ಕೃಷ್ಣ ದೇಬೆರೆ ಜಾನಪದ ಕಥೆ
ಅವ್ವಂಡ ಒಂಜಿ ಕೃಷ್ಣ ದೇಬೆರ್
ಕೃಷ್ಣ ದೇಬೆರೆಗ್ ಅಕುಲು ರಡ್ದ್ ಬುಡೆದಿಯಡಿಕ್ಕುಲು
ಗಂಗಮ್ಮಲ ಸತ್ಯಮ್ಮಲ ರಡ್ದ್ ಬುಡೆದಿಯಡಿಕ್ಕುಲು
ಅಕ್ಲೆಗ್ ಬಾಲೆಗುಲು ಇದ್ದಿ
ಬಾಲೆಗುಲು ಇದ್ದಿಯಂದ್‌ನೆಕ್ ದಾನೆ ಪನ್ಪೆರಾಂಟ್
ಏನ್ ಸಾವಿರತ್ತೊಂಜಿ ಗಿಳಿಕ್ಲೆನ್ ಏನ್ ಕಾಡ್‌ಗ್ ಪೋತು
ಬರ್ಪೇನ್ ಕೊಂಡುತ್ ಈ ಸಾಕೊಂನುಪ್ಪೊಡು
ನಿಕ್ಕ್ ಬಾಲೆಲು ಬಂಧುಗುಲು ಇಜ್ಜತ್ತ
ಈ ಉಂದೆನ್ ಸಾಂಕೊಡುಂದು ಪನ್ಂಡೆರಾರ್
ಅಂಚ ಕೃಷ್ಣ ದೇಬೆರ್ ಪೋಪೆರ್ ಕಾಡ್‌ಗ್
ಪೋತು ಒಂಜಿ ವರ ಕೊರ್ಪೆರ್ ಅವುಲ್
ಮೂಜಿ ಕಲ್ಲ್ ಪೆಜ್ಜಿದ್ದ್ ಒರ ಡಕ್ಕ್‌ಪೆರ್
ಒರ ಡಕ್ಕ್‌ದಾನಗ ಅಲ್ಪ ಸಾವಿರತ್ತೊಂಜಿ
ಗಿಳಿಕುಲು ಉದಿಪ್ಪನ ಡೆಂದವುಲು ಡೆಂದ್‌ದಾತಾನ
ಈ ಗಿಳಿಕುಲೆನ್ ಪೂರಾ ದೆತೊಂದು ಬರ್ಪೆರ್ ಅರಮನೆಕ್ಕ್
ಅರಮನೆಕ್ಕ್ ದೆತೊಂದು ಬತ್ತ್‌ದ್
ಈ ಸತ್ಯಮ್ಮನ್ ಲೆಪ್ಪುವೆರ್
ಸತ್ಯಮ್ಮ ಈ ಒಡೆ ಪೋಯ
ಅಪಗ ಪಾರೊಂದು ಬುರೊಂದು ಬರ್ಪಲ್
ಪಾರೊಂದು ಈ ಸಾವಿರತ್ತೊಂಜಿ ಗಿಳಿಕುಲೆನ್
ಸಾಂಕ್‌ಪನ ಈ ಸಾಂಕೊಲಿ
ಅಪಗ ಆಲ್ ಪನ್ಪಲ್
ಒಂಜಿ ಕೈಟ್ ಕೊರಿಯರ್ಂಡ್ ದೇಬೆರೆ.
ರಡ್ಡ್ ಕೈಟ್ ನಟೊನ್ಬೆಂದ್ ಪಂಡಲ್ ,
,ನಟ್ಟ್‌ಬಲ್ ನಟ್ಟ್‌ದ್ ಈ ಸಾಕೊಂದು ಸಲಹೊಂದು
ಉಂತ್‌ಲಾಂದ್ ಪನ್ಪೆರ್.
