کزەی دەروون

←

کزەی دەروون (1950)
by پیرەمێرد

→

306021کزەی دەروون1950پیرەمێرد

دواوانەکەی شوێن ماڵەگەورە	سەرەو خوار ئەڕۆی بە پێچ و دەورە
تۆ بە ڕووناکی وێنەی بلووری	ئاوی زیندەگی گشت شارەزووری
ئەناڵم ئەڵێم: تۆ وەک ئاوێنەی	بۆ شوێن دەستکردی کردگار وێنەی
بۆچ پێم نانوێنی وێنەی فتوغراف	وێنەی شیرینی نازدارانی جاف
نموونەی دەستی پەروەردگار بوون	بە دەوری تۆدا گوڵی بەهار بوون
بە شەدەی لار و کراسی کەتان	وەک مانگ «کەتان» ی جەرگیان ئەسووتان
وەک مانگ بە شەدەی تاریکی دەیجوور	بورجی ڕەشماڵیان پڕ ئەکرد لە نوور
شەوی مانگەشەو ئاوایی خەوتن	لە دوای سرەوتن کاتی تێکەوتن
ئەو لەش و لارە بە شڵپەی مەلە	دڵی دڵداریان ئەخستە پەلە
ئای بۆ «پەری خان» نازداری جافان	ئاهووی زەڕباهووی عەنبەر کڵافان
ماڵە بەگزادە و سیڕەی سەماوەر	ڕووی ئەو ڕووبارەی وا ئەگرتە بەر
دەنگی نەکیسا و بەزمی خوسرەوی	لای مەحموودپاشا ئەکەوتە نەوی
ئاوازی سەقر و باز و باڵەبان	حیلەی مایینی جنسی کەحیلان
ئەمانە هەمووی خوا دابووی بە جاف	حوکمدارێک بوون بێ لاف و گەزاف
لەم دواییەدا خۆ «ناهیدە خان»	شا خانمێک بوو بەلاو دیوەخان
شوێنی دوو «پاشا» ی پڕ کردبوەوە	گرەوی لە ڕوحی چەرخ بردبوەوە
توخوا ئاوەکەی بۆن گوڵاوەکە!	بۆ سەرچاوەکە کەمێ لا وەکە
بڕوانم ئاخۆ جامی فتوغراف	نیشانم نادات شێوەی ئێلی جاف
نە! ئەو دەبدەبە و سەرئەوسەر ئاوە	ئێستە ئەفسانە و نەخشی سەر ئاوە
ئەم دڕک و داڵە و ئەم قەل و داڵە	ماونەوە لە شوێن ئەو گەورەماڵە
نازداران بوونە ماسی دواوان	بە بۆمبای ڕاوکەر کەوتنە سەر ئاوان
لە تاوەی جەوری چەرخی چەپگەردا	ئەوان ئەسووتێن منیش لە هەردا
وێڵ و ئاوارەی ئێلی مرادیم	نزیک لە مەرگم دووریش لە شادیم
بۆ بازی مراد هەر «قەیسەر قوومە»	بەختم شوومە و باز کەوتە وەیشوومە
من بۆ ئێل ئەگریم مات و دڵخەستە	ڕستی خیوەتی بەگزادە «ریستە»
لە شوێن سەرمەلا و ئەڵڵاهو ئەکبەر	«کاری» کار ئەکا و «ستریت بە جوکەر»
ئێستا کە ڕێی کۆچ گوشادە و ئاسان	کوا سەرئێل کۆچی لێ خوڕی بۆ کوێستان

1944

This work is first published in Iraq and is now in the public domain because its copyright protection has expired by virtue of the Law No. 3 of 1971 on Copyright, amended 2004 by Order No. 83, Amendment to the Copyright Law. The work meets one of the following criteria:

It is an anonymous work or pseudonymous work and 50 years have passed since the year of its publication
It is a work where the copyright holder is a legal entity or a work of applied art and 50 years have passed since the year of its publication
It is a photographic or cinematic work that is not compositive (artistic in nature) first published before 1 January 1999
It is work published in Iraq before 1 January 1954, and the author died before 1 January 1979
It is another kind of work, and 50 years have passed since the year of death of the author (or last-surviving author)
It is one of "collections of official documents, such as texts of international laws, regulations and agreements, judicial judgements and various official documents."
It is the work of a body corporate, public or private, published by January 1st, 1980 (Article 20, 1971 law).