ہیر آکھیا اوس نوں کُڑی کر کے
ہیر آکھیا اوس نوں کُڑی کر کے
بُکل وِچ لکاء لیایا جے
میری ماؤں تے باپ تھوں کرو پردہ
گل کسے نہ مول سنایا جے
آمو سامنا آئیکے کرے جھیڑا
تُسیں منصف ہوئے مکایا جے
جیہڑے ہون سچے سیئی چھٹ جاسن
ڈن جھوٹھیاں نوں تسیں لایا جے
میں آکھ تھکی اوس کملڑے نوں
لے کے اُٹھ چل وقت گھُسایا جے
میرا آکھنا اوس نہ کن کیتا
ہُن کاس نوں ڈُسکنا لایا جے
وارثؔ شاہ میاں ایہہ وقت گھتھا
کسے پیر نوں ہتھ نہ آیا جے
|
This work was published before January 1, 1929, and is in the public domain worldwide because the author died at least 100 years ago. |