ಅಪಗ ನಟ್ಟ್ಯಾಲ್‌ಲ ಗಿಳಿಕ್ಲೆನ್ ಸಾಕೊಂತು ಆಲ್ ಉಲ್ಲಲ್
ಸಾವಿರತ್ತೊಂಜಿ ಗಿಳಿಕ್ಲೆನ್ .ಗಿಳಿ ಸಾಂಕ್‌ದ್ ಮಲ್ಲೆ ಆತಾದಾನಗ
ಮೆಗ್ದಿ ಪರ್ದಿಯತ್ತ ಅಕುಲು ಬೇತೆ ಬೇತೆ ಇತ್ತ್‌ನೆ ಇಲ್ಲ್
ಅಪ ಸಾವಿರತ್ತೊಂಜಿ ಗಿಳಿಕ್ಲೆನಾನಗ ಜಾಲ್ಟ್
ಬೂವಪ್ಪ ರಾಯ ಬೂವಪ್ಪ ಕುಲ್ಯ ಅವುಲು
ಅವುಲು ಪೊಯ್ಯೆ ಒಕ್ಕೊಂದು ತಿಂದೊಂದು ಮಾತ ಉಲ್ಲ ಗಿಳಿಕುಲು
ಅಪ ಕಲಮ್ಮೆದ ಕಡಿ ಅರಿ ಪಾಡ್ಯಲ್ ಜಾಲ್‌ಗ್
ಪೊರ್ಲು ಒಕ್ಕುಒಕ್ಕು ಮೇವೊಂತು ಅವು ಇತ್ತೊ
ಅಪ ರಡ್ಡ್ ಕರಿದ್ ಮೂಜೆನಾನಿ ಪನ್ಪ ಅಕ್ಕ
ಅಕ್ಕೆ ಎಂಕ್ಲೆಗ್ ಬಂಜಿಗ್ ಯಾರುಜಿ ಕೋಂಕಾಯಿ ನೆನೆಪುಜಿ ಬಡವು ತನಿಪುಜಿ ಎಂಕ್ಲೆಗ್
ಎಂಕಲ ಪೋಪ ಏಳ್ ಕಡಲ ಪಿದಯಿ ಪಂಡೆರ್ ಪಂಡೆರ್
ಅಪಗ ಪೋಪುಂಡ ಪೋವುಳಿ ನಿಕ್ಲೆಗ್ ಪೋಪುನೆಗ್
ಎನಡ್ದ್ ದಾಲ ಉಂದುಜ್ಜಿ ಎನಡ್ದ್ ಅಡ್ಡಿ ಇದ್ದಿ
ಇನಿ ಕಾಂಡೆ ಪೋಯರ್ಂಡ್ ಬಯ್ಯಗೇ ಬರೊಡುಂದು ಪಂಡಳ್
ಇದ್ದಿಂಡ ಕೊರಂದಿನ ಶಿಕ್ಷೆ ನಿಕ್ಲೆಗ್ ಕೊರುವೆಂದ್
ಪಂಡಳ್ ಅಳ್ ಅಪಗ ಮನತಾನಿ ಕಾಂಡೆ ಗಿಳಿಕ್ಲು
ರೆಂಕೆ ರೆಂಕೆ ಕೋಟ್ಯ ಬೂವಪ್ಪ ರಾಯ ರಾದಾನಗ
ಸುಮಾರ್ ಪೊರ್ತಾನಗ ಮಲ್ ದಾನೆ ಪಂಡಲ್
ಪೋಪುಂಡ ಪೋಲೆ ನಿಕ್ಲೆಗ್ ಬಂಜಿ ದಿಂಜಿಜಾ
ಪೋಯ ಪೋತು ಏಳ್ ಕಡಲ ಪಿದಯಿ
ತುಂಬೆತ ತುರ್ತಿಡ್ ಸಣ್ನುಲ್ಲ ಪೊಯ್ಯೆಗ್ ಪೊತು
ಅವುಲು ಮೇವೊಂತೆ ಉಲ್ಲ ಅಲ್ಪ
ಅಪಗ ಆನಿತ ಅಲ್ಪ ಈ ಗಂಗಮ್ಮ ದೇವಿನ ಅರಮನೆಡ್ದ್
ಪೊಣ್ಣುಗುಲು ಬರ್ಪ ನೀರ್ತ ಕಡ್ಯಲ ದೆತೊಂದು
