شاھ جو رسالو/I
داستان پهريون
بيت - 1
اَوَّلِ اَللهۡ عَلِيمُ اَعلى عَالَمَ جوۡ دھَٺِي
قَادِرۡ پَنھِنْ جٖي قُدْرَتَ سٖين قَائِمُ آھِ قَدِيمُ
وَالِي وَاحِدُ وَحْدُہُ رَازِقُ رَبُّ رَحِيمُ
سوْ سَارَاھِ سَچو دھَٺي چَئِي حَمْدُ حَکِيمُ
کَرٖي پاں﮽َ کَرِيمُ جوْڙُون جوْڙَ جَھَانَ جِي.
بيت - 2
وَحْدُہُ لَا شَرِيکَ لَهُ جَان تهوْ چَئٖين اِينيءَ
تَان مَنْڄِ مُحَمّدُ کَارَٺِي نِرْتوْن مَنْجَهان نِينْھَہ
سوْ تْون وَنڄوْ کِينيءَ نَائٖين کَندهُہ ٻِئَنِ کٖهي.
بيت - 3
وَحْدُہُ لَا شَرِيکَ لَهُ جَڎِھِن چَيوْ جَنِ
تَنِ مَنْڄوْ مُحَمّدُ کَارَٺِي ھٖيجَان سَاں﮽ُ ھِنئَنِ
تڎِھِن مَنْجَهان اُنِ اَوَتَڙِ کَنھِن نَہ اوْلِيوْ.
بيت - 4
وَحْدُہُ لَا شَرِيکَ لَهُ جَنِ اُتوْ سَان اِيمَانَ
تَنِ مَنْڄوْ مُحَمّدُ کَارَٺِي دِلِيَان سَاں﮽ُ لِسَانَ
سٖي فَائِقَ مٖين فَرْمَانَ اَوَتَڙِ کَنھِن نَہ اوْلِيَا.
بيت - 5
اَوَتَڙِ کَنْھِن نَہ اوْلِيَا سُتَڙِ وِيَا سَالِمَ
ھٖيکَائِين ھٖيکُ تهيَا اَحَدَ سٖين عَالِمَ
بٖي بَھَا ظَالِمَ آگٖي کَيَا اڰَھِين.
بيت - 6
آڰٖي کَيَا اڰَھِين نِسوْهِروْئِي نُورُ
لَا خَوفُ عَلَيْھِمْ وَلَا ھُمْ يَحْزَنُونُ سَچَنِ کوْنٖهي سُورُ
مَولٖيَ کِيوْ مَعْمُورُ اَنگُ اَزَلَ مٖين اُنِ جٖي.
بيت - 7
وَحْدُہُءَ جٖي وڐهِيَا اِلَا اَللهَ سٖين اوْرِينِ
ھنئوْن حَقِيقَتَ کَڎِئوْ طَرِيقَتَ توْرِينِ
مَعْرِفَتَ جٖي مَاٿهِہ سٖين ڎٖيسَانڌَرُ ڎوْرِينِ
سُکهِہ نَہ سُتَا کڎِھِين وٖيھِي نَہ ووْڙِينِ
کَلھَنِئَان کوْرِين عَاشِقَ عَبْدُ اللطِيفُ چَئٖي.
بيت - 8
وَحْدُہُءَ جٖي وڐهِيَا اِلَا اَللهَ اَدهَہ کِيَا
مُحَمّدُ رَسُولُ اَللهِ چَئِي مُسَلْمَانَ تهِيَا
عَاشِقَ عَبْدُاللطِيفُ چَئٖي اِنْهِي پَھَہ پِيَا
تٖيلَان دهَٺيَ دهُئَا جٖيلَان وِيَا وَحْدَتَ گڎِجِي.
بيت - 9
وَحْدُہُءَ جٖي وڐهِيَا کِيَا اِلَا اَللهَ ٻَہ اَدهَہ
سٖي دهَڙَ پَسِي سَدهَہ کَنھِن اَبهَاڰٖي نَہ تهِئٖي.
بيت - 10
وَحْدُہُ لَا شَرِيکَ لَهُ ٻُدھُئِي نَہ ٻوْڙَا
کِي توْ کَنٖين نَہ سُئَا جٖي گهَتَ اَنْدَرِ گهوْڙَا
ڰاڙِيندٖين ڰوْڙهَا جِتِ سَاکهِي تهِيندَءِ سَامُهَان.
