وەرن یاران تەماشا کەن چ شیرین نەوبەهارێکە

←

وەرن یاران تەماشا کەن چ شیرین نەوبەهارێکە (1965)
by مینە جاف

→

303976وەرن یاران تەماشا کەن چ شیرین نەوبەهارێکە1965مینە جاف

وەرن یاران تەماشا کەن چ شیرین نەوبەهارێکە	ئە هەر لایەک ئەچیت یا مێرگە یا خود لالەزارێکە
کەوایی تازەیان پۆشا چیا و هەرد و کۆسار	بە ڕەنگاو ڕەنگی لێی داوە عەجەب نەقش و نیگارێکە
چەمەن ڕازاوەتۆ ڕەنگین بە ڕەنگی لالە و نەرگس	نموونەی جەننەت و ڕێزوان لە گشت دەشت و دیارێکە
ڕەیاحین عەتری بەخشاوە لە عەتری غونچە و عەنبەر	نەسیمی سوبح گاهان تێ شەمیمی موشک بارێکە
چیا ئارایشی خۆی کرد بە سەد ڕەنگ ڕەنگی لێداوە	بە گوڵ چارشێوی داداوە ئەڵێی بووکی تیجارێکە
تەماشای عیشوە و نازی بەڕەزای پاڵی تاوێر کە	ئەلێی مەحبووبی تۆراوە لە سایەی بەرقەتارێکە
شنۆی ئەگریجەیی شەوبۆ لە بەینی لالە و نەرگس	مەڵێ نەمدیوە وەک زوڵفی پەشێوی دڵ فگارێکە
بە تاجی زیو و ئاڵتوونی لە مێرگی دڵ گوشا نەرگس	لەسەر ئاوڕەنگی زمڕووتی لە سیحرا شەهریارێکە
بە عەینی خاڵی سەرو کوڵمی دلارامە	لە جەرگی لالە ئەو خاڵەی کە ماوی و ئاودارێکە
گوڵاڵە چین بە چین سەف سەف لە دەشتا خەیمەیی داوە	بەنەوشە زەرد و سوور و شین عەجایب نەشئەدارێکە
لە هەر کوێ دۆڵ و شیوێ بێ ڕەنگاوڕەنگ نەقشی کریاوە	بەڵێ سەد گوڵشەنی جەننەت لە دەوری کۆهسارێکە
ئەچیتە سەیری هەر مێرگێ لە گوڵ ڕێی پێت نییە داینێیت	دەڵێی سەد دڵ ئەکا حەیران چ شیرین نە بەهارێکە
لە گوڵشەن دەنگی سەمتوور و سەدایی سازت پێناوە	لەسەر هەر سەروێ ئەڕوانی نەوای کۆکۆی هوزارێکە
دەچیتە سەیری گوڵ باغ و بە ڕەنگی ڕوومەتی دولبەر	دەشنێ و پرش ئەدا بولبول لە لایا نەغمەدارێکە
بەنەوشە و سونبول و نەسرین بە عیش و زوڵفیان بەخشە	بە عەینی پەرچەمی پەخش و پەشێوی چاو خومارێکە
ئەمانە مینە جاف گشتی بە ئەمری حەییی دادارە	بنازم قودرەت و جاهی کە وا پەروەردگارێکە

This work is first published in Iraq and is now in the public domain because its copyright protection has expired by virtue of the Law No. 3 of 1971 on Copyright, amended 2004 by Order No. 83, Amendment to the Copyright Law. The work meets one of the following criteria:

It is an anonymous work or pseudonymous work and 50 years have passed since the year of its publication
It is a work where the copyright holder is a legal entity or a work of applied art and 50 years have passed since the year of its publication
It is a photographic or cinematic work that is not compositive (artistic in nature) first published before 1 January 1999
It is work published in Iraq before 1 January 1954, and the author died before 1 January 1979
It is another kind of work, and 50 years have passed since the year of death of the author (or last-surviving author)
It is one of "collections of official documents, such as texts of international laws, regulations and agreements, judicial judgements and various official documents."
It is the work of a body corporate, public or private, published by January 1st, 1980 (Article 20, 1971 law).