་རོལ
༡༩
སྐྱེ་ཤི་མེད་པའི་ཆོས་སྐུ་ཡིས
རྟོག་འཛིན་ཡུལ་གྱི་དྲི་མ་སངས
གསང་བ་རྒྱུན་གྱི་ཐུགས་རྗེ་ཡིས
གཅོང་རོང་མུན་པའི་གཏིང་ནས་འདྲེན
ཤེས་རབ་ཡུལ་གྱི་ཕྱག་རྒྱ་ཡིས
འཛིན་རྟོག་གཉིས་ཀྱི་མཐའ་དང་བྲལ
ཡངས་པའི་ཆོས་ཉིད་གསལ་མཐོང་བས
འཁོར་བའི་ཞེ་འདོད་ཐབས་ཀྱིས་སྤངས
རང་རིག་ཐབས་ཀྱི་གླུ་ཆེན་འདིས
ཡེ་ཤེས་གསལ་བའི་ཉམས་ལྡན་འགྱུར
སྣང་སྲིད་ཡེ་རྒྱ་མཐར་ཐུག་གིས
རིག་པའི་རང་གདངས་མཐོང་བར་འགྱུར
ཨེ་མ་སངས་རྒྱས་དོན་ལྡན་པ
ཡེ་ཤེས་རང་ལ་འཆར་བར་འགྱུར
གཞི་ཡི་ཆོས་ཉིད་རྫོགས་གྱུར་ནས
ལམ་ལས་འབྲས་བུ་ཐོབ་པར་འགྱུར
དེ་ཡང་ཡེ་ཤེས་ལྷུན་གནས་པས
ངེས་པའི་བདེན་པ་རབ་ཏུ་མཐོང
ཤེས་པའི་ཁྱད་ཀྱིས་གང་གནས་གསལ
དོན་ནི་གཅིག་ལས་མ་གཡོས་ཀྱང
རང་སྣང་དཀྱིལ་འཁོར་ལྷུན་གྱིས་གྲུབ
ཡེ་ནས་རང་རིག་འོད་གསལ་བས
རང་སྣང་འཇའ་ཚོན་རྣམ་པར་འཕེལ
སྣང་བ་ཡེ་ཤེས་སྐུར་ལྡན་པས
ཤེས་རབ་ཡེ་ཤེས་ཁོན་ནས་གསལ
༢༠
དེ་ནས་སྣང་དང་གསལ་བ་དང
རང་བཞིན་ཀུན་ཏུ་ཁྱབ་པའོ
གསང་བའི་ཡེ་ཤེས་སྣང་བྱུང་བས
འཁོར་བའི་མུན་པ་རྣམ་པར་གསལ
ཚིག་ལས་ཤེས་རབ་རབ་གསལ་བས
འབྲས་བུའི་དཀྱིལ་འཁོར་ཉག་གཅིག་གསལ
ཐེག་པ་གཅིག་ལ་དོན་བརྗོད་པས
སོ་སོའི་བཤད་གཞུང་བསམ་མི་ཁྱབ
སེམས་ཅན་མོས་པ་གོ་འབྱེད་ཕྱིར
རང་རང་འདོད་དུ་བསྟན་པའོ
དེ་ཡང་ཐེག་ཆེན་གསང་བ་ལས
ཡང་དག་ངེས་པའི་ལུང་བསྟན་པས
ཨ་ནུ་མན་ཆད་ཐེག་པ་རྣམས
རྩོལ་སེམས་བློ་ཡི་ཆོས་སྐུ་བསྟན
རང་གི་དོན་ལ་མཐའ་ཡས་ཀྱང
གཞི་ལ་གཅིག་པས་མེད་པར་དེས
ཐེག་པ་ཐེག་པ་ཞེས་བྱ་བ
གུད་ན་ཡོད་པ་མ་ཡིན་ཏེ
རིག་པ་སྟོབས་དང་ལྡན་གྱུར་ན
ཐིག་པ་ཞེས་ནི་དེ་ལ་བྱ
རིག་པ་སྟོབས་དང་མི་ལྡན་ན
སྣ་ཚོགས་ཐེག་པ་བསམ་ཡས་འགྱུར
ཡེ་ཤེས་གཅིག་དང་དུ་བྲལ་བས
གསང་བའི་ཡེ་ཤེས་ཚིག་ལས་འདས
འཛིན་པའི་འཕུར་བས་ཐམས་ཅད་བཟུང
ཞེ་འདོད་འཁོར་བའི་སྡུག་བསྔལ་ཆོས
བསམ་གྱིས་མི་ཁྱབ་རྒྱ་ཆེར་སྣང
ཡུལ་དུ་སྣང་བའི་ཆོས་སྐུ་དང
༢༡
སེམས་ཅན་མོས་པའི་མཚན་སྐུ་གཉིས
མཚན་མའི་ཕྱོགས་སུམ་ལྷུང་ན
ཁྱད་མེད་གཅིག་ཏུ་ང་ཡིས་བཤད
སྐུ་གཅིག་སེམས་ཅན་ཀུན་ལ་སྣང
སྐུ་གཅིག་འགྲོ་དོན་མཐར་ཕྱིན་པའོ
སྐུ་གཅིག་སྣང་བ་ཀུན་ཏུ་སྟོན
སྐུ་གཅིག་མཐའ་ལ་མི་གནས་པའོ
རྡོ་རྗེ་སྙིང་པོ་ཡེ་ཤེས་སྐུ
བསམ་གཏན་སྙིང་པོའི་ཚིག་ལས་འདས
མངོན་པར་བྱང་ཆུབ་སྐུ་ཉིད་གསལ
ཡེ་ཤེས་ཆིག་ཆོད་གཉིས་སྣང་བྲལ
རྡོ་རྗེ་འཛིན་སྐུ་དོན་མི་འགྱུར
མཐའ་གཉིས་མི་གནས་རང་སར་ཆེ
ཕྱག་རྒྱའི་རྡོ་རྗེ་འགྱུར་བ་མེད
མི་བསྐྱོད་དཀྱིལ་འཁོར་ལས་བྱུང་བའི
ཡང་དག་གཞུང་ཉིད་རབ་བརྟན་སྐུ
ཐིག་ལེ་སྣ་ཚོགས་སྐུ་ཡི་དབྱིབས
མཚན་ལྡན་དཀྱིལ་འཁོར་སྐུ་གསུམ་རྫོགས
བྱ་བ་མེད་པས་དབྱིངས་དང་ལྡན
གཅིག་ལས་མི་གཡོ་ཆོས་ཀྱི་སྐུ
གཉིས་སུ་མ་ཡིན་རང་སྣང་ཡུལ
དོན་དམ་ཀུན་རྫོབ་གཉིས་ལས་འདས
འཛིན་པའི་མཐའ་གཉིས་རྣམ་པར་སྤངས
དཀྱིལ་འཁོར་རྡོ་རྗེ་ཡིད་བཞིན་གཏེར
མཐའ་ལས་མི་གཡོ་མཉམ་པའི་ངང
གོལ་སྒྲིབ་གཉིས་ཀྱི་རྟོག་པ་སངས
༢༢
བྱས་པས་མ་བྱུང་ཆོས་ཀྱི་སྐུ
བཟུང་བས་མི་བྲིན་ཆུ་ཟླ་འདྲ
ཐུགས་རྗེའི་ཐབས་ལ་རང་སྣང་བས
ཉི་མ་དང་ནི་ཟེར་བཞིན་ནོ
ཤེས་རབ་རྩལ་གྱིས་རབ་གནས་པ
དོན་གྱི་དཀྱིལ་འཁོར་སྣང་མཐའ་ཡས
སྐུ་ཡི་སེམས་ཉིད་སྟོང་བདག་མེད
ཡེ་ཤེས་ཕུང་པོ་སྐྱེ་འཇིག་བྲལ
བསམ་གཏན་ཆོས་ཉིད་ཞི་བ་སྟེ
སྣང་བ་མཐའ་ཡས་ཞིང་དུ་སྒྲོལ
རང་བྱུང་སྐུ་གཉིས་རྣམ་པར་དག
སྟོང་པ་ཉིད་ཀྱི་དམ་ཚིག་ལས
རིམ་པའི་ཡུལ་དུ་རྣམ་པར་སྣང
དཔེར་ན་སེམས་ཅན་ལ་ལ་དག
ལས་ལ་མངོན་པར་ཞེན་པ་ལྟར
ཆོས་ཉིད་ངོ་བོ་མ་མཐོང་བས
ཆོས་སྤྱོད་བཅུ་ལ་ཞེན་པར་འགྱུར
གསང་བའི་ཐེག་པ་རྟོགས་མི་འགྱུར
གསང་སྔགས་རང་བྱུང་ཐེག་ཆེན་འདི
ཉོན་མོངས་ཡེ་ཤེས་གཉིས་ལས་འདས
སྟོང་ཞིང་བདག་མེད་ཡུལ་སྣང་བྲལ
དྲི་མ་གསུམ་ལས་རབ་ཏུ་ཐར
ཡང་དག་གསང་དོན་རྙེད་པའོ་
ཨེ་མ་ཧོ
བདེ་གཤེགས་སངས་རྒྱས་སྤྱོད་ཡུལ་ནི
དམིགས་མེད་དཀྱིལ་འཁོར་ཆེན་པོ་ལ
དཔེར་ན་བཞིན་དང་མེ་ལོང་བཞིན
གང་རྟོགས་པ་ལ་དེ་ལྟར་སྣང
ཡེ་ཤེས་རང་གསལ་ཉི་ཤར་ལྟར
༢༣
སྣང་བའི་དཀྱིལ་འཁོར་འོད་དུ་གསལ
ཤེས་རབ་ཡེ་ཤེས་ལས་བྱུང་བའི
སྣང་བའི་སྒྲོན་མ་འོད་འབར་ཞིང
ཁྱབ་གདལ་འུབ་ཆུབ་ཏིང་འཛིན་ནི
གཅིག་བཞིན་སྤྲོས་དང་བསྡུ་བ་མེད
རིག་པའི་འཁོར་ཡུག་ཕྱོགས་དང་བྲལ
ཡེ་ཤེས་འཁོར་ཡུག་འོད་དུ་གསལ
སྒྲོན་མའི་འཁོར་ཡུག་དམིགས་པ་མེད
མཐའ་གཉིས་སངས་བྱེད་མུན་སངས་ནས
རྣམ་རྟོག་ཉིད་ལས་ཡེ་ཤེས་གསལ
སངས་རྒྱས་ཞིང་སྦྱོར་འདྲེན་སེལ་ཞིང
སྟོང་པའི་ཡུལ་ལས་རྣམ་པར་འདས
ཚིག་དང་ཡི་གེ་ལྟར་སྣང་སྟེ
བཏགས་པར་སྣང་བ་ཐམས་ཅད་ཀུན
དཔེར་ན་བྲག་ཆ་ལྟ་བུར་བསྟན
རྐྱེན་དུ་སྣང་བ་ཐམས་ཅད་ཀུན
རང་སྣང་ཚིག་ལས་འདས་པའི་ཡུལ
སྣང་དང་མི་སྣང་གཉིས་མེད་ཀྱང
རྗེས་སུ་སྣང་བ་གང་ཡང་མེད
དཔེར་ན་ནམ་མཁའི་བྱ་ལམ་བཞིན
ཐིག་ལེ་ཉག་གཅིག་རྫོགས་པ་ཆེ
མིག་གི་འོད་དུ་རབ་ཏུ་སྣང
རྡོ་རྗེའི་དཀྱིལ་འཁོར་འོད་ཉིད་ལས
སྒྲོན་མའི་རང་འོད་ཉིད་དུ་འགྱུར
རང་བྱུང་དོན་གྱི་སྙིང་པོ་ཉིད
ཡོད་དེ་ཡོད་པ་མ་ཡིན་པས
དངོས་པོ་ཉིད་ཀྱི་མཐའ་དང་བྲལ
མེད་དེ་མེད་པ་མ་ཡིན་ཏེ
༢༤
ཏི་ལ་འབྲུའམ་ནི་ཡུངས་འབྲུ་ལ
མར་ཉིད་ཡེ་ནས་ལྷུན་གྲུབ་བཞིན
སེམས་ཅན་ལུས་ལྟར་སྣང་བ་ལ
དེ་བཞིན་གཤེགས་པའི་ས་བོན་ནི
མཐུན་པའི་འོད་དང་རང་ཆས་སུ
གནས་ནས་ལམ་ཞུགས་སྒོ་དག་ཏུ
རྣམ་པར་ཐོན་ནས་དོན་ལ་སྤྱོད
ནམ་མཁས་གར་ཁྱབ་སེམས་ཅན་ཏེ
རིག་པའི་དོན་ཡང་དེ་ཙམ་མོ
དེ་ཡང་མཐའ་ཡས་ཐུག་མེད་དེ
རང་གི་ངོ་བོ་གཅིག་ཏུ་གནས
རྫོགས་སངས་རྒྱས་ནི་རང་རིག་ཉིད
ངོ་བོ་དུས་གསུམ་འགྱུར་བ་མེད
རང་བཞིན་རྟག་ཏུ་འགག་པ་མེད
ཐུགས་རྗེ་ཀུན་ལ་རབ་སྣང་བའོ
སྣང་བ་ཀུན་ཏུ་མཐའ་ཡས་ཤིང
དཀྱིལ་འབྱམས་རང་སྣང་ཐུགས་བརྡོལ་ནས
ཉོན་མོངས་ལྔ་ཡི་དྲི་མ་རྣམས
ཐ་དད་ཉིད་ལས་རང་རིག་སྐུ
རྒྱུན་དུ་སྣང་བས་རང་འབྱུང་ཞིང
གཅིག་ཏུ་གསལ་བས་འཕོ་འགྱུར་མེད
རང་རང་ཙིཏ་ཏ་རིན་ཆེན་ན
ཚོན་གང་འོད་འབར་བུམ་པའི་ཚུལ
ནང་ན་ཡེ་ཤེས་མེ་འོད་འབར
གཞལ་ཡས་ཡེ་ཤེས་དུ་མར་སྣང
སྐུ་ཡི་ངོ་བོ་རེ་རེ་ལས
གསུང་གི་སྤྲུལ་པ་གྲངས་མེད་ཅིང
ཐུགས་ཀྱི་དགོངས་པ་འདའ་མེད་ཅིང
བསམ་པ་མེད་པའི་རིག་སྣང་ལས
༢༥
གོམས་པའི་བློ་ནི་རབ་བརྟན་ན
སྣང་མཛད་ཆེན་པོའི་ལྟ་བར་འགྱུར
སྣང་བའི་ཡེ་ཤེས་འོད་འབར་ཞིང
མཐུན་འཇུག་ཐབས་ཀྱི་སྤྱོད་པ་ལས
རང་སྣང་ཡུལ་ནི་ཇི་སྙེད་པ
རྟོགས་པའི་ལྟ་བ་དེ་ཙམ་མོ
སེམས་ཅན་བསམ་པ་དེ་ཙམ་པར
འདུལ་བའི་ཆོས་ནི་དེ་ཙམ་མོ
སེམས་ཅན་རྟོག་པ་མ་ཟད་པར
ཐེག་པ་ཉིད་ཀྱང་ཟད་མི་འགྱུར
གསང་བའི་ཐེག་པ་གཅིག་ཡིན་ཀྱང
སེམས་ཅན་བློ་ལ་ཐ་དད་སྣང
དཔེར་ན་རིན་ཆེན་གསེར་ཉིད་ལ
སེར་པོ་རང་བཞིན་ལྷུན་གྲུབ་ལྟར
རང་རིག་ཡེ་ཤེས་ངོ་བོ་ལ
འོད་གསལ་དཀྱིལ་འཁོར་ལྷུན་གྱིས་གྲུབ
ཡེ་ཤེས་ལམ་ལ་རབ་གནས་ཤིང
ཆོས་ཉིད་ཡུལ་གྱི་སྣང་བ་ལས
སངས་རྒྱས་འོད་ནི་མི་འགྱུར་བས
དང་པོའི་སངས་རྒྱས་འོད་སྲུང་ལ
འོད་སྣང་དོན་ཉིད་རབ་ཏུ་ཞུས
འོད་སྲུང་ཆེན་པོས་བཀའ་སྩལ་པ
ཨེ་མ་ཧོ
ཡངས་སོ་ཆེའོ་ཆོས་ཉིད་རྣམ་པར་དག
ཆེའོ་བལྟ་བ་རྨད་པོ་ཆེ
སྣང་ངོ་རང་སྣང་དཀྱིལ་འཁོར་ཉིད
ཡུལ་དང་ཡུལ་མེད་རྣམ་པར་དག
ཕྱི་དང་ནང་མེད་ཀུན་ཏུ་སྣང
སྟོང་དང་མི་སྟོང་ཚིག་ལས་འདས
༢༦
འོད་ནི་ཐུག་པ་མེད་པར་སྣང
སྐུ་ནི་གཅིག་པུ་བདེན་པ་ཆེ
ཡུལ་ནི་སྟོང་ཁྱབ་ཡེ་ཤེས་སྣང
ལམ་ནི་ཀུན་སྣང་འགྱུར་བ་མེད
གསང་བའི་ལམ་ནས་རང་བྱུང་ནས
དངོས་བྲལ་སྟོང་པའི་ངང་དུ་ཐིམ
འགྱུར་མེད་གཅིག་པུའི་ངོ་བོར་བརྟགས
རང་ཡུལ་དེ་ལས་མ་ཡེངས་ན
ཆོས་ཅན་སྣང་བ་གྲངས་མེད་ཀྱང
