گھر میں ساقیٔ مست کے چل کے
گھر میں ساقیٔ مست کے چل کے
آج ساغر شراب کا چھلکے
سوگ میں میرے مہندی کے بدلے
لال کرتے ہیں ہاتھ مل مل کے
چھوڑیئے اب طواف کعبہ کا
دیر کی گرد ڈھونڈھئے چل کے
دل ہے پتھر سا ان کا بھاری ہے
ورنہ ہیں کان کے بہت ہلکے
تلوا کھجلا رہا ہے پھر میرا
یاد کرتے ہیں خار جنگل کے
آج مردہ سخیؔ کا روئے گا
اس جنازے کو دیکھنا چل کے
|
This work was published before January 1, 1929, and is in the public domain worldwide because the author died at least 100 years ago. |