بيت - 11
وَحْدُہُ لَا شَرِيکَ لَهُ اِھوْ وِھَائِجِ وِييءُ
کهَٿٖين جٖي ھَارَائٖين تَہ ھَندهُہ تُنْھِين جوْ ھِييءُ
پَاٺَان چَوَندُءِ پييءُ بهَرٖي جَامُ جَنَّتَ جوْ.
بيت - 12
سِرُ ڐھْونْڐھِيَان دھَڙُ نُہ لَھَان دھَڙُ ڐھْونْڐھِيَان سِرُ نَاھِہ
ھَتهَہ کَرَايُون آنڱُرِيُون وِيَا کَپِجِي کَاھِہ
وَحْدَتَ جٖي وِھَانيِء جٖي وِيَا سٖي وَڐهِيَا.
بيت - 14
عَاشِقُ چَئُو مَ اُنَ کهٖي مَ کٖي چَئُو مَعْشُوقُ
خَالِقُ چَئُو مَ خَامَ تُون مَ کٖي چَئُو مَخْلُوقُ
سَمجهِجِ سوْ سُلُوکُ جوْ نَاقِصَائِيَ نِنڱِئوْ.
بيت - 15
وَحْدَتَان کَثْرَتَ تهِي کَثْرَتَ وَحْدَتَ کُلُ
حَقُ حَقِيقِي ھٖيکَڙوْ ٻَوْليَ ٻِيَ مَ بهُلُ
ھوْھُلَاچوْ ھُلُ باللهِ سَندوْ سَڄٺٖين.
بيت - 17
پَاٺَهِين جَلَّ جَلَالَهُ پَاٺَهِين جَانِ جَمَالُ
پَاٺَهِين صُورَتَ پِرَ جِي پَاٺَهِين حُسُن کَمَالُ
پَاٺَهِين پِيرُ مُرِيدُ تھئٖي پَاٺَهِين پَاں﮽َ خَيَالُ
سوْ سَبهوْئِي حَالُ مَنْجهَائِنِ مَعْلُومُ تهِئٖي.
بيت - 18
پَاٺَھِين سُنڄَاٺٖي پَاں﮽ُ پَاں﮽َ کَرَ پَاں﮽ُ لَھٖ
پَاٺَھِين پَسٖي پَاں﮽َ کهٖي پَاٺَھِين ھِيُ مَحبُوبُ
پَاٺَھِين خَلْقٖي خُوبُ پَاٺَھِين طَالِبُ تَنْ جوۡ.
بيت - 19
سوۡ ھِيُ سوۡ ھُو سوۡ اَجَلُ سوۡ اللهُ
سوۡ پرِين سوۡ پَسَاهُ سوۡ وٖيرِي سوۡ وَاھَر
بيت - 22
پَڙَاڎوۡ سوۡئِي سَڎُ وَرُ وَائِيَ جٖي لَھِين
ھُوَا اَڰَھِين کَڎُ پَرَ ٻُنْدهَر مِين ٻَہ تهِيَا
بيت - 23
اٖيکَ قَصَرِ دَرَ لَکهَہ سَھَسٖير کَٺِسِ ڰِٺِکهِيۡون
جٖيڎَان کَرْيَان پَرْکهَہ تٖيڎان سائِين سَامُهُون.