ཕྱོགས་ཀྱི་སྣང་བ་གཅིག་མཐོང་ན
ཐམས་ཅད་སྐྱེ་མེད་ངོ་བོར་རྟོགས
སེམས་ཀྱི་འདུ་འཕྲོ་ཇི་སྙེད་པ
ཐམས་ཅད་རང་སྣང་ཡིན་པ་ལས
མ་རིག་སྒོ་ངའི་སྦུབས་དག་ནས
ཡེ་ཤེས་ཐོན་པར་མ་གྱུར་ནས
རང་སྣང་ཆོས་ཉིད་ངོ་བོ་བསྒྲིབས
སངས་རྒྱས་ཉིད་ཀྱི་རྟོགས་པ་ཡང
རང་སྣང་ཉིད་ལས་མ་འདས་སོ
ཆོས་ཉིད་ཡུལ་གྱི་སྣང་བ་ཡང
འོད་ཟེར་ཉིད་ལས་མ་འདས་ཏེ
རིགས་ཀྱི་ཡུལ་ལས་འོད་དུ་གསལ
རྡོ་རྗེ་སེམས་དཔའི་འོད་ཉིད་ལས
མཐུན་པའི་ཕྱོགས་ལ་ལྟོས་པ་མེད
སངས་རྒྱས་ཡེ་ཤེས་རང་བྱུང་ནི
ལམ་དང་ཆོས་ཉིད་དཀྱིལ་འཁོར་ལྡན
གཅིག་ལས་སྣང་བ་བསམ་མི་ཁྱབ
༢༧
རྒྱལ་བའི་སྐུ་ཉིད་འགག་མེད་པས
རྒྱལ་བའི་གསུང་ལ་ཐུག་པ་མེད
སྐུ་གསུང་ཐུགས་ཀྱི་སྣང་བ་ནི
ཀུན་ཏུ་མཐའ་ཡས་ཐུག་པ་མེད
གྲངས་དང་ཚིག་དང་ཡིད་ལས་འདས
ཆོས་དང་ཆོས་མིན་བལྟ་བ་ཡང
མཐུན་པར་སྣང་བ་ཙམ་དུ་ཟད
དོན་གྱི་ཡེ་ཤེས་ལྔ་ལྡན་ནི
ཡངས་པའི་གྲོང་ཁྱེར་རྡོ་རྗེ་མཐའ་ཡས་ཤིང
དཀྱིལ་འཁོར་ཕོ་བྲང་ཉིད་ལ་ཡངས་པའི་བདག་ཉིད་འཛིན
ཕྱོགས་དང་རིས་སུ་འཛིན་ན་ཡང་དག་ལྟ་བ་མིན
ང་དང་བདག་ཏུ་འཛིན་ན་ཡང་དག་མཐོང་བ་མིན
ཡིན་དང་མིན་པར་རྟོགས་ན་དགོངས་པ་ཉིད་མ་རྙེད
སྟོང་དང་གསལ་བར་འཛིན་ན་ཆོས་ཕྱིར་ཚིག་ལ་འབྲེངས
གསང་བ་གྲངས་སུ་བགྲངས་ན་རིག་པའི་གནས་མ་རྙེད
ཆོས་སྤྱོད་ལམ་དུ་ཁྱེར་ན་བདེན་པའི་ཚིག་མ་མཐོང
མཐོང་སྣང་ཁྱད་དུ་གསོད་ན་ཐེག་པའི་སྒོ་མ་མཐོང
བྱ་བྱེད་འབྲས་བུར་འདོད་ན་གསང་སྔགས་ཐབས་མ་རྙེད
སྣང་བ་ཚིག་ཕྱིར་འབྲེངས་ན་དགོངས་པའི་ལམ་མ་རྙེད
ཡུལ་དང་སེམས་སུ་འཛིན་ན་ཏིང་འཛིན་དྲོད་མཐོ་བ
འཇིག་རྟེན་ཆགས་ཕྱིར་འབྲངས་ན་ཆོས་ཉིད་དོན་མ་རྟོགས
༢༨
འཇིག་རྟེན་བྱ་བའི་ཆོས་དང་མ་བྲལ་གཡེངས་པ་ན
སངས་རྒྱས་དགོངས་པ་རྙེད་པ་ང་ཡིས་ཡོངས་མ་བཤད
རྐྱེན་དང་རྐྱེན་མེད་སྣང་བ་དང
ཆོས་ཀྱི་སྐུ་དང་ལམ་ཉིད་ལས
མཐུན་པའི་ཕྱོགས་ནས་ཕར་བལྟས་པས
རང་སྣང་གཟུགས་བརྙན་དཀྱིལ་འཁོར་མཐོང
དྲི་མའི་ཐེ་ཚོམ་ནང་དུ་ཆོད
ས་ཡི་སྣང་བ་གྲངས་མེད་ཀྱང
ཡེ་ཤེས་དོན་ལ་གཅིག་ལས་མེད
སྐུ་དང་ཡེ་ཤེས་ཕྱོགས་ཉིད་ནས
མཚན་མའི་ཡུལ་ལ་ཕར་བལྟས་པས
སྣང་བའི་དྲོད་ཚད་ཉམས་སུ་མྱོང
རྐྱེན་སྣང་དག་པའི་ཡུལ་དག་ནས
དམིགས་རྟེན་ཡུལ་ལ་ཕར་བལྟས་པས
རང་གི་གདིང་ཆེན་ཁོང་དུ་ཆུད
ཕྱོགས་ཀྱི་དྲི་མ་ཉིད་ལས་ཀྱང
སྣང་བའི་སྒྲོན་མ་རབ་གསལ་བས
འབར་བ་ཉིད་ཀྱང་ཐུགས་ལ་ཤར
སངས་རྒྱས་ཐིག་ལེ་ཉག་གཅིག་ལ
ཡུལ་གྱི་རྟོག་པ་རྣམ་པར་བསལ
དྲི་མའི་སྐྱོན་ལས་རབ་ཏུ་གྲོལ
འདུས་པའི་ཕྱོགས་ནས་ཕར་བལྟས་པས
གཅིག་མཐོང་བདེན་པ་ཁོང་དུ་ཆུད
ཡེ་ཤེས་ཐབས་ལ་མཁས་པ་ཡིས
ཕྱག་རྒྱ་འདའ་མེད་དམ་ཚིག་ལས
འགྱུར་བ་མེད་པའི་ལམ་དུ་ཚུད
གསང་བའི་ཐེག་པ་ཡུལ་དུ་སྣང
༢༩
ལམ་གྱི་ཐེག་པ་འཕྱེད་འགྱུར་བ
དེས་ནི་ཕ་རོལ་སྒྲོལ་མི་ནུས
ཐུགས་རྗེའི་ཐེག་པ་འདི་ཉིད་པས
དགོངས་པའི་དོན་ལས་མ་འདས་ན
སངས་རྒྱས་རྡོ་རྗེ་རབ་བརྟན་པས
མི་ཤིགས་རྡོ་རྗེ་ཉིད་དུ་འགྱུར
སྤྱོད་པའི་རྡོ་རྗེ་འགག་མེད་པས
ཚད་མེད་རྡོ་རྗེ་ངོ་མཚར་ཆེ
ཡང་གསང་ལྟ་བའི་རྡོ་རྗེ་བསྟན
རྟོག་པའི་རྡོ་རྗེ་གཟི་བརྗིད་ཆེ
མེ་ལོང་རྡོ་རྗེ་གསལ་བ་ཆེ
སེམས་ཅན་ཐམས་ཅད་བསྒྲལ་བའི་ཕྱིར
ཤེས་རབ་རྣོན་པོའི་གྲི་དག་གིས
མ་རིག་ཐམས་ཅད་བསྒྲལ་བར་བྱ
སངས་རྒྱས་ཞིང་ཁམས་མ་ལུས་པར
སྟོང་ཞིང་བདག་མེད་ཡངས་པ་ཆེ
གསལ་འཚེར་ལྷུང་སྡུག་འོད་འབར་བ
གསལ་འབྱམས་ཀློང་ཡངས་ཐིག་ལེའི་ངང
གསལ་ལ་བཀོད་ལེགས་དཔངས་རེ་མཐོ
སྐུ་བརྗིད་གསལ་བར་རབ་ཏུ་སྣང
རྟོགས་པའི་ཆོས་ཉིད་མཐའ་ཡས་ཤིང
སེམས་ཅན་ལས་ཉིད་མ་ཟད་ཀྱང
གསང་བའི་ཐབས་འདི་བསྟན་བྱས་ན
ཡེ་ཤེས་རང་ཆས་རྙེད་མཐོང་འགྱུར
རྫོགས་ཆེན་མན་ངག་གསང་དོན་འདི
ཡང་དག་མེད་པར་སྣང་དུ་མེད
ཡང་དག་ཡོད་ན་སྣང་བ་མ་ཟོང
སྟོང་གསུམ་འཇིག་རྟེན་ས་སྟེངས་ན
༣༠
ཆོས་ཉིད་ལམ་དུ་རབ་གནས་པས
བྱང་ཆུབ་ཉིད་ལས་ཀུན་འབྱུང་ཞིང
སོ་སོའི་གནས་ནས་རབ་སྤངས་ནས
འཛིན་པའི་བསམ་པ་དོན་ལས་འདས
དོན་གྱི་ཡེ་ཤེས་ཚད་མ་མིན
སྣང་བའི་དཀྱིལ་འཁོར་ཐིག་ལེ་ཆེ
གསང་སྔགས་ཐབས་ལ་རབ་གནས་པ
ཆོས་ཉིད་ཡུལ་ལ་རྣམ་པར་འཕྲུལ
བདེན་པའི་དུས་ན་དཀྱིལ་ཡངས་ཤིང
ལམ་རྒྱལ་འདི་ནི་མ་བསྒྲུབས་བབ་ཀྱིས་འགྲུབ
གང་ཞིག་རྟོགས་པའི་དོན་འཚོལ་ན
ཆོས་ཉིད་རྣལ་མ་མཐོང་བར་འགྱུར
ལས་ཉིད་རྡོ་རྗེར་བསྟན་པས་ན
གཅིག་གཅིག་གིས་ཀྱང་ཐུགས་རྗེ་འབྱུང
ཡེ་ནས་རང་བཞིན་འོད་གསལ་བས
སྐུ་གསུམ་རང་བཞི་སྣང་བ་ཤར
སྐུ་ལྔ་ཡེ་ནས་རང་དག་པས
ཆོས་ཉིད་ཡེ་ནས་མཐའ་དབུས་མེད
གསང་སྔགས་ཚིག་དང་ཡེ་བྲལ་བས
དགོངས་པའི་བཞག་ཐབས་དོན་ལ་ཐུག
རྣམ་རྟོག་མཚན་མ་ཡེ་མེད་པས
གསལ་དང་དྲོད་དང་བསིལ་སྣང་བའོ
རྐྱེན་མེད་ཡེ་ཤེས་རང་སྣང་ཡུལ་ལ་རྣམ་པར་རོལ
ཡང་དག་གསང་སྔགས་ཚིག་གི་བདེན་པ་ཉིད
རང་གི་བློ་ཡི་སྣང་བའི་ཐེ་ཚོམ་ཐམས་ཅད་སེལ
༣༡
འཁོར་བའི་སྡུག་བསྔལ་ལམ་ལས་གྲོལ་པའོ
ཞེས་ནོར་བུ་ཕྲ་བཀོད་ཆེན་པོའི་རྒྱུད་ལས
ཐབས་ཀྱི་འདུལ་ཐབས་བསྟན་པའི་ལེའུ་སྟེ་གཉིས་པའོ
༄༣
དེ་ནས་ཡང་རིགས་ཀྱི་ལྷ་མོ་འོད་ཀྱི་ཕྲེང་བ་ཅན་གྱིས་འདི་སྐད་ཅེས་གསོལ་ཏོ
ཀྱེ་ཀྱེ་བཅོམ་ལྡན་རྡོ་རྗེ་སེམས
ཁམས་གསུམ་འཁོར་བའི་སེམས་ཅན་ལ
རིགས་ཕྱེ་གདམས་ངག་བསྟན་པའི་གནས
ཉེ་བའི་འཁོར་ལ་གསུང་དུ་གསོལ
དེ་སྐད་རབ་ཏུ་ཞུས་ནས་ཀྱང
བདེ་བའི་སྟན་ལ་རབ་ཏུ་འདུག
འཛུམ་པའི་གར་དང་རོལ་མོ་ཡིས
གཙོ་བོ་ཉིད་ལ་རབ་ཏུ་མཆོད
དེ་ནས་བཅོམ་ལྡན་སྐུ་ཉིད་ཀྱིས
ལྷ་མོ་མཛེས་པའི་ཚོགས་རྣམས་ལ
གསང་བའི་ངེས་དོན་ཆོས་རྣམས་བསྟན
ཀྱེ་ཧོ་རིགས་ཀྱི་སེམས་མ་ཉོན
ང་ཡིས་གང་ཟག་རིགས་བཤད་ཀྱིས
ཁྱོད་ཀྱིས་སྡོམ་པའི་དཀྱིལ་འཁོར་ཟུངས
དོན་གྱི་སྙིང་པོ་ཡེ་ཤེས་ནི
མཐའ་གཉིས་ལ་ཡང་མི་གནས་ཏེ
དོན་གཅིག་ཀུན་ཏུ་སྟོན་པར་འཇུག
དཀྱིལ་ཡངས་ཡེ་ཤེས་དཀྱིལ་འཁོར་ལྡན
ཆོས་ནིད་མིང་ལས་རབ་སྣང་ཕྱིར
འཇིག་རྟེན་ལྟ་བགྲངས་མང་ཡང
དོན་འདི་རྟོགས་པ་ཤིན་ཏུ་དཀའ
༣༢
གསང་སྔགས་ཉིད་ལས་ཐབས་སྤྱོད་པ
གཞན་འབྱུང་ཆོས་ལ་ལྟོས་པ་མེད
རང་སྣང་ཆོས་ཉིད་དཀྱིལ་ཡངས་པས
མཐུན་པའི་ཡུལ་སྣང་ལམ་དུ་སྣང
ཆོས་དབྱིངས་རྒྱན་དང་ལྡན་བྱས་པས
གསང་སྔགས་ལམ་དུ་ཡང་དག་སུ་སྤྱོད་པ
དམིགས་མེད་ཡུལ་གྱི་སྣང་བ་ཆོས་སྐུའི་ངང
འདས་དང་མ་འདས་ཚིག་གི་ལམ
ཆོས་ཀྱི་སྐུ་ནི་མཚན་མའི་ཚིག་ལས་འདས
དམིགས་པའི་རྐྱེན་ལས་ཆོས་སྤྱོད་ཀུན་ཏུ་སྣང
རྡོ་རྗེ་དབྱངས་མཁན་མ་ཉིད་རབ་ཏུ་ཆོས་ཉིད་ཞི
ཀུན་འབྱུང་སྣང་བ་ཆོས་ཉིད་གཞི་ལས་རོལ
རྟོགས་དང་མ་རྟོགས་ཚིག་གི་མཐའ་དཔྱོད་པ
འདས་པའི་སྐུ་ནི་ཡུལ་ལ་སྣང་འབྱུང་བས
མཚོན་བྱེད་ཆོས་སྐུའི་སྣང་བ་ལས
མཐའ་ཡས་ཚིག་ཏུ་མེད་པའི་དོན་ཉིད་ཀུན་ཏུ་སྣང
སྤྱོད་པ་ཉིད་ལ་སྤྱོད་རྒྱུ་ག་ལ་ཡོད
གསང་བའི་ཡེ་ཤེས་འོད་གསལ་ཀུན་ཏུ་སྣང
ཆོས་སྐུ་འགྱུར་མེད་ཐིག་ལེའི་ཀློང་གནས་པས
རྟོག་མེད་བསམ་གཏན་ཉིད་ལ་བསམ་དུ་མེད
སངས་རྒྱས་སྐུ་ནི་ཀུན་ཏུ་གསལ་མཛེས་ལྡན
མིང་ཡང་སྣ་ཚོགས་མཚན་མའི་ཡུལ་མེད་ཅིང
ཆོས་དང་ཆོས་མིན་སྣང་བ་འདྲེས་ཤིང་མཚུངས
༣༣
ཐུགས་ཀྱི་དཀྱིལ་འཁོར་རྣམ་པ་ཀུན་རྟོགས་པས
སེམས་ཅན་ཀུན་གྱི་སྣང་བ་དག་པ་ནི
སྣང་དང་སྣང་བར་བྱེད་པའི་ཡུལ་མ་ཡིན
མིན་སྣང་མ་ཡིན་ཆོས་སྐུར་རྣམ་པར་དག
རང་སྣང་ཡིན་པས་གཟུགས་སྐུ་མཛེས་སྐུར་འདན
གཅིག་པ་མ་ཡིན་རང་སྣང་ཀུན་ཏུ་ཡས
དུ་མ་མ་ཡིན་བརྗོད་པའི་ཚིག་དང་བྲལ
ཆོས་དང་ཡེ་ཤེས་ཐབས་མཁས་རྣམ་པར་རོལ
ཡེ་ཤེས་ཉིད་ལས་ཚིག་ཏུ་ཡང་དག་སྤྱོད
གསང་སྔགས་རྡོ་རྗེའི་སྐུ་ནི་རྣམ་པར་སྣང
ཡུལ་དུ་སྣང་བའི་ཆོས་སྐུ་འགག་པ་མེད
ཆོས་ཀྱི་སྐུ་ལ་དྲི་མའི་སྐྱོན་དང་བྲལ
