نیانا توڑ کے ڈھانڈڑی اُٹھ نٹھی
نیانا توڑ کے ڈھانڈڑی اُٹھ نٹھی
بھن دوہنی دُدّھ سب ڈوہلیا ای
گھت خیر ایس کٹک دے موہری نوں
جٹ اُٹھ کے روہ ہو بولیا ای
جِھرک بُھکھڑے دیس دا ایہہ جوگی
ایتھے دُند کیہ آن کے گھولیا ای
صورت جوگیاں دی اکھیں گُنڈیاں دیاں
داب کٹک دے تے جیو ڈولیا ای
جوگی اکھیاں کڈھ کے گھت تیوڑی
لے کے کھپّرا ہتھ وِچ تولیا ای
وارثؔ شاہ ہُن جنگ تحقیق ہویا
جمبو شاکنی دے اگے بولیا ای
|
This work was published before January 1, 1929, and is in the public domain worldwide because the author died at least 100 years ago. |