بيت - 24
کوْڙٖين کَايَائُون تَنْھِن جُونْ لکهَنِ لَکهَہ ھَزَارَ
جِييءُ سَبهَہ کَنھِن جِييءَ سيٖن دَرْسَنُ دهَاروْدھَارَ
پرِيمِ تُنْھِن جَا پَارَ کِھَڙَا چَئِي کِينيءَ چَوَان
وائي
سَبهَہ سَبهَکَا پِرَ جوۡ پُچهٖي
نِينْهَہ نٖيٺٖين کَٺڰالِ ووۡ
جَا چِتَايَمِ چِتَ مٖين سَڄَں﮽ُ سَا تھوۡ ٻُجهٖي
نِينْهَہ نٖيٺٖين کَٺڰالِ ووۡ
لَاتِ جَا لَطِيفَ جِي سَڎِ تَان جٖي سُڄٖي
نِينْهَہ نٖيٺٖين کَٺڰالِ ووۡ
داستان ٻيو
بيت - 1
اَگهِي اَگهَائِي رَنْجُ پرِيَنِ کھٖي رَسِئوۡ
چَکهِيَمِ چَنْڱَائِي سُورَن جٖي سُورِيَ تَان
بيت - 2
اَندھَا اُوندھَا وٖيڄَ کهَلَ چهَا لَيءِ کهَائِينِ
اَسَان ڎُکهَنْدوۡ ڎِيلَ مٖين تُون پِيَارٖين پٖيڄَ
سُورِي جَنهِين سٖيڄَ مَرَں﮽ُ تَنِ مُشَاھَدوۡ
بيت - 3
سُورِيَ سَڎُ تهِئَو کَا ھَلَندِي جٖيڎِيُون
وَنڄَں﮽ُ تَنِ پِئَوۡ نَالوۡ نِينْھَ ڰِنْهَنِ جٖي.
بيت - 4
سُورِي سَڎُ کَرٖي اُبهِي عَاشِقَنِ کهٖي
جٖي اَتهِي سَدهَہ پَسَں﮽َ مٖين تَہ کھَں﮽ُ مَ پٖيرَ پَرٖي
سِسِي دھَارَ دھَرٖي پُچهِجِ پوۡءِ پريتَٺُوۡ
بيت - 5
سُورِي آھٖي سِينْگَارُ اَصُلُ عَاشِقَنِ کهٖي
مَرَنِ مَوٽَں﮽ُ مينْھِٺوۡ تهِيَا نِظَارٖي نِرْوَارُ
کُسَں﮽ُ جوۡ قَرَارُ اَصُلۡ عَاشِقَنِ جوۡ
بيت - 6
سُورِي سِينگَارٖي اَصُلُ عَاشِقَنِ کهٖي
لُڎِيَا کِي نَہ لَطِيفُ چَئٖي تهِيَا نٖيزٖي نِظَارٖي
کوۡٿهٖي قِنَّارٖي آئِيوۡ چَاڙهٖي اُنِ کھٖي
بيت - 7
سُورِيَ مَتهٖي سيٖں﮽َ کِھَڙٖي لٖيکهٖي سَنِرَا
جٖيلَهنْ لَڰَنِ نٖيں﮽َ تَہ سوۡرِئَانئِي سٖيج تهِي
بيت - 8
سُورِيَ چَڙھَں﮽ُ سٖيجَ پَسَں﮽ُ اِييءُ کَمُ عَاشِقَنِ
پَاھُون کِي نَہ ڎِسَنَ سَاھُو ھَلَنِ سَامُھَان
بيت - 9
سُورِيَ تٖي سَنْوَارَ ڎيھَاڙِي چَنگِ چَڙھٖين
جٖي مَہ وِرۡچي چهڎٖين پَسَں﮽َ جي پَچَارَ
پِرْتِ نَہ پَسٖين پَارَ نِينْھُہ جِئَانئِي نِنگِئوۡ
بيت - 10
پِھِرٖين کَاتِي پَاءِ پُچهِجِ پوۡءِ پرِيتَٺوۡ
ڎُکهُہ پرِيَان جوۡ ڎِيلَ مٖين وَاڄَٿَ جِينيءَ وَڄَاءِ
سِيخُنِ مَانْھُہ پَچَاءِ جٖي نَالوۡ ڰِنْهٖين نِينْھَہ جوۡ
بيت - 11
کَاتِيَ کوۡنهٖي ڎوهُ ڰَنُ وَڐهِينْدَڙَ ھَتهَہ مٖين