གསང་བའི་ཡེ་ཤེས་ཚིག་ཏུ་རབ་ཏུ་གསལ
ཀུན་ཏུ་གསལ་བའི་ཆོས་ཉིད་སྐུར་གསལ་བ
རང་སྣང་ཡེ་ཤེས་ཆོས་སྐུའི་ཆོ་འཕྲུལ་ལ
སྣང་རུང་མི་སྣང་ཚིག་ཕྱིར་འབྲེངས་པ་རེ
རྟོགས་དང་མ་རྟོགས་ཚིག་ལ་མངོན་པར་གནས
ཆོས་སྐུའི་ཡེ་ཤེས་ཡེ་ནས་གནས་པའི་ཕྱིར
ཕྱི་ནས་བལྟས་ན་ནང་གི་ཆོས་ཉིད་མཐོང
ཀྱེ་མ་གསང་ལྡན་ཆོས་ཉིད་དང
རྫོགས་ཆེན་སྣང་བ་འབྱུང་བ་ཀུན་གྱི་རྩེ
ཡེ་ནས་རང་བྱུང་འོད་གསལ་བས
༣༤
སྣང་བ་ཆོས་སྐུར་ལོངས་སྤྱོད་ཅིང
ཡིན་པས་དངོས་པོའི་ཆོས་དང་བྲལ
གསང་བའི་ཚིག་ལས་དོན་འབྱུང་ཕྱིར
དགྱེས་པ་ཆེན་པོའི་སྣང་བ་ནི
རང་རང་སྣང་བ་དོན་མཐའ་ཡས
སྤྱོད་པའི་རྒྱུ་ཉིད་མ་ཡེངས་པས
སྤྱོད་པའི་རྐྱེན་ཉིད་གསང་སྔགས་རྒྱུད
ཨེ་མ་རྒྱུ་རྐྱེན་གཉིས་མེད་པས
གསང་སྔགས་ཐབས་ལ་ཆེ་ཆུང་མེད
ཕྱི་མེད་ནང་མེད་དངོས་བྲལ་ཉིད
ཀུན་གྱི་སྤྱོད་ཡུལ་མ་ཡིན་ཕྱིར
ཚིག་གིས་གཏན་ལ་ཕེབས་མི་འགྱུར
རྩོལ་བྲལ་དགོངས་པ་རང་གནས་པས
ཕྱི་མེད་ནང་མེད་དབྱིངས་སུ་མེད
ཅི་ཡང་ཡོད་པ་མ་ཡིན་ཏེ
ཅིར་ཡང་གྲུབ་པ་ཉིད་དུ་བསྟན
གསང་བའི་སྐུ་ཉིད་ཀུན་ཏུ་ཁྱབ
སྣང་བ་མེད་པའི་ཆོས་སྐུ་ནི
ཡིན་མིན་གཉིས་ཀྱི་མཐའ་ལས་འདས
ཀྱེ་མ་འོད་གསལ་དཀྱིལ་འཁོར་ན
བསམ་མེད་རང་སྣང་སྐུ་ལྔར་གསལ
སྐུ་གསུམ་རང་བཞིན་རྣམ་དག་པ
སངས་རྒྱས་ཡེ་ཤེས་རྒྱན་བཟང་བས
སྐུ་ཡི་འོད་ནི་མ་འགགས་ཀུན་ལ་རོལ
གསུང་གི་ཟེར་ལ་ཐུག་མེད་འཕྲོ
ཐུགས་ཀྱིས་དགོངས་པ་ཉག་གཅིག་གོ
ཨེ་མ་རྡོ་རྗེ་འཛིན་པའི་སྐུ
བསམ་ཡས་ལྷུན་གྲུབ་ཐུག་མེད་ཅིང
༣༥
གང་ཟག་རྣམ་གསུམ་རྫོགས་ཆེན་སྣོད་དུ་གསུངས
རིགས་ཀྱི་བྱེ་བྲག་བསམ་གྱིས་མི་ཁྱབ་ཀྱང
ཆོས་ཀྱི་དབྱིངས་ལ་སྤྱོད་དང་མི་སྤྱོད་མེད
ནམ་མཁའི་མཚན་ཉིད་ཡེ་ནས་ཀ་དག་པས
ཆོས་སྐུ་ཉིད་ལ་དངོས་པོ་བསམ་པ་མེད
ཕྱི་དང་ནང་མེད་ཡངས་པ་ཆེན་པོ་ལ
ཡངས་པའི་ཆོས་ཉིད་མཐའ་བྲལ་དངོས་པོ་མེད
རྫོགས་ཆེན་ལྟ་བ་གསང་འདུས་དམ་པ་འདི
ཐེག་པའི་སྐབས་ལ་གྲངས་མང་ཡང
གསང་བའི་ངེས་དོན་གཅིག་ལས་མེད
ཆོས་ཉིད་དཀྱིལ་འཁོར་ཡངས་པ་ན
གནས་པ་མེད་པའི་སྐུ་གསུང་ཐུགས
སྟོང་པ་ཆེན་པོ་ཆོས་ཀྱི་སྐུ
འདས་པ་དམིགས་སུ་ག་ལ་ཡོད
རྒྱུ་དང་རྐྱེན་དུ་མེད་པས་ན
སྟོང་དང་མི་སྟོང་གཉིས་ལས་འདས
རྡོ་རྗེ་སེམས་དཔའི་མཚོན་དཔེ་ནི
དྲི་མེད་དཀར་པོ་ཟླ་བའི་མདོག
མུན་དང་སྣང་བའི་མཚམས་ནས་བརྟག
ནོར་བུ་འོད་གསལ་དྲི་མེད་པས
སྣང་བ་ཁ་དོག་ལྔ་དང་ལྡན
སྐུ་ལྔ་སོ་སོར་མི་ཕྱེ་བས
མདུན་དང་རྒྱབ་ཏུ་དབྱེར་མི་འབྱེད
སྣང་གསལ་ཆོས་ཉིད་འོད་པོ་ཆེ
གསལ་བའི་ཆོས་ཉིད་ཀུན་ཏུ་འབར
སྣང་བྱེད་སྒྲོན་མ་ཀུན་གྱི་མཆོག
༣༦
སྟོང་པ་ཆེན་པོའི་མཁའ་ཀློང་དུ
སྣང་བ་ཐམས་ཅད་འོད་དུ་ཤར
ཤར་བ་དེ་ཉིད་དཔོག་པ་མེད
སུས་ཀྱང་བཟུང་བ་ནུས་མ་ཡིན
གལ་ཏེ་ཤེས་རབ་མི་ལྡན་པས
རང་སྣང་དྲི་མེད་ཟླ་རྒྱས་བཞིན
བཞིན་བཟང་དཀྱིལ་འཁོར་མཐོང་འགྱུར་ཏེ
ཡེངས་མེད་རྫོགས་ཆེན་བསྒོམ་པའོ
བརྗོད་མེད་ཆོས་སྐུ་བསམ་འདས་ཉིད
རིག་པའི་དོན་ལ་སྐྱེལ་མི་ནུས
ཐབས་མཁས་ཆོས་སྐུ་རྟོག་མེད་པས
མཁའ་ལ་འཇའ་ཚོན་མཛེས་ཤར་བ
རྒྱ་མཚོའི་གཏིང་དཀྱིལ་རབ་འབྱམས་ཞིང
རང་སྣང་ཞིང་དུ་འོད་གསལ་མཉམ
རྫོགས་ཆེན་རྩེ་ལ་རབ་སོང་བས
དམའ་བའི་རིགས་ལ་གྲངས་མེད་ཅིང
རྫོགས་ཆེན་ཕྱོགས་སུ་རྣམ་པར་དག
གསང་སྔགས་ཐབས་མཁས་ངེས་རྫོགས་འདི
རྫོགས་དང་མ་རྫོགས་གཉིས་ལས་འདས
གཅིག་དང་གཉིས་སུ་བགྲང་དུ་མེད
དུ་མ་རྟེན་དང་དངོས་པོ་བྲལ
དྲི་མ་བཞི་དང་ཕྲ་རགས་སངས
སྟོང་ཞིང་བདག་མེད་མཚན་མ་མེད
སྟོང་པའི་ཡུལ་ལ་མི་གནས་པས
སྤྱོད་པའི་དུས་ན་རང་སྣང་ཞིང
ས་དང་ལམ་ལ་མི་གནས་ཏེ
༣༧
དོན་གཅིག་ལ་ཡང་གནས་པ་མིན
རྫོགས་ལམ་བྱང་ཆུབ་ཡེ་གནས་པས
ཐམས་ཅད་གཅིག་ཏུ་རབ་འདུས་ཏེ
ཀུན་གྱིས་གོ་བ་ཡོད་པ་མིན
གལ་ཏེ་གོ་བ་རྫོགས་སྲིད་ན
མཐའ་ཡས་མེད་དེ་དོན་གཅིག་གནས
གསང་བའི་གསང་སྔགས་གབ་པའི་གནས
རིགས་སྔགས་གཟུངས་སྔགས་གཏན་ཚིགས་རྣམས
རྫོགས་པའི་གསང་དོན་འདི་ལ་འདུས
དེ་ཡང་ངོ་བོ་རང་གནས་པས
བྱ་བྱེད་མེད་པས་ངང་སར་དག
འཛིན་ཆགས་མེད་པས་ཅིག་ཆར་རྫོགས
གསལ་བ་མ་ཡིན་མངོན་གནས་པས
རང་རྫོགས་ཉིད་དུ་རྣམ་པར་དག་པའོ
ཞེས་ནོར་བུ་ཕྲ་བཀོད་ཆེན་པོའི་རྒྱུད་ལས
མཚོན་དཔེའི་དཀྱིལ་འཁོར་གྱི་ལེའུ་སྟེ་གསུམ་པའོ
༄༤
དེ་ནས་ཡང་ལྷ་མོ་མཉམ་པའི་བོ་གྲོས་ཞེས་བྱ་བ་དེས
འདི་སྐད་ཅེས་གསོལ་ཏོ
ཀྱེ་ཀྱེ་བཅོམ་ལྡན་རྡོ་རྗེ་སེམས
ཡང་དག་གསང་བའི་ལུང་སྟོན་ཅིག
དེ་སྐད་རབ་ཏུ་ཞུས་པ་དང
བཅོམ་ལྡན་རྡོ་རྗེ་སེམས་དཔའ་ཡིས
ཉེ་བའི་འཁོར་ལ་བཀའ་སྩལ་པ
ཀྱེ་མ་ཉེ་བའི་འཀོར་རྣམས་ཉོན
གསང་སྔགས་གཏན་ཚིགས་གྲངས་མང་ཡང
ལེགས་པའི་དོན་ནི་གཅིག་ལས་མེད
༣༨
རང་གི་རིག་པའི་གནས་ལུགས་ནི
མདོ་ཉིད་འགག་པ་མ་ཡིན་པས
ཡེ་ཤེས་མ་བུའི་ཚུལ་དུ་རབ་ཏུ་གནས
སེམས་དང་ཡེ་ཤེས་དངོས་པོའི་དོན་མི་རྟོག
སེམས་ནི་བག་ཆགས་ཀུན་གྱི་རྩ་བ་སྟེ
སེམས་ཅན་ཀུན་གྱི་དྲི་མ་དང་པོ་བསྟན
ཡིད་ནི་རླུང་དང་འདྲ་སྟེ་བག་ཆགས་སྡུད
སེམས་ཅན་ཀུན་གྱི་དྲི་མ་གཉིས་པ་བཤད
དབུགས་ནི་ཆུ་དང་འདྲ་སྟེ་བག་ཆགས་ཀུན་གྱི་གནས
སེམས་ཅན་ཀུན་གྱི་དྲི་མ་གསུམ་པའོ
དུག་ལྔ་མེ་དང་འདྲ་སྟེ་སྣང་བ་ཡུལ་ལ་མཆེད
སེམས་ཅན་ཀུན་གྱི་དྲི་མ་བཞི་པའོ
འགྲོ་བ་ཀུན་ལ་དེ་བཞི་རབ་ཏུ་གནས
ཆོས་ཀྱི་སྐུ་ཉིད་དྲི་མ་ཡེ་དག་པས
མཚན་མ་བློ་ཡི་དྲི་མ་ག་ལ་ཡོད
དྲི་མེད་དག་པའི་རིག་པ་ཡེ་ཤེས་སྐུ
རང་རིག་བྱང་ཆུབ་མཚན་མ་དངོས་བྲལ་བས
རིག་པའི་ཡེ་ཤེས་ཅིར་ཡང་མ་ཡིན་ནོ
སྣང་བ་བློ་ཡི་ཐེ་ཚོམ་རབ་གསལ་ན
ཆོས་ཉིད་དངོས་བྲལ་ཏིང་འཛིན་ཐོབ་པར་གསུངས
ཆོས་སྐུ་རིག་པའི་ཡེ་ཤེས་རང་སྣང་འོད་གསལ་བས
བྱ་བྲལ་སྙིང་པོ་དྲི་མེད་ཆོས་སྐུའི་དོན
ཉམས་སུ་བླངས་ན་བདེ་ཆེན་ཡེ་ཤེས་འབྱུང
༣༩
སྐྱེ་མེད་རང་སྣང་ཆོས་ཉིད་རང་རིག་ནི
ཐ་སྙད་གཅིག་ཏུ་བརྗོད་པ་མ་ཡིན་ཏེ
རིག་པའི་དཀྱིལ་འཁོར་རྣམ་དག་འོད་གསལ་བའོ
ཨེ་མ་རང་གསལ་ཆོས་ཉིད་འོད་གསལ་བས
མཐའ་ལ་མི་གནས་དབྱིངས་ལ་སྤྱོད
ཅི་ཡང་མ་ཡིན་སྙིང་པོ་ཆེ
འགྱུར་བ་མ་ཡིན་དྲང་པོར་གནས
སྟོང་པ་མ་ཡིན་འོད་གསལ་ཞིང
གསལ་བ་མཚན་མ་ཀ་དག་པས
དངོས་པོར་འཛིན་པའི་ཡུལ་ལས་འདས
ཡོད་པ་མ་ཡིན་འཛིན་ཆགས་བྲལ
མེད་པ་མ་ཡིན་སྙིང་པོ་གསུམ
གཞི་ནས་རྣམ་དག་འོད་རེ་གསལ
གསལ་བ་ཟང་ཐལ་ལྷུན་རེ་སྡུག
ལྟ་བ་རྨད་བྱུང་ངོ་མཚར་ཆེ
འགག་མེད་རང་ཤར་དང་རེ་སྤྲོ
རྫོགས་པ་ཀུན་ཁྱབ་གསལ་སྣང་ཆེ
དམིགས་མེད་བསམ་བྲལ་དཀྱིལ་འཁོར་ཆེ
རྫོགས་ཆེན་དོན་རྟོགས་བློ་རེ་བདེ
སངས་རྒྱས་ཉག་གཅིག་ཐིག་ལེ་ཆེ
མཚན་མ་དངོས་བྲལ་ཡངས་པ་ཆེ
སྐྱེ་མེད་རང་བྱུང་སྐུ་ལྔ་དག
ཆོས་ཉིད་ཀློང་ཡངས་ཁོང་རེ་སྙོམས
ཐིག་ལེ་སྟོང་པ་ཉམས་རེ་དགའ
རྡོ་རྗེ་རྒྱས་འདེབས་བདེ་བ་ཆེ
གསང་བའི་ཆོས་ཉིད་ཀློང་རེ་ཡངས
༤༠
སྟོང་པའི་སྐུ་ལྔ་འོད་རེ་གསལ
བྱ་བ་རྫོགས་པའི་དཀྱིལ་འཁོར་ཆེ
དམིགས་མེད་བསམ་ཡས་ལྷུན་གྲུབ་པའོ
ཀྱེ་མ་སྙིང་པོ་རྡོ་རྗེ་བརྗོད་ལས་འདས
སྟོང་པ་ཀུན་སྣང་ཆོས་སྐུ་ནི
ཐ་སྙད་དྲི་མ་རབ་ཏུ་སངས
མཐུན་སྣང་ཆོས་སྐུ་རང་སྣང་ཞིང
རིག་པའི་སྐུ་ལ་འགྱུར་མེད་པས
བྱ་བ་རྫོགས་པའི་འོད་ལྔ་ཡང
ཡེ་ནས་ལྷུན་ཁྱབ་ཆེན་པོར་སྣང
འོད་ལྔའི་རང་གདངས་མ་འགགས་པས
མཚན་མར་འཛིན་པའི་རྣམ་རྟོག་རྒྱུ
སྤྱོད་ལམ་ཐབས་མཁས་འཛིན་ཆགས་བྲལ
རྫོགས་པའི་ཀློང་དུ་ཀུན་འདུས་ཤར
རྟོག་མེད་གསལ་བའི་ཆོས་སྐུ་རྫོགས
ཡང་དག་ཆོས་ཉིད་གཅིག་མིན་པས
སེམས་ཅན་བློ་ལ་ཐུག་པ་མེད
རང་བྱུང་ཡེ་ཤེས་སྟོངས་པ་ཡངས
ཆོས་སྐུའི་ཡེ་ཤེས་རྫོགས་སངས་རྒྱས
རྫོགས་ཆེན་སྒྲོན་མ་འོད་གསལ་བས
སྟོང་པ་ཉིད་ཀྱི་ལམ་དུ་འགྱུར
སྒྲོན་མ་དེ་ཉིད་མངོན་རྫོགས་པས
