پك حزين بر مولد كيجه سى
| پك حزين بر مولد كيجه سى محرری: محمد عاكف |
ييللر كچيوركه ، يا نحمد ،
آيلر بزه هپ محرم اولدى !
آقشام نه كونشلى بر كيجه يدى ..
ايوه اوده ، ليل ماتم اولدى !
عالم بو كون اوچ يوز اللى ميليون
مظلومه يامان بر عالم اولدى :
چيكنه ندى حريم پاكى شرعك ،
ناموسه يابانجى محرم اولدى
بيننده اوتن چاكك سسندن
بيكلرجه مناره ابكم اولدى .
الله ايچون ، اى بنى معصوم ،
اسلامى براقمه بويله بيكس ،
آسلامى براقمه بويله مظلوم ...
۱۲ ربيع الاول ۱۳۳۱
محمد عاكف