پَسْيوۡ پَرِ عَجِيبَ جِي لِچْکِيوۡ وَنڄٖي لوۡھُ
عَاشِقَنِ اَنْدوۡھُ، سَدَا مَعْشُوقَنِ جوۡ
بيت - 12
کَاتِي تِکهِي مَ تِهئٖي مَرُ مُنيَائِي ھوۡءِ
مَانَ وِرْمَنِ توۡءِ مُون پرِيَان جَا ھَتهَڙَا
بيت - 13
کَاتِي جَا قَرِيبَ جِي سَا ھَڎُ چِيرٖي لِنڱُ
عَاشِقَنِ پَنْھِن جوۡ اَنْڱُ لِلهِ کَارَں﮽ِ وڐهِيوۡ
بيت - 14
جٖي تُون پَسَں﮽َ سِکِيوۡ تَہ کَاتِي مَ کَنْجهُہ
سَپٖيرِيَان جٖي سُورَ جوۡ مَاڙهُنِ ڎِجٖي نَہ مَنْجهُہ
اَنْدَرِ اِيیءُ اَھَنْجُ سَانڐهِجِ سُکهَائُون کَرٖي
بيت - 15
جٖي وَڐهِيوۡ ھُئٖين تَان وٖيھُہ نَا تَہ وَٿهِيوۡ وَاٿَ وَؤُن تُون
ھٖي تَنْهِين جوۡ ڎٖيھُہ کَاتِي جَنْھِين جٖي ھَتهَہ مٖين
بيت - 16
کَاتِي جَنِ ڰَرٖي مُون لَنؤُن لَڰِي تَنِ سَان
مُحَّبَتَ جٖي مَيْدَانَ مٖين وَنڄَان پٖيرَ بهَرٖي
اَڎِيَ سِرُ دهَرٖي مَانَ کُهَنِئُون سُپِرِين
بيت - 17
اَڰِيَان اَڎِنِ وَٿِ پوۡيَنِ سِرَ سَنْبَاھِيَا
کَاٿَ تَہ پَوٖين قَبُولُ مٖين مَچهَں﮽ُ پَوٖيئي کهَٿِ
مَتها مُنھَائِن جَا پِيَا نَہ ڎِسٖين پَٿِ
کَلَالِکٖي ھَٿِ کُسَں﮽َ جوۡ کوۡپُ وَھٖي
بيت - 18
جٖي اَتهِي سِکَ سُرْکَ جِي تَہ وَؤُن کَلَالِکٖي کهَاٿٖي
لَاھٖي رَکهُہ لَطِيفُ چَئٖي مَتهوۡ وَٿِ مَاٿٖي
تکَ ڎٖيئِي پِکَ پِيیءُ تُون مَنْجهَان گهوۡٿَ گهَاٿٖي
جوۡ وَرِنَهَہ وِھَاٿٖي سوۡ سَروۡ سِرَ وَٿِ سَھَانگوۡ
بيت - 19
جٖي اَتهِي سِکَ سُرْکَ جِي تَہ وَؤُن کَلَالِکٖي گهَرِ
وَڐهِں﮽ُ چِيِرِں﮽ُ چِچِرِں﮽ُ پَھَتِ اُنهِين جِي پَرِ
جٖي وَٿِي پَوٖيئِي وَرِ تَہ سَوْکهِي آھٖي سَيِّدُ چَوٖي
بيت - 20
جٖي اَتهِي سِکَ سُرْکَ جِي تَہ وَؤُن کَلَالِکٖي ھَٿِ
لَاھٖي رَکهُہ لَطِيفُ چَئٖي مَتهوۡ مَاٿٖي وَٿِ
سِرُ ڎٖيئِي مٖين سَٿِ پِيجِ کٖي پِيَالِيُون
بيت - 21
جٖي اَتهِي سِکَ سُرْکَ جِي تَہ وَؤُن کَلَالِکٖي کُوءِ
مَھٖيسَرَ جٖي مَنْدَ جِي ھُتِ ھَڎِھِين ھُوءِ
جَان رَمْزَ پَرُوڙِيَمِ رُوءِ تَان سِرَ وَٿِ سُرْکِي سَکُٺِي
بيت - 22
نَاٺٖي نَاھِہ کَکُوھُہ کٖي مُلهِہ مَھَانگوۡ مَندُ
سَنْبَاھِجِ سَيِّدُ چَوٖي تُون کَاٿِں﮽َ کَارَں﮽ِ کَنْدهُہ
