अंगिका मुंडन लोकगीत
बबुआ के बाल माय गे गर्दन भरी हे,
माय गे गर्दन भरी हे।
हजमा रे धीरे-धीरे कटिहो बबुआ-क बाल-
से बबुआ बड़ा सुकुमार छेथिन हे।
हेजमा रे धीरे धीरे कटिहो बबुआ-क बाल-
से बबुआ मोर सुकुमार छेथिन।
बबुआ के नानी हेजमा तोरे देभो हे,
हेजमा तोरे देभो हो।
हेजमा हो धीरे धीरे कटिहो बबुआ-क बाल,
से बबुआ मोर सुकुमार छेथिन हे।
हेजमा हे धीरे धीरे काटीहो बबुआ-क बाल,
से बबुआ मोर सुकुमार छेथिन हे।
बबुआ के बाल आगे माय गर्दन भरी हे,
आगे माय भुइयां लोटे गे।
हेजमा रे धीरे धीरे कटिहे बबुआ-क बाल-
से बबुआ मोर सुकुमार छेथिन हे।
हेजमा हे धीरे धीरे कटिहे बबुआ-क बाल-
से बबुआ मोर सुकुमार छेथिन।
बबुआ के फुआ हेजमा तोरहे देबो हो,
हेजमा तोरहे देबो हो।
हेजमा हे धीरे धीरे कटिहे बबुआ-क बाल-
से बबुआ मोर सुकुमार छेथिन हे।
हेजमा हे धीरे धीरे कटिहे बबुआ-क बाल-
से बबुआ मोर सुकुमार छेथिन हे।