གསང་སྔགས་ལམ་ལ་ཉེ་རིང་མེད
རང་གི་ཙིཏ་ཏའི་དཀྱིལ་འཁོར་གྱི
ཐིག་ལེ་ཉག་གཅིག་རང་རྫོགས་པས
ཡེ་ནས་གནས་པའི་རྫོས་ཆེན་དོན
གསང་དོན་རྫོགས་པ་རིག་པའི་ཀློང་
ཐིག་ལེ་སྟོང་པའི་སྒྲོན་མ་དང
༤༡
རང་བྱུང་དབྱིངས་ཀྱི་སྒྲོན་མ་གཉིས
སྟོང་དང་མི་སྟོང་མཐའ་ལས་འདས
རྩོལ་བ་མེད་པར་མངོན་གནས་པའི
སྣང་བ་རྫོགས་ཕྱིར་རང་གནས་པ
ཆོས་ཉིད་མི་འབྲལ་དབྱིངས་ཉིད་ལས
རིག་པའི་ཡེ་ཤེས་སྐུ་མངའ་བ
རང་སྣང་འོད་ཀྱི་དཀྱིལ་ཡངས་ནས
འཛིན་ཆགས་བྲལ་བའི་རང་སྣང་ཡུལ
ཆོས་ཀྱི་བསམ་པ་རབ་སྤངས་ནས
རྫོང་དུ་རྡོ་རྗེའི་མཁར་བརྩིགས་པས
ཅིས་ཀྱང་མི་ཤིགས་རྡོ་རྗེ་ཆེ
རྡོ་རྗེའི་མཁར་ལ་སྐྱེ་འཇིག་མེད
སྟོང་པ་དངོས་པོའི་ཡུལ་དང་བྲལ
རྫོགས་པའི་དོན་ལས་མི་འདའ་ཞིང
ཕྱོགས་མེད་རྣམ་པར་དག་པས་ན
དོན་དམ་ཀུན་རྫོབ་གཉིས་སུ་མེད
དོན་ནི་རང་གི་རིག་པ་ལ
རྟགས་ནི་མངོན་སྣང་སྐུ་དང་བཅས
སྙིང་པོ་དོན་དམ་འགྱུར་བ་མེད
གསལ་འཚེར་ལྷུན་སྡུག་འོད་གསལ་བ
བདེ་བ་ཆེན་པོའི་དངོས་ཉིད་ལས
ས་བོན་རྡོ་རྗེ་རྒྱུ་རྐྱེན་བྲལ
རྫོགས་པའི་དོན་ལས་མི་འདའ་ཞིང
ཐབས་མཁས་སྟོང་པའི་དཀྱིལ་ན་གནས
རིག་པའི་ཡེ་ཤེས་དངོས་པོ་ཡང
སེམས་ཅན་ཀུན་ལ་རབ་གནས་པས
ཀུན་གྱིས་མཐོང་བར་དཀའ་བའི་དོན
༤༢
ང་ཡིས་རབ་ཏུ་བཤད་པར་བྱའོ
ཨེ་མ་རིག་པའི་གནས་ལུགས་ནི
རང་རང་ཙིཏ་ཏའི་དཀྱིལ་ན་གནས
ཡབ་ཡུམ་གཉིས་ཀྱི་ཆ་འཛིན་པའི
ཐབས་དང་ཤེས་རབ་ཚུལ་དུ་གནས
ཡབ་ཀྱི་ཆ་འཛིན་ཐབས་ཀྱི་སྐུ
ཡུམ་གྱི་ཆ་འཛིན་ཤེས་རབ་སྐུ
འོད་དང་འོད་ཟེར་ཚུལ་དུ་གནས
དབྱིངས་དང་རིག་པས་རབ་བརྒྱན་ཏེ
ལྷུན་རྫོགས་ཐིག་ལེ་ཆེན་པོར་གནས
ལྟ་བའི་དངོས་པོ་འགྱུར་མེད་སྐུ་ལྟར་གནས
བསྒོམ་པའི་དངོས་པོ་རྟོག་མེད་འོད་གསལ་གནས
སྤྱོད་པའི་དངོས་པོ་སྟོང་གསལ་བྱར་མེད་གནས
འབྲས་བུའི་དངོས་པོ་གཞི་རྫོགས་ཀ་དག་གནས
རང་གསལ་རིག་པ་འོད་གསལ་མཉམ་པའི་ངང
འཛིན་ཆགས་བྲལ་བའི་རྫོགས་ཆེན་གསང་སྔགས་ཆེ
དེ་ནི་གནས་ལུགས་གཞི་ཡི་བཞུགས་ཚུལ་ལོ
ཐིག་ལེ་བཞུགས་ཚུལ་བསྟན་པ་འདི་ལྟ་སྟེ
རྩ་རྣམས་ནང་ན་ཐིག་ལེ་སྐུ་ལྟར་གནས
ཆེ་བའི་ཚད་ནི་ནམ་མཁའི་མཐའ་དང་མཉམ
ཆུང་བའི་ཚད་ནི་རྟ་རྔ་བཅུར་གཤགས་ཙམ
གསལ་བའི་ཚད་ནི་ཉི་ཟླའི་དཀྱིལ་འཁོར་འདྲ
དེ་ཡང་གསལ་འཚེར་གཟི་བརྗིད་ལྡན
༤༣
འགྲོ་དང་འོང་དང་གནས་པའོ
བྱ་བ་བྱེད་པའི་འགྲོ་འོང་ཅན
རྫོགས་པའི་གཞི་ལ་རང་རྫོགས་ལ
ལམ་དུ་ཐིག་ལེ་མངོན་པར་སྣང
ལྟ་བ་འོད་གསལ་ངང་ལ་རོལ
སྒོམ་པ་ཉི་ཟླའི་ཟེར་ལྟར་འཕྲོ
ཕྱོད་པ་རྣམ་དག་འོད་གསལ་ལོ
རང་རང་དུང་ཁང་ཁྲོ་བོར་གནས
ཡབ་དང་ཡུམ་དུ་མངོན་པར་སྣང
ཁྲོ་དང་ཁྲོ་མོའི་ཚུལ་འཆར་ཞིང
ཡེ་ཤེས་ལྔ་ལྔ་དག་དང་ལྡན
སྐུ་ཡི་ཡེ་ཤེས་རེ་རེ་ལ
དབུ་ཡི་ཡེ་ཤེས་ལྔ་ལྔའོ
ལྟ་བ་འགག་མེད་ཟང་ཐལ་ལ
སྒོམ་པ་རྟོག་མེད་མཉམ་པར་གནས
སྤྱོད་པ་འགག་མེད་རོལ་པར་འཆར
འབྲས་བུ་དབྱིངས་དང་རིག་པར་ལྡན
དེ་ནས་སྒོ་ལ་ཐོན་པའི་ཚེ
དབྱིངས་ཀྱི་རང་བཞིན་ཤེས་རབ་སྐུ
རིག་པའི་རང་བཞིན་ཐབས་ཀྱི་སྐུ
འདུ་འབྲལ་མེད་པར་མངོན་སྣང་བའོ
མ་འགགས་འགག་མེད་སྙིང་པོ་ཆེ
བརྗིད་པའི་སྐུ་ལྟར་མི་གནས་ཏེ
ངོ་བོ་རྣམ་དག་ཡེ་ཤེས་བརྡལ་བ་ཉིད
སྟོང་པ་ཆེན་པོའི་ཆོས་ཉིད་ཡུལ་ལ་རོལ
གསལ་བ་ཟང་ཐལ་ཆོས་སྐུ་ངོ་བོས་སྟོང
སྟོང་པའི་དུས་ན་རང་བཞིན་མ་ངེས་ཏེ
༤༤
སྐུ་དང་ཡེ་ཤེས་དཀྱིལ་འཁོར་རྟོག་པ་མེད
ཐབས་དང་ཤེས་རབ་དོན་ལ་འགྱུར་བ་མེད
སྟོང་པའི་སྒྲོན་མ་བྱ་བཙལ་གཉིས་དང་བྲལ
ཐུགས་རྗེ་འབྱུང་བ་སྒྲོན་མ་ཉི་ཟེར་བཞིན
སྒྲོན་མའི་འོད་ཟེར་གཏིང་ལ་ཐུག་པ་མེད
གསང་བའི་འོད་ནི་ཙིཏ་ཏའི་ནང་དུ་གསལ
རང་བཞིན་འོད་ནི་ནམ་མཁའི་མཐོངས་ན་གསལ
དཀྱིལ་འཁོར་རང་རྫོགས་འོད་ནི་དེ་བཞིན་ནོ
ཞེས་ནོར་བུ་ཕྲ་བཀོད་ཆེན་པོའི་རྒྱུད་ལས
སྣང་བའི་ཡེ་ཤེས་ངོས་འཛིན་པའི་ལེའུ་སྟེ་བཞི་པའོ
༄༥
དེ་ནས་ལྷ་མོ་དབྱངས་མཁན་མ་ཞེས་བྱ་བ་དེས་འདི་སྐད་ཅེས་གསོལ་ཏོ
ཀྱེ་ཀྱེ་བཅོམ་ལྡན་རྡོ་རྗེ་སེམས
དམིགས་པ་མེད་པའི་ཕྱོགས་དག་ནས
ཆོས་ཉིད་དང་སྣང་དོན་སྤྱོད་པ
བདག་ཅག་རྣམས་ལ་གསུང་དུ་གསོལ
དེ་ནས་བཅོམ་ལྡན་རྡོ་རྗེ་སེམས་དཔའ་ཡིས
མོས་པའི་འཁོར་ལ་བཀའ་སྩལ་པ
ཀྱེ་མ་མོས་པའི་འཁོར་རྣམས་ཉོན
ང་ཡིས་རང་རིག་ཆོས་བསྟན་གྱིས
ཁྱོད་ཀྱིས་རྟོག་མེད་ཡིད་ཀྱིས་ཉོན
སེམས་ཀྱི་སྡུག་བསྔལ་ཇི་སྙེད་པ
བསྐལ་པའི་བར་དུ་ཐར་པ་མེད
དེ་ཉིད་སྣང་བར་བྱ་བའི་ཕྱིར
༤༥
སངས་རྒྱས་འོད་དཔག་མེད་པ་ཡིས
དོན་དམ་རིག་པའི་ཀློང་ཡངས་ནས
བརྗོད་མེད་ཚིག་བསྟན་ངོ་མཚར་ཆེ
ང་ཡི་སྐུ་ལ་འགྱུར་མེད་ཀྱང
ང་ཡི་སྣང་བ་ཕྱོགས་བཅུར་སྣང
ང་ཡི་ཆོས་ཉིད་རང་སྣང་ཡང
མུན་པའི་ཕྱོགས་ཀྱིས་ཡོངས་མི་བརླག
སེམས་ཅན་སྣང་བ་བསམ་མི་ཁྱབ
རྣམ་དྲུག་ལྡན་པའི་ཡུལ་དག་ནས
རྐྱེན་ལྔ་རྣམ་པར་འཕྲོས་པ་ཡིས
སེམས་ཀྱི་གྲོགས་ནི་བཞི་དག་ལས
བློ་ཡི་རྣམ་པ་དྲུག་ཏུ་ཤར
རྣམ་པའི་ཡུལ་ལྔ་རབ་ཏུ་བཟུང
བཅུ་དྲུག་གམ་ནི་གསུམ་དག་གིས
དྲི་མ་སྟོང་ཁ་ཡས་པའམ
ཡང་ན་སྟོང་ཕྲག་བརྒྱད་ཅུའོ
སྣང་བའི་དྲི་མ་གཉིས་དག་ལས
ངར་འཛིན་དྲི་མ་གཉིས་སུ་སྣང
ཆོས་ཀྱི་དྲི་མ་བཞི་དག་ལས
རྣམ་པའི་དྲི་མ་ལྔར་སྣང་བའོ
མཐུན་པའི་མུན་པ་སུམ་འགྱུར་རོ
སྣང་བ་ལས་ནི་མུན་པ་འབྱུང
མུན་ལས་སྣང་བ་ཉིད་ཀྱང་བསྟན
བློ་ཡི་སྤྱོད་པ་དྲུག་དག་ལས
རྐྱེན་ནི་དགུའམ་བརྒྱད་དུ་བསྟན
དང་པོ་འབྱུང་བཞི་གཅིག་པ་ལ
དེ་ནས་རྣམ་པ་བཞི་དག་ལས
འདྲ་བའི་གཞི་ལས་གོལ་ས་གཉིས
༤༦
དེ་ནས་གསུམ་མ་མ་ལྔ་དག་བྱུང
མུན་པའི་ཆོས་རྣམས་བསམས་ཡས་ཏེ
སྟོང་པ་མུན་པ་ལྔ་ཉིད་ཀྱང
ཉི་ཟེར་སྤྲིན་བསྒྲིབས་ཇི་བཞིན་ནོ
དངོས་པོའི་མུན་པ་དྲུག་རྣམས་ནི
དཔེར་ན་མིག་མཛེས་རོལ་མོ་བཞིན
དེ་ཉིད་ལ་ཡང་རབ་ཏུ་ཆགས
འཁོར་བའི་ལམ་ནི་ལྔ་ཉིད་དོ
ཨེ་མ་དེ་ཡང་མུན་པའི་སྤྱོད་པ་རྣམས
ང་ཡིས་སྣང་བ་འདི་བསྟན་པས
ཐམས་ཅད་སྐྱེ་མེད་མིག་དང་ཉེ
གོལ་བར་སྣང་བ་བློ་ཡིན་ཏེ
བློ་ཡི་ཐེག་པ་བསམ་མི་ཁྱབ
སྣང་བའི་ཡེ་ཤེས་སྐུར་འབར་བ
རིག་པའི་སྤྱོད་པ་ཇི་སྙེད་པ
སྣང་བ་རྣམ་པ་ལྔ་དག་གིས
མུན་པའི་ཚོགས་དག་སེལ་བར་འགྱུར
རྫོགས་པའི་ལྟ་བ་རྣམ་དྲུག་གིས
དྲི་མའི་ཕྱོགས་དག་མེད་པར་འགྱུར
དཀྱིལ་ཡངས་དབྱིངས་ལྡན་རྣམ་གཉིས་ཀྱིས
གོལ་ས་རྣམ་གསུམ་སེལ་བར་འགྱུར
རང་བྱུང་བཞག་ཐབས་རྣམ་གསུམ་གྱིས
སྒྲིབ་པའི་ཕྱོགས་རྣམས་སེལ་བར་འགྱུར
རྟོག་པའི་རྒྱལ་པོ་རྣམ་དགུ་ཡིས
རྐྱེན་ལྔའི་ཕྱོགས་རྣམས་སེལ་བར་འགྱུར
སྟོང་གསལ་ལམ་ཉིད་ལྔ་ཡིས་ཀྱང
༤༧
གསང་བའི་མུན་གསུམ་སེལ་བར་འགྱུར
མུན་པའི་ཕྱོགས་ཉིད་ཐམས་ཅད་ཀུན
སྒྲོན་མ་འབར་བ་གཅིག་གམ་ནི
ཤེས་རབ་དག་པའི་སྐུ་གཅིག་གིས
ཐམས་ཅད་མ་ལུས་སེལ་བར་འགྱུར
ཆོས་ཉིད་རང་གི་ངོ་བོ་ནི
གནས་ལུགས་རྣམ་པ་གསུམ་ལ་ཐུག
ཐུགས་ཀྱི་དགོངས་པ་རྩེ་གཅིག་ཀྱང
བྱུང་ས་ཆེན་པོ་གཅིག་ལ་ཐུག
དོན་གྱི་ཡེ་ཤེས་ཆེན་པོ་ཡང
བསྐྱལ་ས་ཆེན་པོ་གཉིས་ལ་ཐུག
དྲི་མེད་རང་སྣང་ཆོས་སྐུ་ཡང
ཤར་ས་ཆེན་པོ་གསུམ་ལ་ཐུག
འཛིན་ཆགས་བྲལ་བའི་རང་གདངས་ཀྱང
སྟོང་པ་ཆེན་པོའི་ལམ་ལ་ཐུག
རྡོ་རྗེ་སེམས་དཔའི་གསང་དོན་ཡང
དྲི་མ་དག་པ་གཅིག་ལ་ཐུག
རང་བཞིན་དག་པའི་ཆོས་སྐུ་ཡང
ཆགས་བྲལ་འབྲས་བུ་ལྔ་ལ་ཐུག
དངོས་ལས་འདས་པའི་ཐིག་ལེ་ཉག་གཅིག་ཀྱང
ཆོས་སྐུའི་གནས་ས་གསུམ་ལ་ཐུག
ཡེ་ནས་གནས་པའི་རང་གསལ་ཀྱང
བཅུད་ཀྱི་སྙིང་པོ་གསུམ་ལ་ཐུག
རང་རིག་གསལ་བའི་སྒྲོན་མ་ཡང
ལྟ་སྟངས་ཆེན་པོ་གསུམ་ལ་ཐུག
གསང་བའི་ཡེ་ཤེས་རྣམ་ལྔ་ཡང
༤༨
རྡོ་རྗེ་གསང་བའི་ཚིག་ལ་ཐུག
གསང་བའི་ཆོས་སྐུ་ཆེན་པོ་ཡང
ཆོས་སྐུའི་སྣང་བ་གཉིས་ལ་ཐུག
རྟགས་ཀྱི་ཡེ་ཤེས་ཚོན་གང་ཡང