ನೀರ್ಗ್ ಬನ್ನಗ ಕಡಲ್ ಮೆಂಚಿಲೆಕ್ಕನೊ ತೋಜುಂಡು ಅಕ್ಲೆಗ್
ತೋಜಿದ್ ಬತ್ತ್ಂಡ್ ಅಪಗ ಗಿಳಿಕ್ಲ್ ಒಲ್ತಪ್ಪ
ಪಂಡ್‌ದ್ ಐನ್ ಪೊರ್ತು ಸುಮಾರ್ ಆಂಡ್ ಅಕ್ಲೆಗ್
ಮುಲ್ಪ ಉಂತ್‌ದ್ ಐನ್ ತೂದು ಮೆಕ್ಲ್
ನೀರ್ ದೆತೊಂದು ಪೋಯೆರ್ ಪೆರಪ್ಪ ಗಂಗಮ್ಮನಾಡೆ
ಪೋತಾನಗ ಗಂಗಮ್ಮಂಡಲ್ ನಿಕ್ಲೆಗ್ ನೀರ್ ಪೋಯಿನಕ್ಲೆಗ್
ಈತ್ ಪೊರ್ತು ದಾನೆ ಪೊರ್ತು ದಾನೆ ಅಪಗ
ಕೆರ್ಪರ್ಂಡ್ ಕೆರ್ಲೆಕ್ಕೆರೆ ನೋಪುವರ್ಂಡ್ ನೋಪುಲೆ
ಎಂಕಲೊಂಜಿ ಇರೆಟ ಪಾತೆರೊ ಪನ್ಪ ಪಂಡ್‌ದ್
ಪಂಡ ಪೊಣ್ಣುಲು ದಾಯಿತಂಡೆರ್ ಅಪಗ ಇಂದೆ ಎಂಕ್ಲ ನೀರ್ಗ್ ಪೋನಗ
ಏಳ್ ಕಡಲ ಪಿದಯಿ ಸಾವಿರತೊಂಜಿ ಗಿಲಿಕ್ಲೆನ್ ತೂದು
ಎಂಕಲ ಅವುಲೇ ಆಲೈತ್‍ ಅಕ್ಕ ಅಂಚ ಎಂಕ್ಲೆಗ್ ಕಡೆಸ್ಸ್ಂಡ್ ಎಂಕ್ಲೆ ಪಂಡೆರ್
ಅಪಗ ಗಂಗಮ್ಮ ಪಂಡಲ್ ಅಂಚಿನ ಗಿಳಿನಾಂಡ ಎಂಕೊರೊ
ತೂವೊಡು ಪಂಡ್‌ದ್ ಅಂಚ ಗಂಗಮ್ಮಲ
ಸರ್ವಲ್ ಪೋಣ್ಣುಗುಲುಲ ಬರ್ಪೆರ್ ಬತ್ತ್‌ದಾನಗ
ಬಲ್ಲೆ ಎನ್ನ ಅರಮನೆಗ್ ಬಲ್ಲೆ ನಿಕ್ಲೆನ್ ಸಾಂಕ್‌ನೇರ್
ಸಲಹ್‌ನೇರ್ಂದ್ ಆಳ್ ಕೇನ್ಪಲ್
ಅಪಗ ಉದ್ಯನ ಉದಿಪನ ಬೆಂದ್‌ನೆ ಎಂಕ್ಲೆಗ್ ಕೃಷ್ಣ ದೇವೆರ್
ಸಾಂಕುನೆ ಸತ್ಯಮ್ಮ ಪಂಡೆರ್
ಸತ್ಯಮ್ಮನ್ನಗ ಆಳೊಲು ಸಾಂಕುನೆ ಆಳ ಸಲಹೊನೆ ಓಲು
ಕೃಷ್ಣ ದೇಬೆರೆನ್ ಪಂಡಲ್ ಎಂಕ್
ಆಯೆ ಓಲು ಸಾಂಕುಲೆನೆ ಆಯೆ ಏಲು ಸಲಹುನೆ ಆಯೆ ಏಲು
ನಿಕ್ಲೆನ್ ಎಲ್ಲೆನೇ ಆಲ್ ತೂಟ್ವಾಂಡ್ದ್ ತಿನ್ಬಲ್ಂದ್
ಗಂಗಮ್ಮ ಪಂಡಲ್ ಆಂಡೆ ಗಂಗಮ್ಮ ಪಂಡ್‍ದಾತಾಪುನೆ