ھِيیءُ تَنھِين جوۡ ھَنْدهُہ مَٿَنِ وَٿِ مَرَنِ جٖي
بيت - 23
عَاشِقَ زَھَرَ پِيَاکَ وِھُہ پَسْيوۡ وِھِسَنِ گهَٺوۡ
کَڙٖي ۽ قَاتِلَ جَا ھَمٖيشَهْ ھٖيرَاکَ
لَڰَنَ لَنئُون لَطِيفُ چَئٖي فَنَا کِيَا فِرَاقَ
توۡڙٖي چِکَننَ چَاکَ تَہ بهِي آھَہ نَہ سَلِنِ عَامَ کهٖي
بيت - 24
مَہ کَرِ سَدهَہ سَرٖي جِي جوۡ تُون ٿَارٖين ٿرُوھُہ
پِيتٖي جَنْھِين پَاسٖي تهئٖي مَنْجهَان رَڰُنِ رُوحُ
کَاٿٖي چَکهُہ کَکُوھُہ لَاھٖي سِرُ لَطِيفُ چَئٖي
بيت - 25
سَدهِڙِيَا سَرٖي جُون کُهُہ پَچَارُون کَنِ
جٖي کَاتَ کَلَالَنِ کَڐهِيَا تَہ موۡٿِيوۡ پوۡءِ وَنڄَنِ
پِکُون سٖي پِئَنِ سِرَ جَنْھِين جَا سَٿِ مٖين
بيت - 26
سِرَ جُدَا دَهَڙَ دهَارَ دوۡڰَ جَنْھِين جَا دٖيڰ مٖين
سٖي مَرُ کَنِ پَچَارَ ھَکِيَا جَنِ جٖي ھَتهَہ مٖين
بيت - 27
دٖيڰٖين دوۡڰَ کَڙهَنِ جِتِ کُنٖين کَٺِکوۡ نَہ لَھٖي
تِتٖي طَبِيبَنِ چَاکَ چِکَنْدَائِي چهَڎِيَا
بيت - 28
سِسِي سٖي گهُرَنِ جٖي وَاٿِينْدَڙَ وِچ مٖين
اُو کِي پُچهَنِ سَروۡ جَنْھِين سَنْبَاھِيوۡ
بيت - 29
اَصُلُ عَاشِقَ پَانْھِن جِي سِسِي نَہ سَانڐهِينِ
لَاھِيوۡ سِرُ لَطِيفُ چَئٖي سَاھُہ سَلهَاڙِيوۡ ڎِينِ
کُلهَنِئَان کَاٿِينِ عَاشِقَ عَبْدُ الَّطِيفُ چَئٖي
بيت - 30
اَصُلُ عَاشِقَانِ جوۡ سِرُ نَہ سَانڍهِں﮽ُ کَمُ
سَوَ سِسِنِئَان اَڰِروۡ سَندوۡ دوۡسَان دَمُ
ھِيیءُ ھَڎوۡ چَمُ پِکَ پرِيَانْ جٖي نَہ پَڙٖي
بيت - 31
جٖي مَتهٖي وَٿِ مِڙَنِ تَہ سَبهَہ کَنْھِين سَدهَہ تهِئٖي
سِرَ ڎِنٖي سَٿَ جُڙِي تَہ عَاشِقَ اِينئَی اَچَنِ
ڰوۡلِيَا کِي نَہ لَبهَنِ مُلهِہ مَھَانگَا سُپِرِين
بيت - 32
مُلهِہ مَھَانگوۡ قَطَروۡ سِکَں﮽ُ شَھَادَتَ
اَسَان عِبَادَتَ آھِہ نَظُرَ نَازُ پرِيَنِ جوۡ
وائي
مُنْدَ پِئَنْدٖي مُون سَاجَنُ صَحِي سُنڄَاتوۡ
پِي پِيَالوۡ عِشْقَ جوۡ سَبهۡکِي سَمُجهوۡسُون
سَاجَنُ صَحِي سُنڄَاتوۡ
پرِيَانْ سَنْدٖي پَارَ جِي اَنْدَرِ آڰِ اَتهُون
سَاجَنُ صَحِي سُنڄَاتوۡ
جِئَنۡ نَاھٖي جَڰَ مٖين ڎِينْھَہ مِڙٖيئِي ڎُون
سَاجَنُ صَحِي سُنڄَاتوۡ