རང་བྱུང་བསྟན་པ་གཅིག་ལ་ཐུག
སངས་རྒྱས་དགོངས་པ་རང་གནས་དེ་བཞིན་ནོ
ཨེ་མ་ཧོ
རྒྱུ་རྐྱེན་བྲལ་བའི་སྐད་ཅིག་མ
དེ་མ་ཐག་ཏུ་རང་ལས་བྱུང
མཚོན་པའི་ཡེ་ཤེས་ངོ་བོ་ཡང
འབྱུང་བའི་རྐྱེན་བྲལ་རང་ལས་བྱུང
བརྟགས་པ་གཉིས་ཀྱི་ཆོས་རྣམས་ཀུན
གཟུང་དང་འཛིན་པ་གཉིས་མེད་པས
གཉིས་སྣང་ཡུལ་དུ་མེད་པས་ན
བསམ་འདས་ངོ་བོ་བརྗོད་ལས་འདས
སྐུ་ཡི་སྣང་བ་ཡེ་ནས་འགྱུར་མེད་ཀྱང
ཡེ་ཤེས་ཐུགས་ལ་འཁྲུལ་རྟོག་ཡེ་ནས་མེད
གསང་སྔགས་ཐབས་ཀྱི་ཡེ་ཤེས་ཀུན་ཡངས་པ
ཐིག་ལེ་ཉག་གཅིག་དགོངས་པ་བརྗོད་ལས་འདས
གསང་སྔགས་རྒྱལ་པོ་རྡོ་རྗེ་ཨ་ཡི་བདག
ནང་མེད་ནང་ནས་རིན་ཆེན་མཛོད་སྣང་བ
ཡེངས་མེད་རྒྱུན་གྱི་དམ་ཚིག་བསམ་ལས་འདས
སྣང་མཛད་འཕྲུལ་གྱི་མེ་ལོང་དཀྱིལ་འཁོར་ཉིད
བལྟ་བར་འདོད་ན་སྒྲོན་མའི་སྣང་བ་ལྟོས
འཁོར་ལོའི་གཞལ་ཡས་སྐྱེ་དང་འབྲི་མེད་པས
༤༩
རང་གསལ་ཐུགས་ཀྱི་རིག་པ་ཉིད་ལ་ལྟོས
རང་བཞིན་ཆོས་ཀྱི་སྐུ་ཡི་སྣང་བ་ལས
གཟུགས་བརྙན་མཚན་མ་སྐུ་ཡི་ཆོ་འཕྲུལ་ལྟོས
སྟོན་པ་རྡོ་རྗེ་འོད་དཔག་མེད་པ་ཡིས
སངས་རྒྱས་ཀུན་གྱི་ཡེ་ཤེས་གདུང་བཟུང་བས
སྐྱེ་མེད་འོད་གསལ་སྣང་བའི་རང་ལུས་ཐོབ
ཀྱེ་མ་གསང་སྔགས་ཉིད་ཀྱི་ལྟ་བའི་གནས་ལུགས་ལས
རང་བཞིན་ཉིད་ཀྱི་སྣང་བ་རང་སྣང་བ
རྡོ་རྗེ་སེམས་དཔའི་མེ་ལོང་འདི་བསྟན་པས
ཡེ་ཤེས་སྤྱན་གྱིས་འགྲོ་བ་འདྲེན་པར་འགྱུར
སེམས་ཀྱི་ཆོ་འཕྲུལ་བསམ་འདས་བརྗོད་མེད་པས
ཐབས་དང་ཤེས་རབ་འདུ་འབྲལ་མེད་པས་ན
གསང་སྔགས་ཐིག་ལེ་སྟོང་དང་མི་སྟོང་མེད
ཀྱེ་མ་སངས་རྒྱས་སྐུ་ནི་སྣ་ཚོགས་མ་ཡིན་པས
ཡེ་ཤེས་སྣང་དང་གཅིག་དང་དུ་མར་མེད
ཆེ་ཆུང་ཡུལ་མིན་ཤིན་ཏུ་རྟོགས་པར་དཀའ
ཡང་དག་ཆེན་པོའི་གནས་ལུགས་དེ་བཞིན་ནོ
ཞེས་ནོར་བུ་ཕྲ་བཀོད་ཆེན་པོའི་རྒྱུད་ལས
རང་བཞིན་སྣང་བའི་ཐུགས་བསྟན་པའི་ལེའུ་སྟེ་ལྔ་པའོ
༄༦
དེ་ནས་ཡང་ཡེ་ཤེས་ཀྱི་ལྷ་མོ་གསལ་བའི་རྒྱན་ཞེས་བྱ་བས་འདི་སྐད་ཅེས་གསོལ་ཏོ
ཀྱེ་ཀྱེ་བཅོམ་ལྡན་རྡོ་རྗེ་སེམས
༥༠
རང་སྣང་ཆེན་པོའི་ལྟ་སྟངས་གསུངས
སངས་རྒྱས་ཀུན་གྱི་ཡེ་ཤེས་ནི
དོན་དམ་དང་ནི་ཀུན་རྫོབ་པོ
སྤྱི་དང་འདྲེན་པའི་ཁྱད་པར་ལས
གསང་སྔགས་བཞུགས་ཚུལ་གསུང་དུ་གསོལ
དེ་ནས་བཅོམ་ལྡན་རྡོ་རྗེ་སེམས
ཞི་བའི་གདན་ལས་ལངས་ནས་ནི
ལས་ཀྱི་སྣང་བའི་ཆོ་འཕྲུལ་བསྟན
ངེས་པའི་རྒྱུད་ཆེན་ལེའུ་འདི་གསུངས་སོ
ཨེ་མ་ལྷ་མོ་རྒྱན་ལྡན་ཉོན
ངས་བསྟན་ལེགས་པར་ཡིད་ལ་ཟུངས
སེམས་ཀྱི་སྣང་བ་ཇི་སྙེད་པ
ལས་ཀྱི་སྤྱོད་པ་ཆེན་པོས་སྤྱད
རྣམ་རྟོག་ལས་ནི་ཇི་ཙམ་པར
རང་སྣང་ཆེན་པོའི་ཀློང་དུ་བསྒོམ
བསམ་བྱེད་འདུ་འཕྲོ་ཇི་སྙེད་པ
ཐབས་ཀྱི་འདྲེན་སྒོ་ཆེན་པོ་འབྱུང
ཆོས་ཉིད་དག་པའི་སྐུ་ཉིད་ཀྱང
སྣང་མཛེས་སེམས་ཀྱི་མེ་ལོང་ལྟོས
ཨེ་མ་དྲི་མ་གཉིས་སུ་སྣང་བ་ཡང
མིང་ཙམ་དོན་ལ་ཡོད་མ་ཡིན
ཉོན་མོངས་ཡིད་དྲུག་སྤྱོད་པ་བཞི
མངོན་སུམ་ཉིད་ལ་ཡོད་མ་ཡིན
སངས་རྒྱས་སྐུ་ནི་ལོངས་སྤྱོད་ཀྱང
རང་སྣང་ཉིད་ལ་ཡོད་མ་ཡིན
ཐིག་ལེའི་རང་འོད་རྣམ་ལྔ་ཡང
རྒྱུན་ཏུ་སྣང་བ་ཡོད་མ་ཡིན
ཡན་ལག་དྲུག་ལྟར་བཤད་པ་ཡང
༥༡
དོན་དམ་ཉིད་ལ་ཡོད་མ་ཡིན
སེམས་ཅན་འཁྲུལ་པའི་སྣང་བ་ཡང
གཞི་སྣང་ཉིད་ལ་ཡོད་མ་ཡིན
ཐབས་ཀྱི་གསང་བ་ཆེན་པོ་ལས
སྐུ་ནི་རབ་ཏུ་སྐྱེ་མེད་པས
རང་སྣང་ཆེན་པོར་སྣང་བའོ
ཞེས་ནོར་བུ་ཕྲ་བཀོད་ཆེན་པོའི་རྒྱུད་ལས
འཁྲུལ་སྣང་ཞིང་ཁམས་སུ་སྦྱར་བའི་ལེའུ་སྟེ་དྲུག་པའོ
༄༧
དེ་ནས་ཡང་བཅོམ་ལྡན་འདས་རྡོ་རྗེ་སེམས་དཔའ་དེ་ཉིད་ཀྱིས་ཏིང་ངེ་འཛིན་ལས་ལངས་ཏེ
སྣང་བ་ཆེན་པོས་ཕྱོགས་བཅུ་ཐམས་ཅད་ཀུན་ཏུ་ཁྱབ་པར་མཛད་དོ
ཆོས་ཀྱི་སྐུའི་རོལ་པ་བསམ་གྱིས་མི་ཁྱབ་པ་མཛད་དོ
དེ་ནས་ཡེ་ཤེས་ཀྱི་ལྷ་མོ་དབྱངས་མཁན་མས་འདི་སྐད་ཅེས་གསོལ་ཏོ
ཀྱེ་མ་ཡང་དག་པར་རྫོགས་པའི་སངས་རྒྱས་བཅོམ་ལྡན་འདས
ཐུགས་རྗེ་ཆེན་པོ་དང་ལྡན་པ
རྩོལ་བ་ཅན་དུ་གྲོལ་བའི་གདམས་ངག་ནི་གང་ལགས
མི་གྲོལ་བའི་གདམས་ངག་ནི་གང་ལགས
སེམས་ཅན་རྣམས་གང་གིས་གྲོལ་བར་འགྱུར
བཤད་དུ་གསོལ
གསུང་དུ་གསོལ
ལུང་བསྟན་དུ་གསོལ
ཐབས་དམ་པ་བསྟན་དུ་གསོལ
ཞེས་ཞུས་སོ
དེ་ནས་ཡང་བཀའ་སྩལ་པ
ཀྱེ་མ་ཡེ་ཤེས་ཀྱི་ལྷ་མོ་ཁྱོད་ཉོན་ཅིག
༥༢
ངས་ཐབས་ཀྱི་སྒོ་མ་འགགས་པར་བསྟན་གྱིས
ལེགས་པར་ཉོན་ཅིག
ཡང་དག་པར་རྫོགས་པའི་སང་རྒྱས་ལ་རྩོལ་བ་མི་མངའོ
རིག་པའི་སྐུ་ཉིད་ལ་རྩོལ་བ་མི་མངའ་བས
བྱ་བྱེད་དང་བཅས་པ་ཐམས་ཅད་ཀྱིས་མི་གྲོལ་བར་ངས་བསྟན་ཏོ
བྱ་བཙལ་འདས་པའི་ཆོས་རྣམས་ཀྱིས་གྲོལ་བར་བསྟན་ཏོ
ཡང་དག་པའི་གདམས་ངག་གིས་རིག་པ་མཚོན་པར་བྱེད་པ་ནི
ཆོས་ཀྱི་སྐུ་རིག་པའི་ཡེ་ཤེས་མཐའ་གང་ལ་ཡང་རག་མ་ལུས་པའོ
རིག་པ་སྟོན་པར་བྱེད་པའི་ཐབས་ཀུན་གྱི་ཐུན་མོང་མ་ཡིན་པ་འདིས་ཡང་དག་པའི་སྐུ་མཚོན་པའོ
ཀྱེ་མ་རིགས་ཀྱི་ལྷ་མོ
རང་གི་མིག་གི་དེ་ཁོ་ན་ཉིད་སྙིང་པོ་རྡོ་རྗེའི་སྐུ
ལུ་གུ་རྒྱུད་དུ་བསྟན་པ་ནི
མིག་གི་དེ་བཞིན་ཉིད་སྐུ་གསུམ་འདུ་འབྲལ་མེད་པའི་དོན་རིག་པ་རང་གསལ་གྱི་དགོངས་པ
མ་བཅོས་པའི་ཡེ་ཤེས་མཁས་པས་བལྟ་གང་བྱའོ
རྒྱང་ཞགས་ཆུའི་སྒྲོན་མ་ལ་ཡང་དག་པའི་སངས་རྒྱས་རིག་པ་ལུ་གུ་རྒྱུད་ཀྱི་སྐུ་ཡོངས་སུ་གསལ་བའོ
དེ་ཡང་དབྱིངས་དང་རིག་པ་འདུ་འབྲལ་མེད་པར་གནས་ཏེ
དོན་གྱིས་མ་བསྒྲིབས་པ་རང་སྣང་བའི་མིག་གིས་དེ་ཁོ་ན་ཉིད་ཀྱི་རང་བཞིན་ནི་དེ་ཉིད་ལ་གཟུང་བར་བྱའོ
༥༣
དེའི་ཚེ་རིག་པའི་སྣང་བའི་ངོ་བོ་དང་བཅས་པ་དེ་ཉིད་རིག་པ་ཅོག་བཞག་གི་བལྟ་བ་དྲན་པར་བྱའོ
རིག་པ་དེ་ཉིད་རང་གི་འདུག་ཚུལ་གྱི་དངོས་པོ་དེ་ཉིད་ལས་མ་གཡོས་པས
དེ་ཡང་དེ་ཉིད་ལ་མིག་གི་ཟུར་གྱིས་བལྟ་བར་བྱའོ
དེ་ནས་རང་གི་དབྱིངས་ཀྱི་སྣང་བ་སྐུ་དང་བཅས་པ་གསལ་ལོ
སངས་རྒྱས་ཐིག་ལེ་ཉག་གཅིག་གི་དགོངས་པར་རང་བྱུང་གི་ཡེ་ཤེས་ཀྱི་ངང་ལས་མ་གཡོས་ན
སངས་རྒྱས་ཐམས་ཅད་ཀྱི་སྐུའི་དེ་བཞིན་ཉིད་མཐོང་བར་འགྱུར་རོ
དེའི་ཚེ་གླང་པོ་ཆེའི་ལྟ་སྟངས་ཀྱི་དགོངས་པ་ལ་གནས་ཤིང
སེང་གེའི་མཆོངས་སྟངས་ཀྱིས་ངོ་བོ་འབྲུ་ཚུགས་སུ་གཟུང་བར་བྱའོ
ཁྱུང་ནམ་མཁའ་ལ་ལྡིངས་བའི་འགྲོས་ཀྱིས་རྗེས་བཅད་ནས
སངས་རྒྱས་ཐམས་ཅད་ཀྱི་སྐུའི་ངོ་བོ་དེ་བཞིན་ཉིད་མཐོང་བར་འགྱུར་རོ
དེའི་ཚེ་སྣང་བ་ཡེ་ཤེས་ལ་སློང་བའི་གདམས་ངག་ལ་གནས་པར་བྱའོ
དེ་ནས་ཡང་བཅོམ་ལྡན་རྡོ་རྗེ་སེམས་དཔའ་ཉིད་ལ
སྣང་བའི་ལྷ་མོ་ཀུན་ནས་འོད་ཟེར་ཞེས་བྱ་བས
༥༤
འདི་སྐད་ཅེས་གསོལ་ཏོ
ཀྱེ་བཅོམ་ལྡན་འདས་ཡང་དག་པར་རྫོགས་པའི་སངས་རྒྱས་ཀྱི་དགོངས་པ་ལ་ངོ་སྤྲད་པས་ཆོག་གམ
ངོ་སྤྲད་པ་ལ་དགོས་པ་ཅི་ཡོང
དེས་གྲོལ་བ་ལགས་སམ་ཞེས་ཞུས་སོ
དེ་ནས་ཡང་བཀའ་སྩལ་པ
ཀྱེ་འཁོར་གྱི་ལྷ་དང་ཀླུ་དང་བྱང་ཆུབ་སེམས་དཔའ་རྣམས་ཉོན་ཅིག
ཡང་དག་པར་རྫོགས་པའི་སངས་རྒྱས་ལ་ངོ་སྤྲད་དུ་མེད་དོ
སྤྲད་པའི་ཡུལ་མེད་དོ
ངོས་བཟུང་ཐམས་ཅད་དང་བྲལ་བས་ངོ་སྤྲད་པའི་རྒྱུ་རྐྱེན་དང་བྲལ་བའོ
ངོ་སྤྲད་པ་ལ་དགོས་པ་ནི་གང་ཡང་མེད་པར་བསྟན་པའོ
རིགས་ཀྱི་བུ་རིག་པའི་དེ་བཞིན་ཉིད་མིག་གི་དེ་ཁོ་ན་ཉིད་ཅོག་བཞག་གིས་བལྟ
ཤེས་ན་ཆོས་ཐམས་ཅད་ཀྱི་སྤྱི་དང་རང་གི་མཚན་ཉིད་ཤེས་པར་འགྱུར་རོ
ཀྱེ་མ་རིགས་ཀྱི་བུ
ང་ཡོངས་སུ་མྱ་ངན་ལས་འདས་པའི་འོག་ཏུ་དུས་ཀྱི་མཐའ་མ་ལྔ་བརྒྱ་ཐ་མའི་དུས་སུ
བསླུ་བྲིད་བྱིས་པའི་ངང་ཚུལ་ཅན་དག་གིས་སངས་རྒྱས་ཀྱི་དགོངས་པ་དཔེ་ལ་ཡིད་ཆེས་བྱེད་པའི་དུས་འབྱུང་སྟེ
དེའི་ཚེ་ངའི་རྒྱུད་གསང་བ་འདི་འབྱུང་བ་ཡིན་ནོ
ཡང་དག་པའི་རིག་པ་ཉིད་ལ་དཔེས་མཚོན་དུ་མེད་དོ
༥༥
རང་བཞིན་གྱིས་འོད་ལྔ་རང་ཆས་སུ་ཡོད་པ་ལ་གཟུགས་བརྙན་གྱི་འོད་ལྔ་བསྟན་ཀྱང་སངས་རྒྱ་བར་མི་འགྱུར་རོ
