| حەتا تو دەور و دەرسان نەکی تەکرار و مەسرووف
|
د دونیایێ تو نابی نە مەشهوور و نە مەعرووف
|
| مَفاعلُن فَعُولُن مَفاعلُن فَعُولُن
|
چ خۆش وەزنە ببیتن هَزَج مَكفوف و مَحذوف
|
| ***
|
| خودێ ئەللاهە، قاسد رەسوولە ئەی خودێزان
|
خەلیفە چارن، هەم چار ئیمامن ئەی موسلمان
|
| ژ چاران یەک ئەبووبەکر، عومەر، عوسمانە، ئێدی
|
عەلییە، بێ تەکەللوف کو بوو خاتەم ژ بۆ وان
|
| دڤێتن تو بزانی ب دل ناڤێ ئیمامان
|
موحەممەد، مالک، ئەحمەد، ئەوێ دیترکە نوعمان
|
| مووبەششەر بوونە دەهـ کەس ژ ئەسحابان ب تەعیین
|
کو دێ بچنە بەهشتێ، خودێ مزگینی دا وان
|
| ژ ئەوول بووعوبەیدە دگەل هەر چار یاران
|
سەعید و سەعد و تەلحە، زوبەیر و عەبدوررەحمان
|
| ل مە فەرزە بزانن رەسوولێ خوە ب تەحقیق
|
ب مەولد هەم ب مەدفەن، بناسن دا و بابان
|
| د مەککە بوو ژ دایێ، مەدینە بوویە مەدفەن
|
وی عەبدوللاهـە والید، ئامینە والیدە بزان
|
| ژ دونیایێ کو چوویی عومر بوو شێست و سێ سال
|
ژ شێستان پێنجی و سێ بۆرین د مەککەهێ دان
|
| د چل سالان ریسالەت ژ بۆ وی هاتە خوارێ
|
د بیست و سێ د مایی، ژ بۆ نازل بوو قورئان
|
| جەمیعێ ئوممەتا وی ب لوتفا خوە ئیلاهی
|
ژ دونیایێ ڤەرێکی ب قورئان و ب ئیمان
|
| حەتا ئەو شەهـ، سوار بت وە گۆیا ئوممەتا خۆ
|
ژ مەیدانا حسابێ هلینت شوبهێ چۆگان
|
