سەدەی بیستەم

←

سەدەی بیستەم (1965)
by قانع

→

306776سەدەی بیستەم1965قانع

ئەم قەڕنە کە وا خەڵکی ئەڵێن قەڕنی ژیانە	دەورەی هونەر و یەکیەتی و بەرزیی گەلانە
زانین لە بروزدایە، نەزانین لە نەمانە	گۆیا بە درۆ ڕۆژی سەفا و سەیری جیهانە
وەڵڵاهی ئەڵێم ڕۆژی خەم و دەردی گرانە
بڕوانە: یەکێ مەستی مەی و ماتی خومارە	هێندێکیش ئەڵێی خیلقەتەکەی، میچی قومارە
هێندێ بە قەزاگێڕی سەری فلس و دینارە	هێندێ بە ڕەزالەت لە هەموو گێتی دیارە
هێندێکیش ئەڵێی جۆکەری دەورانی زەمانە
سەیری کە: یەکێ مەیلی لەسەر گایینی نێرە	یەک یەک بە پڕوپیرەژنی بێکەسە فێرە
یەک برسی و داماوە، یەکێ پۆشتە و تێرە	یەک دەوڵەمەنی گوونەکەری بێ دڵ و خێرە
ئەم جامیعە سەد ڕەنگە، ئەڵێی کانیی ژنانە
ئوستادی ئەدەب خۆی بە ئەبەد مەستی شەڕابە	بۆ پۆکەر و بۆ دانس، دڵ و جەرگی کەبابە
بۆ هووشە و فیشاڵ، عەجەب عالیجەنابە	شێخ و بەگ و میران و مەلا، پاکی خەرابە
دەک دەستی غەزەب هەڵگرێ ئەم دەور و دووکانە!
کوڕ بابی ئەسووتێنێ لەبۆ تاکە قەرانێ	بابیش کوڕی خۆی سەر ئەبڕێ بۆ لەتە نانێ
ئاغا وەکوو شێرە لەبۆ تاڵانی شوانێ	زانا بە دووسەد حیلە ئەفەوتێنێ نەزانێ
هەی خۆت وەکوو خۆت، چەرخی ستەمکاری زەمانە!
«نادی» کە بە قانوونی ئەدەب شوێنی پیاوە	جێگەی هونەر و فەلسەفە و عیلمی تەواوە
بڕوانە چلۆن ئێستە وەها زەنگی زڕاوە	مەیخانەیی مەخسووسە لە هەر لایێ کراوە
لەو جێگە چ هەرزانە شەرەف! «بیرە» گرانە
ئوستادی موعەللیم چ بڵێم ئیشی چلۆنە!؟	بێ خوێندن و زانینە، بە دەم وەک ئەدیسۆنە
ئەو خوێندنە ئەو خوێندی نە ئەحداس و نە کۆنە	عەتر و وەزەنی و ئاوێنە و سابوون و ڕۆنە
بڕوانە، ئەڵێی گەورەکچی خانی کچانە
مەللا کە لە لای دەردی ئەڵێن پیاوی خوایە	سەرمێزەری دینداری و شانی بە عەبایە
بۆ دەفعی خەم و خوسسە وەکیلی فوقەرایە	شەرعی نەبەوی هەر لە کن ئەو ڕێک و ڕەوایە
مێبازە، وەیا (...ە)، خەریک کردن و دانە
بڕوانە لە ئەحواڵی مودیرانی ئیداری	بۆ گرتنی بەرتیل وەکوو تانجی شکاری
دانیشتووی سەر مێز و، هەموو مەست و خوماری	سەر بۆز و زگ ئەستوور وەکوو ورچی نزاری
........ م.............................. نە

This work is first published in Iraq and is now in the public domain because its copyright protection has expired by virtue of the Law No. 3 of 1971 on Copyright, amended 2004 by Order No. 83, Amendment to the Copyright Law. The work meets one of the following criteria:

It is an anonymous work or pseudonymous work and 50 years have passed since the year of its publication
It is a work where the copyright holder is a legal entity or a work of applied art and 50 years have passed since the year of its publication
It is a photographic or cinematic work that is not compositive (artistic in nature) first published before 1 January 1999
It is work published in Iraq before 1 January 1954, and the author died before 1 January 1979
It is another kind of work, and 50 years have passed since the year of death of the author (or last-surviving author)
It is one of "collections of official documents, such as texts of international laws, regulations and agreements, judicial judgements and various official documents."
It is the work of a body corporate, public or private, published by January 1st, 1980 (Article 20, 1971 law).