نئی کیمی
| نئی کیمی یازار: محممد فوضولی |
ناله‌دن دیر نئی کیمی آوازه-يی عشقیم بولند (بلند)
ناله ترکین قیلمارام نئی تک کسیلسم بند- بند
قیل مدد ای بخت، یوخسا کام-ي ديل ممکن دئیيل
بویله کیم اول ديلروبا بی‌درد دیر من دردمند
داغ‌لاردیر اودلو کوکسوم‌دن قاراسی قوپمامیش
یا ثبات عشق ایچون اود اوزره بیر نئچه سيپند
آچیلیر کونلوم گهی کیم گئریه-يی تلخیم گوروب
آچار اول گول‌روخ تبسسوم بیرله لعل نوشخند
خاک راهیم‌دن منی قالدیرا بیلمز سایه تک
قیلسا گردون آفتابین هر شوعاعین بیر کمند
“جام-ي توت” دئییر ساقی گول‌چوهره، زاهيد ترک-ي جام
ای کونول فکر ائیله گور کیم، هانسی دیر توتماغا پند
ای ((فوضولی))، صورت فقرین قبول-ي دوست دور
هیچ درویشی، سنین تک گورمه‌دیم سولطان پسند