ಪೆರಪ್ಪ ಪೂರಾ ಆನಿತ ಉಂತ್ಯೊ ಅವುಲು
ಉಂತ್‌ದ್ ಮನತಾನಿ ಬತ್ತೊ ಇಡೆ
ಬತ್ತ್‌ದಾನಗ ಸತ್ಯಮ್ಮನಾಡೆ ಬತ್ತೊ ಇಡೆ ಬತ್ತ್‌ದಾನಗ
ಸತ್ಯಮ್ಮನಾಡೆ ಬತ್ತ್ಂಡ್ ಅಂದಯಾ ನಿಕ್ಲೆಗ್
ಪೋಯಿನಕ್ಲೆಗ್ ಈತ್ ಪೊರ್ತು ದಾನೆ
ಅಂದಕ್ಕೆರೆ ನಿಕ್ಲೆಗ್ ಕೊರಂದಿನ ಶಿಕ್ಷೆ ಏನ್ ಕೊರುವೆ ನಿಕ್ಲೆಗ್
ಸತ್ಯ ಇತ್ತಿನೆನ್ ಇತ್ತ್ ಲೆಕ್ಕೊ ನಿಕ್ಲೆ ಪನೊಡು
ಅಪಗ ಪಂಡೊ ಪನ್ಪರ್‍ಂಡ ಪನ್ಲೆ ಅಕ್ಕೆರೆ ಕೆರ್ಪರ್ಂಡ್ ಕೆರ್ಲೆ
ಅಪಗಂಡಲ್ ಉಂದು ನಿಕ್ಲೆಗ್ ಮುಣ್ಚಿ ಕಡೆಪದ್ ದಿಡ್ತೆ ಪಂಡಲ್
ಪುಲಿತ್ತ ಅಡರ್ ಉಂಡು ಮುಣ್ಚಿ ಕಡೆಪದ್ ದಿಡ್ತೆ ನಿಕ್ಲೆಗ್
ಗಿಳಿಕ್ಲು ಸತ್ಯ ಪಂಡೊ ಅಕ್ಕ ಎಂಕೊಲೊ ಗಂಗಮ್ಮ ದೇವಿ
ಗಂಗಮ್ಮ ದೇವಿನಾಡೆ ಎಂಕಲೊ ಪೋಯಿನೆ
ಆರ್ ಬತ್ತೆರ್ ಎಂಕ್ಲೆನ್ ಲೆತ್ತೊಂದು ಪೋಯೆರ್
ಅಂಚ ಪೋತನಗ ಅವುಳು ಪಂಡೆರ್ ಆರ್
ಆಳ್ ಓಲು ಸಾಂಕುನೆ ಆಳ್ ಓಲು ಸಲಹೊನೆ ಪಂಡೆರ್ ಪಿರ ಕಡಪುಡಿಯೆರ್ ಇಡೆ
ಅಪಗ ಆತಾನಗ ಕೃಷ್ಣ ದೇಬೆರೆ ಬತ್ತೆರ್
ಕೃಷ್ಣ ದೇಬೆರೆ ಬತ್ತ್‌ದಾನಗ ಪಂಡೆರ್
ಆಳೊಲು ಸಾಂಕುನೆ ಆಳೋಲು ಸಲಹೊನೆಂದ್
ನಿಕ್ಕ್ ಬಾಲೆಲು ಬಂಧುಲು ಇಜ್ಜಾಂದಿನೆಕ್ಕ್ ಅತ್ತ
ಯಾನ್ ಸಾವಿರತೊಂಜಿ ಗಿಳಿಕ್ಲುನೆ ನಿಕ್ಕ್ ಉದಿಪನ ಬೆಂದ್‌ನೆ ಪಂಡೆರ್
ಅಪಗ ನಿಕುಲು ಮೂಲು ನನ
ನಿಕುಲು ಮೆಗ್ದಿಲ ಪರ್ದಿಲ ಮೂಲು ನಿಕುಲು ಉಂತೊಡು
ಒಂಜಿ ಇರೆಟ್ ನಿಕ್ಲ್ ರಡ್ಡ್ ಜನ ಉನೊಡುಂದು ಪಂಡೆರ್
ಉಂಡುದು ನೀರ್ ಬುಡ್ಲೆ ಪಂಡೆರ್
ಅಪಗ ನೀರ್ ಬುಡ್ದ್ ಆಂಡ್