اَلَا عَبْدُاَلَّطِيفُ چَوٖي آھٖين تُونْھِين تُون
سَاجَنُ صَحِي سُنڄَاتوۡ
داستان ٽيون
بيت - 1
اُتهَارٖي اُتهي وِئا مَنْجهَان مَنَ آزَارَ
حَبِيبَئِي ھَٺِي وِئَا پِيڙَا جِي پَچَارَ
طَبِيبَنِ تَنْوَارَ ھَڎِ نَہ وَٺٖي ھَاں﮽ِ مُون
بيت - 2
ھَڎِ نَہ وَٺٖي ھَاں﮽ِ مُون وٖيڄَنِ جوۡ وِصَالُ
ھِنَ مُنْھِن جٖي حَالَ حَبِيبُئِي ھَادِي تهِئوۡ
بيت - 3
حَبِيبُئِي ھَادِي تهِئوۡ رَھَنُمَا رَاحَتَ
پِيڙَا نِئَانئِي پَاں﮽َ سَان لَائٖي ڎٖيئِي لَتَ
سُپٖيرِيَان صِحَّتَ ڎِنِي مَنْجهَان ڎُکهَندٖي
بيت - 4
اُھوۡ ڎُکهَندوۡ ڎُورِ تهِئٖي ھَادِي جَنْھِن حَبيبُ
تِرُ تَفَاوَتُ نَہ کَرٖي تَنْھِن کهٖي کوۡ طَبِيبُ
رَھَنُمَا رَقِيبُ سَاتهَرِ آھٖي سُپِرِين
بيت - 5
سَاتهَر صِحَتَ سُپِرِين آھٖي نَہ آزَارُ
مَجْلِسَ وٖيرَ مِتهوۡ تهِئٖي کوۡٿهِينْدٖي قَھَارُ
خَنْجَرُ تَنْھِن خُوبُ ھَٺٖي جَنْھِن جوۡ تهِئٖي يَارُ
صَاحِبُ رَبُّ سَتَارُ سوۡجهٖي رَڰُون سَاھَہ جُون
بيت - 6
رَڰُون تهِئُون رَبَابُ وَڄَنِ وٖيلهَہ سَبهَہ کَنْھين
لُچهَں﮽ُ کُچهَں﮽ُ نَہ تهِئٖي جَانِبَ رٖي جَبَابُ
سوۡئِي سَنْدهِينْدُمِ سُپِرِين کِيُسِ جَنْھِن کَبَابُ
سوۡئِي عَيْنُ عَذَابُ سوۡئِي رَاحَتَ رُوحَ جِي
بيت - 7
سوۡئِي رَاھِہ رَنْدُ کَرٖي سوۡئِي رَھَنُمَا
وَتُعِزُّ مَنْ تَشَاءُ وَتُذِلُّ مَنْ تَشَاءُ اِيئُی پَرُوڙِجِ پَنْدهُہ
صَاحِبُ رَبُّ صَمَدُ سَھِئوۡ جَاٺِجِ سَاھَہ سَان
بيت - 8
پَرِ مٖين پَچهَائُون عِشْقَ جٖي اَسْبَابَ کهٖي
دَارُون ھِنَ دَرْدَ جوۡ ڎَاڐهوۡ ڎَسْيَائُون
آخِرِ وَالْعَصَرِ جوۡ اِيئٖين اُتَائُون
تَنْھَان پوۡءِ آنئُون سِکَان تهِي سَلَامَ کهٖي
بيت - 9
چٖي سِکِين چهوۡ سَلَامَ لَئِ کَرٖين چهوۡ نَہ سَلَامُ
ٻِئَا دَرَ تَنِ حَرَامُ ھِيیءُ دَرُ جَنْھِين دٖيکهِئوۡ
بيت - 10
مِٿهَائِاَن مِٿهوۡ گهَٺوۡ کَڙوۡ نَاھِہ کَلَامُ
سُکُوتِي سَلَامُ پرِيَانْ سَنْدٖي پَارَ جوۡ
بيت - 11
پرِيَانْ سَنْدٖي پَارَ جِي مِڙٖي مِٿهَائِي
کَانهٖي کَڙَائِي چَکهٖين جٖي چٖيٿهَہ کَرٖي
بيت - 12
ڄَاٺٖي ٻُجهِي جَنِ توۡ سٖين سُورَنِ سَنڄَ کٖي
