قوربان چەم چەمش وە تۆ نە کەفتەن
Jump to navigation
Jump to search
| قوربان چەم چەمش وە تۆ نەکەفتەن | بەڵام نەو ساوە نامت شنەفتەن |
| ئارەزووی وە گەرم دیدار تۆشەن | پەی فەردای خدمەت نەزرولفتۆشەن |
| تا ئێستە چەند جار تەدبیرش کەردەن | تەقدیر ڕیشەی ئەو جە بێخ ئاوەردەن |
| بەند وە ئیحرام بەند کەعبەی حزوورەن | ڕا نمەزانۆ بەڵەد زەروورەن |
| مەواچان هیممەت پەی بەڵەد خاسەن | ڕاسشان فەرمان، ئەڵبەت هەر پاسەن |
| هیممەت تا سەر بۆ چەم بەیۆ وە لات | سەر سەربڵند بۆ، چەم وە خاک پات |
| ئەر سەد واوەیلان هیجران باڵات | مەینەتەن دووری تۆزەکەی پاڵات |
| بەڵام چون کەردەی گەردش چەپگەرد | گەردەلوول چەرخ هیجرانت هۆر کەرد |
| ڕەزام وە تەقدیر، دڵ دام وە ڕەزات | تەن کەردم سپەر تیرەکەی قەزات |
| ویەردەن فەسڵ وەسڵەکەی جاران | ئاما و لواکەی سەبا و ئێواران |
| ئێستە پێچ وەردەم چون مار کوشتە | مەقرچوو وێنەی دانەی بریشتە |
| سەڕسەڕ هیجران هۆر کەردەن پەی دڵ | هەر تۆزم بەردەن مەنزڵ وە مەنزڵ |
| جە دووری باڵات ناڵە ناڵەمەن | ئاما و ناماکەم ئەڵڵاو ئاڵەمەن |
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse