غروبده ياغمور
| غروبده ياغمور محرری: خالد فخرى |
بينه بر كيزلى دعا آلچاليور كوكلردن..
كيرهميتلر، بورولر چينقولراوستونده اوتهن
بو ترنملهمى هيهات٬ كونول، دردك اويور!
بو ترنم، بو الَهى ياغمور
صيزلايان قلب دوكهر صانما تسليسندن..
او تسلى نه اوزاق شيمدى سنك يأسكدن،
او تسلى او حضور!
ياغمور! . ياغمور!
اى اميد، آغﻻيارق ظلمته اين!
اى كونول، سن يىنه بيهوده اميدلهنمشسك؟
كوم بو صولغون يوزى كوم ظلمتكه!
ياغمورك نغمهسى شعر اولساده بوندن سكا نه؟
بو ترنم،
بو صدا هالهسى بوكلوم بوكلوم،
بو سمادن دوكولهن كيزلى نياز،
نه قادار صارساده بوشلقلرى... هجران صارماز.
يينه ياغمور... يينه خوليا كبى صوكسز ياغمور...
بو ترنملهمى صاندكدى، كوكل، دردك اويور!
بولانيق كوزلرى سيسلرده نهايت يومولوب،
بو ترنمله اويور صاده برآزدن شو غروب!
سكا موعور اوﻻن آنجاق بو سمانك غميدر٬
بو حزين قيش كوننك آقشاميدر!.
خالد فخرى