غم‌دن اولدوم دئمه‌دیم حال-ی دیل-ی زار سنه
| غم‌دن اولدوم دئمه‌دیم حال-ی دیل-ی زار سنه یازار: محممد فوضولی |
غم‌دن اولدوم دئمه‌دیم حال-ی دیل-ی زار سنه
ای گول-ی تازه روا گورمه‌دیم آزار سنه
ایچ مئی-ی ناب که باغریندان ائدر جومله کاباب
آتش-ی عشق ایله عوششاق جیگرخوار سنه
مئی گول‌گوندا دگل نرگیس-ی مستین عکسی
قدح اولموش گوز آچیپ عاشیقی دیدار سنه
عاریضین گول-گول ائدیب‌دیر مئی گول‌گون تابی
وه که بیر گول‌دن آچیلمیش نئچه گول‌زار سنه
باغه سئیرائد بو روخ-ی لعل ایله کیم غونچه و گول
گوستره خون-ی دیل و دیده-یی خون‌بار سنه
دئرایدیم قامتینه سرو ولی اوزگه ایمیش
حرکات و روش و شیوه و رفتار سنه
ائیله‌ییب طرف-ی بنا گوشینه درد-ی دیلیمی
یا او طاقین دییه یا طوره-یی دستار سنه
من گیریفتارینم و فتنه‌دن اولمان آزاد
هیچ کیم اولماسین ای شوخ گیریفتار سنه
لعل-ی نابین هوسی باغریمی قان ائیله دیگین
آه کیم قان‌لی یاشیم قیلمادی ایظهار سنه
ای فوضولی فلگین وار سنینله نظری
کیم غم و محنتینی وئردی نه کیم وار سنه