چوچک سیال تھوں لکھ کے نال چوری
چوچک سیال تھوں لکھ کے نال چوری
ہیر سیال نے کہی تبیت ہے نی
ساڈی خیر تساڈڑی خیر چاہاں
چٹھی خط دے لکھن دی رِیت ہے نی
ہو رانجھے دی گل جو لکھیا جے
ایہا بات میری انانیت ہے نی
رکھاں چا مُصحف قرآن اُسنوں
قسم کھائی کے وِچ مسیت ہے نی
تُسیں مگر کیوں ایس دے اُٹھ پیاں
ایہدی اساں دے نال پریت ہے نی
اسیں تِرنجناں وچ بہنیاں ہاں
سانوں گاؤنا ایسدا گیت ہے نی
دینہہ چھیڑ مہیں وڑے جھل بیلے
ایس مُنڈڑے دی ایہاریت ہے نی
راتیں آن اِلہ نوں یاد کردا
وارثؔ شاہ دے نال اُدمیت ہے نی
|
This work was published before January 1, 1929, and is in the public domain worldwide because the author died at least 100 years ago. |