མ་ཆགས་པའི་ཆགས་པ་ཆེན་པོས་མ་སྤྱད་ན
རྩོལ་བ་དང་བཅས་པའི་དཔེས་མ་བྱས་པའི་ཆོས་ཉིད་རྙེད་པར་མི་འགྱུར་རོ
རྩོལ་བསྒྲུབ་ཐམས་ཅད་དང་བྲལ་བའི་ཅོག་བཞག་གཅིག་གི་ངང་དུ་བཞག་མ་ཤེས་ན
རྟོག་པ་དང་བཅས་པའི་ཡིད་ཀྱིས་ཡང་དག་པའི་དོན་རྙེད་པར་མི་འགྱུར་རོ
དེ་ནས་ཡང་ཞུས་པ
ཀྱེ་མ་སྟོན་པ་ཆེན་པོ
རིག་པའི་ངོ་བོ་ཐབས་གང་གིས་མཐོང་བར་འགྱུར
ལུང་བསྟན་དུ་གསོལ
སྣང་བ་བསྟན་དུ་གསོལ
དེ་ནས་ཡང་བཀའ་སྩལ་པ
ཀྱེ་མ་སྣང་བ་སྟོན་པའི་ལྷ་མོ་རྣམས་ཉོན་ཅིག
ཡང་དག་པའི་མན་ངག་རྩོལ་བསྒྲུབ་ཐམས་ཅད་དང་བྲལ་བ་ནི
མི་སྣང་བའི་སྣང་བ་ཆེན་པོ་ལ་མཁས་པར་བྱའོ
རིག་པའི་སྐུ་རྣམ་པར་དག་པ་ལ་བལྟ་བར་བྱ་སྟེ
སྐུ་མེད་པའི་སྐུའི་ཀློང་དུ་ཐམས་ཅད་འུབ་ཆུབ་པར་འགྱུར་རོ
སངས་རྒྱས་ཀྱི་སྐུ་གཟིགས་སྣང་ཐམས་ཅད་དང་བྲལ་ཀྱང
རིག་པའི་སྐུ་མངོན་སུམ་དུ་གསལ་བས་ཡེ་ཤེས་འཆང་ནུབ་མེད་པར་བསྟན་པར
བྱའོ
རང་སྣང་ཆོས་ཉིད་ཀྱི་སྣང་བ་དབྱིངས་རྣམ་པར་དག་པའི་སྒྲོན་མ་ལ
གནས་པར་བྱ་སྟེ
༥༦
དེའི་ཚེ་སངས་རྒྱས་ཀྱི་ཞིང་ཁམས་མངོན་པར་དགའ་བ་མཐོང་བར་འགྱུར་རོ
སྣང་བ་ཆོས་ཉིད་ལ་བྱར་མེད་པས་བྱ་མི་དགོས
བཙལ་དུ་མེད་རྩོལ་བ་ལས་འདས་སོ
རིག་པའི་གནས་ལུགས་ལ་མཁས་པས་བསྟན་པར་བྱའོ
རིག་པའི་འགྲོ་ས་ཉིད་ལ་ཕུགས་གཏད་དོ
རིག་པའི་འབྱུང་ས་ཉིད་ལ་གཅུན་པར་བྱའོ
རིག་པའི་གནས་ས་ལ་གཟེར་གདབ་པར་བྱའོ
རིག་པའི་བསྐྱལ་ས་ཆེན་པོ་གཅིག་གིས་ལ་བཟླ་བར་བྱའོ
མཐོང་སའི་སྐུའི་སྣང་བ་ལ་བསྟན་པའི་ཚིག་གིས་གཟེར་གདབ་པར་བྱའོ
རིག་པའི་རྩལ་གསུམ་ལུས་ལ་འབྱོངས་པར་བྱའོ
སྣང་སའི་འཆར་ལུགས་གཅིག་གི་དེ་བཞིན་ཉིད་ཤེས་ན
ཆོས་ཐམས་ཅད་ཀྱི་དེ་བཞིན་ཉིད་ཤེས་པར་འགྱུར་རོ
རིག་པའི་ལྟ་སྟངས་ཆེན་པོ་གཅིག་གི་དེ་བཞིན་ཉིད་ཤེས་ན
ཆོས་ཐམས་ཅད་ཀྱི་དེ་བཞིན་ཉིད་ཤེས་པར་འགྱུར་རོ
སྐུའི་གནས་ལུགས་གཅིག་མཐོང་ན
སྐུ་ཐམས་ཅད་ཀྱི་གནས་ལུགས་མཐོང་བར་འགྱུར་རོ
ཡེ་ཤེས་ཀྱི་འཆར་ས་གཅིག་གི་དོན་ཤེས་ན
༥༧
ཆོས་སྐུའི་དེ་བཞིན་ཉིད་ཤེས་པར་འགྱུར་རོ
རང་རིག་པའི་སྐུ་གཅིག་མཐོང་ན་རིག་པའི་སྐུ་ཐམས་ཅད་མཐོང་བར་འགྱུར་རོ
རིག་པའི་སྐུའུ་སྣང་བ་ཐམས་ཅད་རང་སར་གྲོལ་ཞིང
རང་སར་གནས་རང་ས་ལས་གཞན་དུ་མ་གཡོས་པ་ཉིད་དོ
སངས་རྒྱས་ཀྱི་ཡེ་ཤེས་ཀུན་ཏུ་སྣང་ཞིང
གཞི་སྣང་ཆེན་པོ་ལས་མ་བསྐྱོད་པའོ
རིག་པ་ཅོག་བཞག་ནི་བལྟ་བ་ཀུན་གྱི་བཅུད་ཕྱུང་བའོ
དེ་ཡང་མིག་གི་དེ་བཞིན་ཉིད་ཀྱི་འདུག་སྟངས་ལ་གནས་པར་བྱའོ
ཞེས་ནོར་བུ་ཕྲ་བཀོད་ཆེན་པོའི་རྒྱུད་ལས
ཤིན་ཏུ་གསང་བའི་གམས་ངག་གི་ལེ་འུ་སྟེ་བདུན་པའོ
༄༨
དེ་ནས་ཡང་འཁོར་རྣམས་ཀྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ
ཀྱེ་ཀྱེ་བཅོམ་ལྡན་རྡོ་རྗེ་འཆང
གསང་སྔགས་གསང་བའི་གདམས་ངག་འདི
བསྟན་པའི་སྣོད་ནི་གང་གང་ལགས
བསྟན་དུ་མི་རུང་གང་དག་ལགས
དཔའ་བོ་ཆེན་པོས་བཀའ་སྩོལ་ཅིག
དེ་ནས་རྡོ་རྗེ་འཆང་ཆེན་དེས
འདི་སྐད་རབ་ཏུ་བཀའ་སྩལ་ཏོ
ཀྱེ་མ་ཉོན་ཅིག་ལྷ་མོའི་རིགས
ངས་བསྟན་ལེགས་པར་ཡིད་ལ་ཟུངས
༥༨
སྣང་བའི་དཀྱིལ་འཁོར་ཆེན་པོ་འདི
ཀུན་ལ་བསྟན་པ་མ་ཡིན་ཏེ
གསང་བ་ཐུབ་པ་འགའ་ལ་བསྟན
གསང་སྔགས་གསང་བའི་གདམས་པ་འདི
བསྟན་པའི་རིགས་ནི་འདི་ལྟ་སྟེ
གསང་བ་གཉེར་གཏང་ཐུབ་པར་བྱེད
གསང་བའི་དོན་ལ་འགྲུས་པ་དང
ཤེས་རབ་བློ་རྩལ་ཆེ་བ་དང
དམ་ཚིག་སྡོམ་པ་ལྡན་ལ་བསྟན
དེ་ནས་ཁྱད་པར་འཁོར་རྣམས་ཀྱིས
རྡོ་རྗེ་འཆང་ལ་ཡང་ཞུས་པ
ཀྱེ་ཀྱེ་བཅོམ་ལྡན་རྡོ་རྗེ་འཆང
རྫོགས་ཆེན་མན་ངག་གསང་དོན་འདི
རང་དགར་བསྟན་པ་མ་ཡིན་ཏེ
ངེས་པའི་ལུང་རྒྱལ་ཁུ་བྱུག་མཆོག
འདི་ཉིད་བསྟན་པའི་གང་ཟག་རྣམས
རིགས་དང་སྤྱོད་ལམ་ཆེན་པོ་དང
ཁ་དོག་མཚན་ཉིད་གསུང་དུ་གསོལ
དེ་ནས་བཅོམ་ལྡན་རྡོ་རྗེ་འཆང
ཏིང་ངེ་འཛིན་ལས་བཞེངས་ནས་ནི
ཁྱད་པར་འཁོར་ལ་བཀའ་སྩལ་པ
ཀྱེ་མ་ཁྱད་པར་འཁོར་ཚོགས་ཉོན
ང་ཡིས་བསྟན་གྱིས་ལེགས་པར་ཉོན
རིགས་ཀྱི་ཁྱད་པར་འདི་ལྟ་སྟེ
རྒྱལ་རིགས་དང་ནི་བྲམ་ཟེའི་རིགས
དེ་བཞིན་རྗེ་རིགས་ཆེན་པོ་དང
ཁྱད་པར་ཆེན་པོའི་མི་རྣམས་ལ
གསང་སྔགས་ངེས་དོན་བསྟན་པར་བྱ
༥༩
ཡང་ན་རིགས་མེད་ཁ་དོག་བརྟགས
ཕོ་མོ་གཉིས་ནི་གང་ཡང་རུང
ཁ་དོག་འདི་དང་ལྡན་པ་ནི
རྫོགས་པ་ཆེན་པོའི་སྣོད་དུ་གསུངས
ཡན་ལག་རགས་ཤིང་ཁ་དོག་གནག
སོ་ཉིང་ཐགས་བཟང་དཀར་ལ་འགྲིག
མིག་རྩ་ཡིད་ཙམ་དམར་བ་དང
སྐྲ་ཡི་མཚན་ཉིད་ཆེན་པོ་ཡང
གཡས་སུ་འཁྱིལ་ཞིང་ཁམ་ནག་མདོག
ལུས་ལ་བཀུར་སྟི་ཆུང་བ་དང
ཕྱི་ཡི་སྤྱོད་ཡུལ་ཐ་མལ་མདོག
ཚིག་རྣམས་ཤུགས་འབྱུང་སྨྲ་བ་དང
ཡང་ན་ཚིག་གི་རྣམ་པ་ཀུན
གཅིག་གིས་གང་ལྟར་སྨྲ་བ་ལྟར
སྐྱེས་བུ་དེ་ཡང་དེ་ལྟར་སྨྲ
རྫོགས་ཆེན་གདམས་ངག་བསྟན་པར་བྱ
དེ་རྣམས་གཅིག་ལ་རྫོགས་པ་ན
ཤན་པའི་རིགས་སམ་སྨད་འཚོང་རིགས
ཕྱག་དར་ཁྲོད་པའི་རིགས་ཀྱང་རུང
རིགས་ངན་གང་དག་སུ་ཡིན་ཀྱང
གསང་བའི་མན་ངག་བཅུད་འདི་གཏད
རྒྱུ་ཆུང་ཡོ་བྱང་མེད་པ་ན
རང་གིས་ཡོ་བྱད་སྦྱར་ནས་ཀྱང
ལྷག་མ་མེད་པར་རབ་ཏུ་སྦྱིན
གསང་བའི་བཅུད་གསུམ་མན་ངག་འདི
རིགས་དང་ཁ་དོག་བརྟགས་ཐབས་རྣམས
ང་ནི་མྱ་ངན་འདས་འོག་ཏུ
༦༠
གསང་བའི་མན་ངག་ཡང་བཅུད་འདི
ངེས་པའི་རྒྱལ་པོ་འདི་ལྟར་བསྟན
དེ་རྣམས་ལྡན་པའི་སྐྱེས་བུ་ལ
གོང་གི་གདམས་ངག་བསྟན་པར་བྱའོ
ཞེས་ནོར་བུ་ཕྲ་བཀོད་ཆེན་པོའི་རྒྱུད་གསང་བ་ཆེན་པོ་ལས
གསང་སྔགས་སྦྱིན་པའི་སྣོད་བསྟན་པའི་ལེའུ་སྟེ་བརྒྱད་པའོ
༄༩
དེ་ནས་ཡང་འཁོར་ཆེན་པོ་རྣམས་ཀྱིས་འདི་སྐད་ཅེས་གསོལ་ཏོ
ཀྱེ་ཀྱེ་བཅོམ་ལྡན་རྡོ་རྗེ་འཆང་ཆེན་པོ
ཡང་དག་པར་རྫོགས་པའི་སངས་རྒྱས་ཀྱི་དགོངས་པའི་དོན་ཅི་ལྟ་བུ་ལགས
ལུང་བསྟན་དུ་གསོལ
ཞེས་ཞུས་སོ
དེ་ནས་ཡང་བཀའ་སྩལ་པ
ཨེ་མ་ཧོ
འདུས་པའི་འཁོར་ཆེན་པོ་རྣམས
ཡང་དག་པར་རྫོགས་པའི་སངས་རྒྱས་ཀྱི་བལྟ་བ་རང་བྱུང་གི་ཡེ་ཤེས་ནི་དངོས་པོ་གང་གི་ཡང་ཕྱོགས་སུ་མ་ལྷུང་བར་སྣང་བའི་དུས་ན
གང་ལྟར་ཡང་བལྟ་ཞིང་སྣང་བའོ
རང་སྣང་གི་སྐུ་བསམ་པ་ལས་འདས་ཏེ
མངོན་སུམ་གྱི་ཡུལ་སྣང་བ་མ་བཀོད་པར་སྣང་བའོ
རྒྱན་དམ་པ་ཡེ་ཤེས་ཀྱི་སྐུ་འོད་དང་ཟེར་དུ་སྣང་བའོ
དེའི་ཚེ་སྐུའི་སྣང་བ་ཆེན་པོ་དག་མཐོང་བར་འགྱུར་རོ
རིག་པའི་སྐུ་ཡུལ་མེད་པ་ལས་ཡུལ་ལྟར་སྣང་བ་འབྱུང་སྟེ
༦༡
དེའི་ཚེ་རྡོ་རྗེ་འཛིན་མེད་ཀྱི་སྐུ་མཐོང་བར་འགྱུར་རོ
དེ་ནས་ཡང་འདུས་པའི་འཁོར་རྣམས་ཀྱིས་འདི་སྐད་ཅེས་གསོལ་ཏོ
ཀྱེ་ཀྱེ་བཅོམ་ལྡན་འདས་ཐུགས་རྗེ་ཆེན་པོ་དང་ལྡན་པ
ཡང་དག་པའི་ལྟ་བའི་ག་པའི་ཡེ་ཤེས་སྐུ་རྡོ་རྗེའི་གནས་ལུགས་གསུང་དུ་གསོལ
དེ་ནས་ཡང་བཀའ་སྩལ་པ
ཀྱེ་འདུས་པའི་འཁོར་རྣམས་ཉོན
ཡུལ་ལས་འདས་པའི་དབྱིངས་ངོ་མ་ཤེས་ན
རིག་པའི་གནས་སྟོང་པར་འགྱུར་རོ
དེ་ཡང་ཡུལ་ལས་འདས་པའི་དབྱིངས
འབྱུང་བ་ལས་འདས་པའི་རང་གདངས
མཚོན་པ་ལས་འདས་པའི་རང་སྣང་ངོ
སེམས་ལས་འདས་པའི་རིག་པ་ངོ་མ་ཤེས་ན
ཆོས་ཐམས་ཅད་ཀྱི་འབྲས་བུ་བརླག་པར་འགྱུར་རོ
དེ་ཡང་རིག་པ་རང་སྣང་གིས་ཡེ་ཤེས་ཚིག་ལས་འདས་པ
སྟོང་པ་ཀུན་ཁྱབ་ཀྱི་ཡེ་ཤེས་སྣང་བ་ལས་འདས་པ
རང་བྱུང་སྟོབས་ཀྱི་རིག་པ་འཛིན་པ་ལས་འདས་པའོ
རིག་པ་ཡེ་ཤེས་ཀྱི་སྐུ་ལ་མཚན་མའི་ཡུལ་མེད་པས
རང་སྣང་ཞིང་རང་གིས་དོན་ལས་མ་འདས་པའོ
ཀྱེ་མ་རིག་པའི་སྐུ་ལ་འགྱུར་བྱེད་མེད་ཀྱང
༦༢
བཟུང་བར་དཀའ་བ་ནི་སྨིག་རྒྱུ་ལྟ་བུར་སྣང་ངོ
གསང་བའི་གནས་ན་གནས་པའི་རིག་པ་ངོ་བོ་སྙིང་པོ་རྡོ་རྗེའི་ལུས་ཅན་མཐོང་བའི་ཚེ
སངས་རྒྱས་ཐམས་ཅད་ཀྱི་སྐུའི་སྣང་བ་འཆར་ཏེ
མཐོང་བའི་ཡུལ་རྣམ་པར་དག་ན
དམིགས་པ་ཅན་ཡེ་ཤེས་སུ་འཆར་བ་ཞེས་བྱའོ