تُون کِينئَی سَنْدِيُون تَنِ پَرَ سٖين پَچَارُون کَرٖين
بيت - 13
توُ تَنْھِين جِي تَاتِ تَنِ پُں﮽ُ آھٖي تُنْھِن جِي
فَاذْکُرُونِي اَذْکُرُکُمْ اِيَ پَرُوڙِجِ بَاتِ
ھَتهِہ کَاتِي ڰُڙُ وَاتِ پُچهَنِ پَرِ پرِيَنِ جِي
بيت - 14
حَبِيبَنِ ھٖيکَارَ مَنْجهَان مِھِرَ سَڎُ کِئوۡ
سوۡ مُون سَبهَہ ڄَمَارَ اوۡرِں﮽ُ اُھوۡئِي تهِئوۡ
بيت - 15
پَاٻُوھٖي ھٖيکَارَ مُونھَان پُچهوۡ سَڄَٺٖين
اَلَسْتُ بِرَبِّکُمْ چَيَائُون جَنْھِن وَارَ
سَنْدِي سُورَ کِنَارَ تَنَ تَڎَانکُون نَہ لَھٖي
بيت - 16
پَاٻُوھِئوۡ پُچهَنِ کِتهٖي ھَٿُ حَبِيبَ جوۡ
نِيزٖي ھٖيٿهَان نِينْھَہ جٖي پَاسٖي پَاں﮽ُ نَہ کن
عاشِقَ اَجَلَ سَامُھَان اُوچٖي گهَاٿِ اَچَنِ
کُسَں﮽ُ قُرِبُ جَنِ مَرَں﮽ُ تَنِ مُشَاھِدوۡ
بيت - 17
کوۡتهٖي کُھٖي سُپِرِين کوۡتهٖي کُھَں﮽َ ساں﮽ُ
نٖيزٖي ھٖيٿهَان نِينْھَہ جٖي پَاسٖي کَرِ مَہ پَاں﮽ُ
ڄُلُ وِنڄَائٖي ڄَاں﮽ُ عَاشِقَ اَجَلَ سَامُھُون
بيت - 18
کوۡتهِں﮽ُ قَرِيبَنِ جوۡ عَيْنُ ٿرِڙَں﮽ُ آھِہ
ھِيَ اُلْٿِي ڰَالْهَڙِي سِکَ وَٺَنْدِي سَاھہ
آسِروۡ ھَڎِ مَہ لَاھِہ چهِنَں﮽ُ ڰَنْڐهِں﮽ُ اُنِ جوۡ
بيت - 19
کُھَنِ تَان گهَٺَگهُرَا جَان کَرَ لَھَنِ تَان کُھَنِ
سٖيئِي مَاءُ مُنھَنِ سٖيئِي رَاحَتَ رُوحَ جِي
بيت - 21
کُھٖي سوۡ کَرَ لَھٖي کوۡٿهٖي سوۡ قَرِيبُ
اِھَا عَادَتَ سِکهِيوۡ ھَرْ زَمَانِ حَبِيبُ
تِچهٖي سوۡ طَبِيبُ سوۡئِي رَاحَتَ رُوحَ جِي
بيت - 22
کُھَنِ ۽ کوٿھِنِ اِيَ پَرِ سَنْدِي سَڄَٺٖين
سُورِيَ چَاڙهِئوۡ سُپِرِين ڎَنْبهَہ ڎِھَاڙِي ڎِيَنِ
وٖيتهَا وِرِھَہ وَٿِينِ آءُ وَاڐهوۡڙِيَا وِھَانئَ تُون
وائي
تهِينْدوۡ تَنَ طَبِيبُ دَارُون مُنْھِن جٖي دَرْدَ جوۡ
ٻُکِي ڎِينْدُمِ ٻَاجهَہ جِي اَچِي شَالَ عَجِيبُ
دَارُون مُنْھِن جٖي دَرْدَ جوۡ:
پرِيَنِ اَچِي پَاں﮽َ کِئوۡ سَنْدوۡ غَوْرُ غَرِيبَ
دَارُون مُنْھِن جٖي دَرْدَ جوۡ
ڎُکهَنْدوۡ سَبهوۡئِي ڎُورِ کِئوۡ مَنْجهُون تَنَ طَبِيبَ
دَارُون مُنْھِن جٖي دَرْدَ جوۡ
اَدِيُون عَبْدُالَّطِيفُ چَوٖي ھَاتِفُ آھِہ حَبِيبُ
دَارُون مُنْھِن جٖي دَرْدَ جوۡ