مل اس پری سے کیا کیا ہوا دل
مل اس پری سے کیا کیا ہوا دل
شیدا ہوا دل رسوا ہوا دل
برق تجلی دیکھ اس نگہ کی
جوں طور جل کر سرما ہوا دل
اس سنگ دل کی مے خوار گی سے
خون جگر میں مینا ہوا دل
ہیں منقسم یہ خوں بار آنکھیں
جن کی بدولت دریا ہوا دل
جوش جنوں سے عشق بتاں میں
سینا ہوا کوہ صحرا ہوا دل
سوزاں ہے از بس داغ محبت
اک اک کا سا شعلہ ہوا دل
یوں ہی محبؔ تھی خواہش خدا کی
اب تو بتاں کا بندہ ہوا دل
|
This work was published before January 1, 1930, and is in the public domain worldwide because the author died at least 100 years ago. |