དེ་ཡང་སྐུའི་སྣང་བ་ཉིད་དུ་མར་མེད་ཅིང་དུ་མ་དང་བྲལ་བའོ
ཞེས་ནོར་བུ་ཕྲ་བཀོད་ཆེན་པོའི་རྒྱུད་ལས
རང་བཞིན་ཀུན་སྣང་དུ་བསྟན་པའི་ལེའུ་སྟེ་དགུ་པའོ
༄༡༠
དེ་ནས་ཡང་འདུས་པའི་འཁོར་རྣམས་ཀྱིས་འདི་སྐད་ཅེས་གསོལ་ཏོ
ཀྱེ་ཀྱེ་བཅོམ་ལྡན་རྡོ་རྗེ་འཆང
རང་སྣང་ཆེན་པོའི་ལྟ་སྟངས་རྣམས
མོས་པའི་འཁོར་ལ་གསུང་དུ་གསོལ
དེ་ནས་རྡོ་རྗེ་འཆང་ཆེན་དེས
ཏིང་ངེ་འཛིན་ལས་ལངས་ནས་ནི
ཉེ་བའི་འཁོར་ལ་བཀའ་སྩལ་པ
ཀྱེ་མ་ཉོན་ཅིག་རང་བཞིན་ལྷ་མོ་རྣམས
ཡང་དག་ངེས་པའི་ལུང་རྒྱལ་འདི
ཀུན་གྱི་སྤྱོད་ཡུལ་མ་ཡིན་ཏེ
གསང་སྔགས་ལྟ་བའི་གནས་ལུགས་ནི
གཅིག་དང་དུ་མར་མེད་པ་ནི
གསང་བའི་རིག་པ་རང་སྣང་ནི
རང་རིག་རྒྱུན་གྱི་བལྟ་བའི་སྐུ
ཐིག་ལ་ཉག་གཅིག་བརྟགས་དཀའ་བས
༦༣
གསང་སྔགས་ཡེ་ཤེས་ཡོངས་སུ་རྫོགས
ལྟ་བའི་སྣང་བ་ཅིག་ཆར་བས
གསང་བའི་སྐུ་ལས་འོད་འབྱུང་བས
འགྲོ་བའི་རིག་པའི་མིག་གསལ་བས
དྲི་མ་མེད་པའི་དབྱིངས་རིག་ནི
འདུ་འབྲལ་མེད་པའི་ངང་དུ་རྫོགས
ཡོངས་རྫོགས་སྐུ་ནི་འོད་དུ་འབར
ཆོས་ཀྱི་སྐུ་ཡི་སྣང་བ་ལས
སྐུ་གསུམ་སྣང་བ་དུས་གཅིག་རྫོགས
རང་གསལ་ཐབས་ཀྱི་ཡེ་ཤེས་སྐུ
རང་རིག་ཅོག་བཞག་བལྟ་བ་ནི
མ་ཡེངས་ངང་ལ་ཅིར་ཡང་གསལ
དུ་མ་ཅིག་ཆར་རྫོགས་པས་བདེ
རང་སྣང་ཐབས་ཀྱི་རྒྱན་དུ་སྣང
སྐུ་གསུང་ཐུགས་ཀྱི་ཡེ་ཤེས་ནི
མཚོན་བྱེད་སྤྲོས་པ་མེད་པས་ན
གནས་པའི་དུས་ན་སྐུ་ལྟར་གནས
འཚར་བའི་དུས་ན་ཡེ་ཤེས་ཏེ
རྒྱུན་དུ་སྣང་ལུགས་དེ་བཞིན་ནོ
དེ་ཡང་སྣང་ལུགས་སྐུ་ཡི་དབྱིབས
གཅིག་དང་གཉིས་སུ་བལྟ་བ་ལ
རང་རྫོགས་སྣང་བ་ཆེན་པོ་ནི
བདག་གཞན་གཉིས་ཀྱི་མཐའ་འདས་ནས
རིག་པ་མ་དང་ཕྲད་པའི་རྟགས
ཡེ་ཤེས་རྒྱུན་གྱི་དམ་ཚིག་ནི
རྟག་པར་སྣང་བ་ཐམས་ཅད་ཀུན
མ་བཅོས་ཆོས་ཀྱི་དབྱིངས་སུ་བལྟ
༦༤
ཀ་དག་དྲི་མ་མེད་པའི་རིག་པ་ནི
སྐུ་ལས་ཡང་དག་དབྱིངས་སུ་ཐིམ
རིག་པའི་མེ་ལོང་བལྟ་ཤེས་ན
ཆོས་ཉིད་དབྱིངས་སྣང་མ་འགགས་གསལ
རིག་པའི་སྐུ་ཉིད་བལྟ་འདོད་ན
དྲི་མ་སངས་པའི་ནམ་མཁར་ལྟོས
རྐྱེན་ཉིད་རང་དུ་བལྟ་འདོད་ན
མཐའ་ཡས་སྐུ་ཡི་ཀློང་དུ་ལྟོས
འཕྲོ་ཞིང་འདུ་མེད་བལྟ་འདོད་ན
ཆོས་ཀྱི་དབྱིངས་ཀྱི་རྒྱན་ལ་ལྟོས
རང་བཞིན་གཟུགས་བརྙན་བལྟ་འདོད་ན
དྲི་མེད་དབྱིངས་རིག་གཉིས་ལ་ལྟོས
སྐུ་ཡི་འོད་ཟེར་བལྟ་འདོད་ན
བྱ་བྱེད་མེད་པའི་ངང་དུ་ལྟས
དེ་ནི་རྫོགས་ཆེན་ལྟ་སྟངས་སོ
དེ་ནས་ཡང་དག་ངེས་པའི་ལུང
འདི་ཉིད་དོན་གྱིས་བཀྲོལ་ཏེ་གསུངས
རང་བཞིན་ཉིད་ཀྱི་སྣང་བ་ལས
ངོ་བོ་ཉིད་ཀྱི་སྐུར་ཤར་བ
འཛིན་མེད་ངང་དུ་རང་རིག་གསལ
སྤྲོས་པ་མེད་པའི་ཆོས་དབྱིངས་ལས
འཛིན་ཆགས་མེད་པའི་འོད་སྣང་བས
བལྟ་བ་མེད་པའི་ལྟ་བ་ཡིས
ཕྱོགས་རིས་མེད་པའི་ངང་དུ་འུབ
རང་བྱུང་དགོངས་པར་བཞག་པས་ནི
དུ་མར་རང་གྲོལ་ངང་དུ་འུབ
རྫོགས་པ་ཆེན་པོའི་རིག་པ་ནི
མགོན་པོ་དྲི་མ་མེད་པ་ལས
མཐའ་ཡི་མུན་པ་རང་རིག་སངས
༦༥
ཆོས་ཉིད་གསུང་གི་རོལ་པ་ལས
རྡུལ་མེད་དྲི་མ་རང་སར་གྲོལ
སྐུ་ནི་སྣ་ཚོགས་དག་པས་ན
སྐུ་གསུང་ཐུགས་ཀྱི་དཀྱིལ་འཁོར་རྫོགས
དོན་དམ་བསམ་ཡས་ལྷུན་གྲུབ་པས
ཆོས་ཀྱི་སྐུ་ཡི་རྒྱུ་ཉིད་ལས
སེམས་ཅན་ཀུན་གྱི་རང་ལུས་རྫོགས
ཆོས་ཉིད་གསལ་བའི་གསལ་ལམ་ལས
རིག་པའི་སྐུ་ལ་འདུ་འབྲལ་མེད
བྱེད་པའི་རྒྱུན་གཉིས་ལྟར་སྣང
སྣང་བའི་རྒྱུ་ནི་གཅིག་ལས་མེད
དྲི་མེད་དག་པའི་སངས་རྒྱས་ལ
རྒྱུ་མཐུན་ཉིད་དུ་བྱ་བ་མིན
སྤྲོས་མེད་ཚིག་ན་སྣ་ཚོགས་རྫོགས
སེང་གེ་རྩལ་རྫོགས་ཆེན་པོ་ཡི
ལྟ་སྟངས་ཆེན་པོར་བཤད་པའོ
ཞེས་ནོར་བུ་ཕྲ་བཀོད་ཆེན་པོའི་རྒྱུད་གསང་བ་ལས
རྫོགས་ཆེན་ལྟ་སྟངས་བསྟན་པའི་ལེའུ་སྟེ་བཅུ་པའོ
༄༡༡
དེ་ནས་ཡང་ལྷ་མོ་རྨ་བྱའི་མགྲིན་ཅན་གྱིས་འདི་སྐད་ཅེས་གསོལ་ཏོ
ཀྱེ་ཀྱེ་སྟོན་པ་བཅོམ་ལྡན་རྡོ་རྗེ་འཆང
རང་རིག་གནས་ལུགས་གསུང་དུ་གསོལ
དེ་སྐད་རབ་ཏུ་ཞུས་པ་དང
བཅོམ་ལྡན་ཉིད་ཀྱིས་བཀའ་སྩལ་པ
ཉོན་ཅིག་ཡེ་ཤེས་ལྷ་མོ་ཁྱོད
ར་ཡིས་སྣང་བའི་དོན་བསྟན་གྱིས
༦༦
སོ་མ་ཉི་ཡིད་གཉིས་རབ་སྤངས་ལ
མ་ཡེངས་གུས་པའི་ཚུལ་གྱིས་ཉོན
གསང་སྔགས་ཀུན་གྱི་ལྟ་བ་ནི
བྱེད་པ་མ་ཡིན་བྱ་བ་མེད
གསང་བའི་ངང་དུ་ཀུན་རྫོགས་པས
རྒྱུན་དུ་བྱེད་པ་ཡོངས་ཀྱིས་མེད
ནད་མེད་ནང་གི་དངོས་པོ་ལས
ཕྱི་ནང་གཉིས་ཀའི་ཕྱི་ཉིད་ནང
ཡོད་མེད་སྟོང་པ་ཉིད་ཡིན་པས
རང་བཞིན་སྣང་བ་ཐད་ཀ་ལས
ཆོས་ཀྱི་སྐུ་ནི་མུན་པ་སངས
ཆོས་ཀྱི་སྐུ་ནི་གཅིག་ཡིན་པས
བྱ་བྱེད་དྲི་མ་གཉིས་ལས་འདས
རིག་པའི་སྣང་བ་རང་རྫོགས་པས
ཆོས་ཀྱི་མེ་ལོང་བཞིན་སྣང་བས
གསལ་བའི་འོད་ནི་སྣ་ཚོགས་འབྱུང
དྲི་མ་གསུམ་ལས་རབ་འདས་པས
དཔེར་ན་ནམ་མཁའ་སྤྲིན་མེད་བཞིན
སྣང་དང་མི་སྣང་མཐའ་ལས་འདས
སངས་རྒྱས་ཆོས་ལ་མི་གནས་པས
རྣམ་རྟོག་དྲི་མའི་སྐྱོན་དང་བྲལ
སྐུ་གསུམ་རང་རྫོགས་ཆོས་ཉིད་ནི
བྱེད་པ་མ་ཡིན་རང་སར་གྲོལ
ཆོས་སྐུ་དྲི་མ་མི་གནས་པས
འཛིན་མེད་ཐིག་ལེ་རྣམ་པར་དག
ཐིག་ལེ་ཉག་གཅིག་སྣང་བ་ལ
རྟོག་པའི་ཡིད་ནི་ག་ལ་ཡོད
དབྱིངས་ཀྱི་སྒྲོན་མའི་རྒྱན་བཟང་ལ
ཧོས་ཉིད་ཡུལ་གྱིས་སྣང་བ་ཤར
སྣ་ཚོགས་སྣང་བ་བསམ་མི་ཁྱབ
༦༧
ཀྱེ་ཀྱེ་རང་སྣང་ལྷ་མོ་ཉོན
ང་ཡི་ཆོས་ལ་ཚིག་མེད་པས
སྟོང་པའི་ཕྱོགས་ལ་རབ་གནས་ཤིང
ཉི་ཚེ་ཕྱམ་ཆད་མ་ཡིན་པས
དངོས་པོར་ཡོད་པ་ཉིད་ལས་འདས
ང་ལ་ཆོས་དང་སེམས་མེད་པས
སྟོང་པ་ཉིད་དུ་བདག་མི་བལྟ
འཛིན་ཆགས་སྤྱོད་པའི་ཡུལ་ལས་འདས
སེམས་ལས་སངས་རྒྱས་མི་འབྱུང་བས
འཁོར་བའི་རྩ་བ་ད་མི་བསྒྲུབ
ཆོས་ཀྱི་སྐུ་ལ་ཡུལ་མེད་པས
ཁ་དོག་ལྔ་པོས་སུ་ཞིག་བྱ
རིག་པའི་སྐུ་ལ་རང་སྣང་བས
ངོ་སྤྲོད་ཉི་ཤུས་སུ་ཞིག་གྲོལ
རང་རིག་སྐུ་ལ་བལྟར་མེད་པས
དྲི་མ་དག་པ་ཆེན་པོའོ
ཞེས་ནོར་བུ་ཕྲ་བཀོད་ཆེན་པོའི་རྒྱུད་ལས
སྣང་བ་ཡེ་ཤེས་སུ་སྣང་བའི་ལེའུ་སྟེ་བཅུ་གཅིག་པའོ
༄༡༢
དེ་ནས་ཡང་གསང་བའི་རིགས་རྡོ་རྗེ་མཁའ་འགྲོ་མས
རྡོ་རྗེ་འཆང་ཆེན་པོ་ལ་འདི་སྐད་ཅེས་གསོལ་ཏོ
ཀྱེ་ཀྱེ་བཅོམ་ལྡན་རྡོ་རྗེ་འཆང
རྫོགས་པའི་སྐུ་ནི་བསམ་ཡས་ལ
གཅིག་ཏུ་བསྡུ་བ་གསུང་དུ་གསོལ
དེ་ནས་རྡོ་རྗེ་འཆང་ཆེན་དེས
ཉེ་བའི་འཁོར་ལ་བཀའ་སྩལ་པ
རྡོ་རྗེ་རིགས་ཀྱི་མཁའ་འགྲོ་མ
བལྟ་བ་གསང་བའི་སྔགས་བརྗོད་ཀྱིས
༦༨
མ་ཡེངས་ཡིད་ཀྱིས་གུས་པས་ཉོན
ཀྱེ་ཀྱེ་རྡོ་རྗེ་འཛིན་མའི་ཚོགས
བྱ་བ་མི་བྱེད་བྱེད་པ་སྤང
བསྒྲུབ་པ་མི་བྱ་སྔགས་ཀྱི་ཚིག་མི་བཟླས
ཆོས་ལ་མི་སྤྱད་དྲན་པའི་རྗེས་སུ་མིན
ཡིད་ལ་མི་བྱ་རྟོག་པ་རྣམ་སྤངས་ཏེ
རང་སྣང་གཅིག་ལས་མེད་པར་གསུངས
སྣ་ཚོགས་སྐུ་ནི་བསམ་ཡས་ཀྱང
ཡེ་ཤེས་སྐུ་གཅིག་བསྟན་པ་ཡིས
ཐམས་ཅད་རང་རིག་གྲོགས་སུ་འགྱུར
ཨེ་མ་ཧོ་རབ་ཏུ་སྣང་བའི་སྣང་བ་ཡི
སྐུ་ཡི་དོན་ནི་བརྗོད་ལས་འདས
མཚན་མའི་ཡུལ་ནི་ཀ་དག་པས
དྲི་མའི་ཕྱོགས་ཀྱིས་ང་མི་བསྒྲིབ
ང་ལ་སྐྱེ་དང་འཆི་མེད་པས
དགེ་བའི་ཕྱོགས་ཀྱིས་ང་མི་སྐྱོབས
ང་ལ་ལུས་སེམས་གཉིས་མེད་པས
སྡིག་པས་ང་ཡི་སྐུ་མི་བསྒྲིབ
རང་རིག་ཡེ་ཤེས་འོད་གསལ་བས
འཁོར་བའི་མུན་པས་ང་མི་བསྒྲིབ
ང་ལ་ཞེ་སྡང་སེམས་མེད་པས
ཞི་གནས་ལྷག་མཐོང་སུ་ཞིག་འདོད
ང་ལ་འཛིན་པའི་ཕྱོགས་མེད་པས
རྟོག་པའི་བསམ་པས་མཐའ་མི་རྙེད
ཧ་ཧ་ཆོས་མེད་པ་ལ་ཆོས་ཉིད་བྱུང
ཡུལ་མེད་པ་ལ་ཡུལ་ལྟར་སྣང
ཆོས་མིན་ཤེས་རབ་འཁོར་གསལ་བས
དྲན་བྱེད་ཡུལ་དུ་མེད་པའོ
ཨེ་མ་ཧོ
ཆོས་ལས་འདས་པའི་སྐུ་མ་ཤེས་ན
༦༩
རིག་པ་ལུ་གུ་རྒྱུད་ཀྱི་སྐུ་ལ་ལྟོས་ཤིག
ཆོས་ཐམས་ཅད་ཀྱི་ཡེ་ཤེས་ངོ་ཤེས་པར་འདོད་ན
ཡིད་རང་བྱུང་གི་ཡེ་ཤེས་ལ་དྲིས་ཤིག
སངས་རྒྱས་ཐམས་ཅད་ཀྱི་སྐུའི་སྣང་བ་བལྟ་བར་འདོད་ན
རིག་པ་མི་འབྱེད་པའི་སྐུ་ངོས་ཟུངས་ཤིག
