کیدو لتھڑے پتھڑے خون ویہندے
کیدو لتھڑے پتھڑے خون ویہندے
کُو کے باہوڑی تے فریاد میاں
مینوں مار کے ہیر نیں چُور کیتا
پینچو پنڈ دیو، دیو کھاں داد میاں
کفنی پاڑ بادشاہ تے جا کوکاں
میں تاں پُٹ سٹاں بنیاد میاں
میں تاں بولنوں ماریا سچ پچھے
شیریں ماریا جیویں فرہاد میاں
چلو جھگٹریے بیٹھ کے پاس قاضی
ایہہ گل نہ جائے برباد میاں
وارثؔ احمقاں نوں بناں پھاٹ کھادے
نہیں آؤندا عشق دا ساد میاں
|
This work was published before January 1, 1929, and is in the public domain worldwide because the author died at least 100 years ago. |