مسجد بیت العتیق آہی
مسجد بیت العتیق آہی
خانہ کعبیوں ڈول اتاریا نیں
گویا اْقصی دے نال دی بھین دوئی
شاید صندلی نور اساریا نیں
پڑھن فاضل درس درویش مفتی
خوب کڈھ الحان پرکاریا نیں
تعلیل میزان تے صرف بہائی
صرف میر بھی یاد پکاریا نیں
قاضی قطب تے کنز انواع باراں
مسعودیاں جلد سواریا نیں
خانی نال مجموعہ سلطانیاں دے
اتے حیرت الفقہ نواریا نیں
فتاوی برہنہ منظوم شاہاں
نال زبدیاں حفظ قراریا نیں
معارج النبوت خلاصیاں توں
روضہ نال اخلاص پساریا نیں
زرداریاں دے نال شرح مل
ا زنجانیاں نحو نتاریا نیں
کرن حفظ قرآن تفسیر دوراں،
غیر شرح نوں دریاں ماریا نیں
|
This work was published before January 1, 1929, and is in the public domain worldwide because the author died at least 100 years ago. |