واہ لا رہے بھائی بھابیاں بھی
واہ لا رہے بھائی بھابیاں بھی،
رانجھا اٹھ ہزاریوں دھایا اے
بھکھ ننگ نوں جھاک کے پندھ کرکے
راتیں وچ مسیت دے چھایا اے
ہتھ ونجھلی پکڑ کے رات ادھی
رانجھے مزا بھی خوب بنایا اے
رن مرد نہ پنڈ وچ رہیا کوئی
سبھا گرد مسیت دے آیا اے
وارث شاہ میاں پنڈ جھگڑیاں دی
پچھوں ملاں مسیت دا آیا ہے
|
This work was published before January 1, 1929, and is in the public domain worldwide because the author died at least 100 years ago. |