ཆོས་ཉིད་ཡུལ་གྱི་སྣང་བ་ལ་གཏན་ཚིགས་ཀྱི་གཟེར་ཐེབས་པར་འདོད་ན
ཡེ་ཤེས་མཁའ་གསལ་གྱི་སྣང་བ་ལ་ལྟོས་ཤིག
དེ་བཞིན་དུ་སྐུའི་སྣང་བ་ལ་རྟག་ཏུ་ལྟོས་ཤིག
ཅེས་ནོར་བུ་ཕྲ་བཀོད་ཆེན་པོའི་རྒྱུད་ལས
ཆོས་ལས་སངས་རྒྱས་མི་འབྱུང་བའི་ལེའུ་སྟེ་བཅུ་གཉིས་པའོ
༄༡༣
དེ་ནས་ཡང་རིན་ཆེན་རིགས་ཀྱི་མཁའ་འགྲོ་མས་འདི་སྐད་ཅེས་གསོལ་ཏོ
ཀྱེ་ཀྱེ་བཅོམ་ལྡན་རྡོ་རྗེ་འཆང་ཆེན་པོ
རིག་པའི་སྐུ་དང་མཚན་ཉིད་ཇི་ལྟ་བུ་གསུང་དུ་གསོལ
དེ་ནས་ཡང་བཀའ་སྩལ་པ
ཀྱེ་རིན་ཆེན་རིགས་ཀྱི་མཁའ་འགྲོ་མ་འཁོར་བྱེ་བ་དང་བཅས་པ་ཉོན་ཅིག
ཡང་དག་པའི་རིག་པ་སྤྱན་ལྔའི་དེ་བཞིན་ཉིད་ཐོབ་པར་འདོད་ན
རིག་པ་རྡོ་རྗེ་ལུ་གུ་རྒྱུད་ཀྱི་སྐུ་ལ་ལྟོས་ཤིག
དེ་ཡང་རིག་པའི་སྐུ་དེ་མངོན་སུམ་དུ་སྣང་ཞིང
མངོན་སུམ་ལ་རབ་ཏུ་གནས་པས
ཤའི་སྤྱན་གྱིས་མངོན་སུམ་དུ་མཐོང་བྱེད་མ་འགགས་སོ
༧༠
དེའི་དོན་ལས་ཕྱི་ནང་གི་དངོས་པོ་ཐམས་ཅད་རྟོགས་པ་ནི
ཤེས་རབ་གྱི་སྤྱན་ཐོབ་པའོ
དེ་ལ་ཕྱི་ནང་གི་ཆོས་རྫོགས་ཤིང་ཤར་བ་ནི
ཆོས་ཀྱི་སྤྱན་གྱིས་ཐམས་ཅད་སྡུད་པར་ཤེས་པའོ
དེའི་དོན་མ་འགགས་པས་ཆོས་ཐམས་ཅད་ཀྱི་དེ་བཞིན་ཉིད་ཤེས་པ་ནི
ཐམས་ཅད་མཁྱེན་པའི་སྤྱན་གྱིས་ཐམས་ཅད་མཁྱེན་ཅད་ཐམས་ཅད་གཟིགས་པོའི
དེ་ལ་ཡང་མི་གནས་པར་རིག་པའི་སྐུ་དེ་ཉིད་ལས་གཞན་དུ་མ་ཡེངས་པ་ནི
རྣམ་པར་གྲོལ་བའི་ཡེ་ཤེས་མཐོང་བའི་སྤྱན་རྣམ་པར་དག་པའོ
དེའི་ཕྱིར་ན་སྤྱན་ལྔའི་དེ་བཞིན་ཉིད་རིག་པ་རྡོ་རྗེ་ལུ་གུ་རྒྱུད་ཀྱི་སྐུ་ལ་ཐུག་པའོ
སྐྱེ་ཤི་མེད་པར་སྲོག་འཛིན་པར་འདོད་ན
རྡོ་རྗེ་ལུ་གུ་རྒྱུད་ཀྱི་ལྟ་སྟངས་ལ་ཐུག་གོ
འགག་པ་མེད་པར་རང་སར་གྲོལ་བར་འདོད་ན
ལུ་གུ་རྒྱུད་ཀྱི་སྣང་བ་ལ་ཐུག་གོ
དམིགས་པ་མེད་པར་མཚན་མའི་ཆོས་ཟིལ་གྱིས་གནོན་པར་འདོད་ན
ལུ་གུ་རྒྱུད་ཀྱི་ཡེ་ཤེས་ལ་ལྟོས་ཤིག
དུ་མ་མེད་པར་གཅིག་ལ་བལྟ་བར་འདོད་ན
ལུ་གུ་རྒྱུད་ཀྱི་སྣང་བ་ལ་ལྟོས་ཤིག
དྲན་པར་མེད་པར་ཆོས་ཀྱི་སྐུ་ལ་བལྟ་བར་འདོད་ན
ལུ་གུ་རྒྱུད་དངོས་ལ་ལྟོས་ཤིག
༧༡
ཕྱི་ནང་གི་ཆོས་ཐམས་ཅད་ཤེས་པར་འདོད་ན
ལུ་གུ་རྒྱུད་ཀྱི་རླུང་རྒྱུབ་ལ་ལྟོས་ཤིག
གནས་པ་མེད་པའི་སྐུ་ལ་བལྟ་བར་འདོད་ན
རྡོ་རྗེ་ལུ་གུ་རྒྱུད་ཀྱི་སྣང་བ་ལ་ལྟོས་ཤིག
མཚན་མའི་ཆོས་ཉིད་རང་སྣང་དུ་བལྟ་བར་འདོད་ན
ཆོས་ཉིད་ལུ་གུ་རྒྱུད་ཀྱི་སྐུ་ལ་ལྟོས་ཤིག
གསང་སྔགས་ཐམས་ཅད་ཀྱི་ཐུགས་ལ་བལྟ་བར་འདོད་ན
རྡོ་རྗེ་ལུ་གུ་རྒྱུད་ཀྱི་སྐུ་ལ་ལྟོས་ཤིག
སངས་རྒྱས་ཐམས་ཅད་ཀྱི་དགོངས་པ་ཐུགས་སུ་ཆུད་པར་འདོད་ན
རྡོ་རྗེ་ལུ་གུ་རྒྱུད་ཀྱི་སྐུ་དང་མ་བྲལ་བར་གྱིས་ཤིག
ཆོས་ཐམས་ཅད་ཀྱི་མདོ་དང་རྒྱས་པ་ཤེས་པར་འདོད་ན
རྡོ་རྗེ་ལུ་གུ་རྒྱུད་ཀྱི་སྐུའི་འདུག་ཚུལ་ལ་ལྟོས་ཤིག
གསང་བའི་ཡེ་ཤེས་ཐམས་ཅད་ལ་མཁས་པར་འདོད་ན
རྡོ་རྗེ་ལུ་གུ་རྒྱུད་ཀྱི་ཟེར་ལ་ལྟོས་ཤིག
ལྟ་བ་དང་སྤྱོད་པ་དང
སྒོམ་པ་གསུམ་འདུ་འབྲལ་མེད་པར་འདོད་ན
རྡོ་རྗེ་ལུ་གུ་རྒྱུད་ཀྱི་སྐུ་ལས་མ་ཡེངས་ཤིག
ཆོས་ཐམས་ཅད་ཀྱི་གཞལ་ཡས་ཁང་འཛིན་པར་འདོད་ན
དབྱིངས་དང་རིག་པའི་དོན་ཁོང་དུ་ཆུག་ཅིག
རྡོ་རྗེ་སེམས་དཔའི་གདུང་འཛིན་པར་འདོད་ན
རིག་པ་རྡོ་རྗེ་ལུ་གུ་རྒྱུད་དང་མ་བྲལ་བ་གྱིས་ཤིག
༧༢
སྣང་བ་ཐམས་ཅད་འོད་དུ་གསལ་བར་འདོད་ན
རྡོ་རྗེ་ལུ་གུ་རྒྱུད་ཀྱི་ཡེ་ཤེས་ལ་མཁས་པར་གྱིས་ཤིག
ཀྱེ་མ་ཡང་དག་པར་རྫོགས་པའི་སངས་རྒྱས་ཐམས་ཅད་ཀྱི་མངའ་བདག་ཀྱང་རྡོ་རྗེ་ལུ་གུ་རྒྱུད་ལ་ཐུག་གོ
རང་བྱུང་གི་ཡེ་ཤེས་ཐམས་ཅད་ཀྱི་དེ་བཞིན་ཉིད་ཀྱི་སྣང་བའི་འགྲོ་ས་ནི
རྡོ་རྗེ་ལུ་གུ་རྒྱུད་དང་ནམ་མཁའ་རྣམ་པར་དག་པ་ལ་ཐུག་གོ
ཞེས་ནོར་བུ་ཕྲ་བཀོད་ཆེན་པོའི་རྒྱུད་ལས
སྐུ་ཐམས་ཅད་ཀྱི་འདུས་པས་བསྟན་པའི་ལེའུ་སྟེ་བཅུ་གསུམ་པའོ
༄༡༤
དེ་ནས་ཡང་པད་མའི་རིགས་ཀྱི་མཁའ་འགྲོ་མ་རྣམས་ཀྱིས་འདི་སྐད་ཅེས་གསོལ་ཏོ
ཀྱེ་ཀྱེ་བཅོམ་ལྡན་རྡོ་རྗེ་འཆང
གསང་སྔགས་ཀུན་གྱི་གནས་པའི་ས
མོས་པའི་འཁོར་ལ་སྣང་བར་མཛོད
དེ་ནས་རྡོ་རྗེ་འཆང་བ་ཡིས
ཉེ་བའི་འཁོར་ལ་བཀའ་སྩལ་པ
ཀྱེ་མ་ཉོན་ཅིག་པད་མའི་རིགས
ང་ཡིས་དོན་ཆེན་རབ་བསྟན་གྱིས
ཁྱེད་ཀྱིས་ངེས་པའི་ཡིད་ཀྱིས་ཟུངས
གསང་སྔགས་ཀུན་གྱི་གནས་ཚུལ་ནི
རིན་ཆེན་ཟུར་བརྒྱད་གཞལ་ཡས་དང
འགྱུ་བྱེད་རྩ་ཡི་གཞལ་ཡས་དང
དུང་ཁང་བྷན་དྷའི་གཞལ་ཡས་དང
ལྟ་བྱེད་མིག་གི་གཞལ་ཡས་སོ
༧༣
གཞལ་ཡས་ཆེན་པོ་དེ་བཞི་ན
གསང་སྔགས་ཀུན་གྱི་གསང་ཆེན་གནས
རང་རིག་སྐུ་ལ་གཡོ་བ་མེད
སྒོ་ནས་ལམ་དུ་རབ་བྱུང་ནས
མཁའ་མཉམ་སྟོང་པའི་ངང་དུ་ཐིམ
དོན་གྱིས་ཡེ་ཤེས་ཅིར་སྣང་ཡང
ངང་དུ་རྫོགས་ཤིང་ངང་ལས་བྱུང
གནས་ཚུལ་ཆེན་པོ་དེ་ཉིད་ལ
བལྟ་བའི་དོན་ཉིད་ལུ་གུ་རྒྱུད
ཆོས་ཅན་སྣང་བ་གྲངས་མེད་ཀྱང
ཆོས་ཉིད་དོན་ལ་གཅིག་ལས་མེད
ཨེ་མ་བལྟ་བ་རྒྱུན་གྱི་རྣལ་འབྱོར་གྱིས
དེ་ཡི་དོན་ལ་འགྱུར་མེད་བལྟ
དེ་ཡང་ལུ་གུ་རྒྱུད་ཀྱི་སྐུ
མངོན་དུ་སྣང་ཞིང་བཟུང་བར་དཀའ
རིག་པའི་ངོ་བོ་དེ་ཉིད་ལ
འགག་མེད་ཟང་ཐལ་གནས་པའི་དཔེ
དཔེར་ན་རྒྱ་མཚོ་དངས་པ་ལ
གཟའ་དང་སྐར་མ་གསལ་བ་བཞིན
བག་ལ་ཉལ་བའི་དུས་མེད་པར
སྣ་ཚོགས་ཟང་ཐལ་ཆེན་པོར་གནས
བལྟ་བ་རྒྱུན་གྱི་རྣལ་འབྱོར་གྱིས
དེ་ཡི་དོན་ལ་མ་ཡེངས་ན
བག་ལ་ཉལ་དང་མ་ཉལ་མེད
ཉིན་མོ་སྣང་དང་མཚན་མོ་ནུབ
གཉིས་སུ་སྣང་བ་ཡོད་མ་ཡིན
སྤྱོད་པ་རྒྱུན་གྱི་རྣལ་འབྱོར་གྱིས
ལུ་གུ་རྒྱུད་ཀྱི་ངོ་བོ་དང
༧༤
དུས་བཞི་ཉིད་དུ་མ་བྲལ་ན
སྤྱོད་པ་རྒྱུན་གྱི་རྣལ་འབྱོར་ཡིན
རང་རིག་བསྒོམ་པའི་རྒྱུན་མེད་ཀྱང
བསྒོམ་པ་རྒྱུན་གྱི་རྣལ་འབྱོར་འབྱུང
དུས་དང་དུས་མེད་ཐམས་ཅད་དུ
ལུ་གུ་རྒྱུད་དང་མ་བྲལ་ན
བསྒོམ་པ་རྒྱུན་གྱི་རྣལ་འབྱོར་ཡིན
དེ་ནི་རང་རིག་འཁྱེར་སོར་བསྟན
ཨེ་མ་ཧོ
བལྟ་བ་རྒྱུན་གྱི་རྣལ་འབྱོར་ལ
གོལ་ས་རྣམ་པ་གསུམ་ཡོད་དེ
སྟོང་པ་ཉིད་ལ་བལྟས་པ་ན
གཟུགས་མེད་སྐྱེ་མཆེད་མུ་བཞིར་གོལ
དངོས་པོ་ཉིད་དུ་བལྟས་པ་ན
གཟུགས་ཁམས་གནས་རིགས་བཅུ་བདུན་དང
བེམས་པོ་ཉིད་དུ་གོལ་བར་འགྱུར
ལུ་གུ་རྒྱུད་ཀྱི་སྣང་བ་ལ
རྟག་པ་ཉིད་དུ་རབ་བལྟས་ན
ཆགས་པ་ཆེན་པོས་བཅིངས་གྱུར་ནས
འགྲོ་དྲུག་གནས་སུ་གོལ་བ་འགྱུར
སྤྱོད་པ་རྒྱུན་གྱི་རྣལ་འབྱོར་ལ
གོལ་ས་རྣམ་པ་གསུམ་ཡོད་དེ
འདི་ལྟར་སྣང་བ་ཐམས་ཅད་ལ
སྨྱོན་པ་ལྟ་བུར་སྤྱད་བྱས་ན
ལྷ་མ་ཡིན་དུ་གོལ་བར་འགྱུར
དོན་མེད་ཚིག་རེངས་སྤྱད་བྱས་ན
འཇིག་ཚོགས་བལྟ་བར་གོལ་བར་འགྱུར
ཚོགས་དྲུག་ཡུལ་སྣང་ཐམས་ཅད་ལ
བུ་ཆུང་ལྟ་བུར་སྤྱད་བྱས་ན
༧༥
ལུང་མ་བསྟན་པའི་གནས་སུ་གོལ
བསྒོམ་པ་རྒྱུན་གྱི་རྣལ་འབྱོར་ལ
གོལ་ས་རྣམ་པ་གསུམ་ཡོད་དེ
བཏང་སྙོམས་བདག་མེད་བསྒོམ་བྱས་ན
སྟོང་པའི་མུན་སྣང་ཉིད་དུ་གོལ
ཏིང་འཛིན་ཡིག་འབྲུ་བསྒོམ་བྱས་ན
ཆགས་ནས་འཁོར་བའི་གནས་སུ་གོལ
མི་རྟོག་སྟོང་པར་བསྒོམ་བྱས་ན
ཆད་པ་མུ་མེད་ཉིད་དུ་གོལ
གོལ་བའི་རྒྱུ་ནི་བསམ་ཡས་ཀྱང
གོལ་ས་ཆེན་པོ་དེ་ལས་མེད
ལུ་གུ་རྒྱུད་ལ་གོལ་ས་མེད
ལམ་པའི་རྒྱུད་ལས་གོལ་པར་སྣང
དོན་ལ་གོལ་ས་གཅིག་ཀྱང་མེད
རྒྱུ་དང་འབྲས་བུར་བཏགས་པ་ཡང
གོལ་ས་བཅད་ཕྱིར་གསུངས་པའོ
ཞེས་ནོར་བུ་ཕྲ་བཀོད་ཆེན་པོའི་རྒྱུད་ལས
རྣལ་འབྱོར་རྒྱུན་དུ་བྱེད་པའི་ལེའུ་སྟེ་བཅུ་བཞི་པའོ
བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་པ་དང
རིགས་ཀྱི་ལྷ་མོ་ལ་སོགས་པའི་འཁོར་ཐམས་ཅད་ཡི་རང་སྟེ་མངོན་པར་བསྟོད་དོ
ནོར་བུ་ཕྲ་བཀོད་ཆེན་པོའི་རྒྱུད་གསང་བ་ཞེས་བྱ་བ་རྫོགས་སོ
སྔགས་ཀྱི་སྲུང་མས་སྲུངས་ཤིག
ནོར་བུ་ཕྲ་བཀོད་རྒྱུད་ལ་འགྲེལ་བ་རིན་ཆེན་བཀོད་པ་ཞེས་བྱ་ཡོད་དོ
ནོར་བུ་ཕྲ་བཀོད་ཉིད་ལ་མ་བུ་བདུན
དགེའོ