وەرە هەنگامی سەبا چاوەکەم ئەی بادی سەبا
| وەرە هەنگامی سەبا چاوەکەم ئەی بادی سەبا | عەرزی سوڵتانی نیزامی بکە عالی‌نەسەبا |
| موددەتێکە لە هەموو لاوە نەویدم دەدەنێ | تۆ کە فەرمووتە فڵانی دەکەمە ئالی‌عەبا |
| شۆهرەت و شایعەیی خەلعەتت ئەی شەخسی بوزورگ | گوزەری کرد بە هەموو مەرکەزی کورد و عەڕەبا |
| چوومە نێو بەرزەخی ئەفکار و لە حیکمەت دەگەڕام | ئەسەری بۆ نییە ئەم وەعدەیە؟ یا لیلعەجەبا! |
| نەمدەزانی کە بینای وەعدە بە سێڵاوی خیلاف | مونهەدیم بوو وەکوو سەیلی عەرێم و باغی سەبا |
| بۆیە پێمخۆشە ئەگەر ئالی‌عەبا بم کە بڵێم | لە هەموو مەجمەعی ئەعیان و نەقیب و نوجەبا |
| بە بەیاناتی فەسیح و بە مەقالاتی بەلیغ | هذة خَلعةٌ مِن اكرم جدًّ و اباً |
| گوێ مەدێرە لە قسەی موفسید و ئەربابی غەرەز | موددەعی هەرچی بڵێ قاوتی وشکە و ڕەشەبا |
| بۆ عوبەید ئیبنی زیاد و شمری زولجەوشەن | مەسڵەحەت وایە عەبا و ئالی‌عەبا بێ بە هەبا |
| کتکە نەوتینە لە ئەم مەسلەکە دەس هەڵنەگرێ | شەرتە کلکی بگرم پێی بڵێم ئەی زووزەنەبا |
| لَعْنَهُ الله عَلَي الْمُفسِدِ فِي الإرْضِ كَمَا | لَعَنَ اللهُ عَلَي قَاتِلِ اَصْحابِ عَبَا |
|
This work is now in the public domain in Iran, because according to the Law for the Protection of Authors, Composers and Artists Rights (1970) its term of copyright has expired for one of the following reasons:
In the following cases works fall into the public domain after 30 years from the date of publication or public presentation (Article 16):
|
|