شێت و شەیدایی بتێکە، دڵەکەی پڕ لە خەیاڵ (II)
| شێت و شەیدایی بتێکە، دڵەکەی پڕ لە خەیاڵ | لە دووسەد وەعدە یەکێکی؛ کە وەفای بووبێ، محاڵ |
| ساحیرە، شێوەزەنە، چیهرەنما، جیلوەگەرە | بێ وەفا، پڕ لە جەفا، شەرت و بەقا و عەهدی بەتاڵ |
| دڵبەرە، شۆخ و گوڵئەندامە، بەناز و بەجەفا | شوهرەیی ئەنجوومەنە و فیتنەیی جان؛ ئافەتی ماڵ |
| ساقی و بادەخور و ڕەند و خۆش ئاواز و حەریف | سادەیە، موغ بەچەیە، سەروو قەد و ماهـ جەماڵ |
| موومیان تەنگ، دەهان تاق، جیهان جووت پەری | دین کڕ و نازفرۆش و جەرگبڕ و عەقڵ زەواڵ |
| سیم تەن، سێب زەقەن، غونچە دەهەن، جەبهە کەمەن | ماهـ ڕوو، سیلسیلە موو، شیفتە خوو، پڕ خەت و خاڵ |
| زاهید و ناسخی تەقوا، شەڕی تاعەت، سەری کوفر | دزی دین، ساریقی دڵ، کەسری زەکا، نەقسی کەماڵ |
| سەنەمی زوڵف بەخەم، عیشقی ستەم، فیرقەتی سەم | دەم عەدەم، قوربی عەلەم، هیجری ئەلەم، وەسڵی محاڵ |
| کەبک خەت، باز ڕەوش، سەقەر سەدا، پەنجە عوقاب | چاو مەراڵ، ئاسک نیگەه، شێرفکەن، سمت غەزال |
| دەگەڵ ئەو یارە هەموو شەو، بە ئەدەب عەیش و نەشات | ڕادەبوورد؛ چۆن؟ بەشەراب و نەی و غەوغا و قەوال |
| دوێ شەوێ، تەوسەنی خەوی: سەرکەشیی کرد و نەهات | باری خەم کۆبووەوە لەو دەشتە، بەلنگە و بەجەواڵ |
|
This work is now in the public domain in Iran, because according to the Law for the Protection of Authors, Composers and Artists Rights (1970) its term of copyright has expired for one of the following reasons:
In the following cases works fall into the public domain after 30 years from the date of publication or public presentation (Article 16):
|
|