سۆزی کوردستان

←

سۆزی کوردستان (1966)
by عوسمان عوزێری

→

303008سۆزی کوردستان1966عوسمان عوزێری

گوێ لەو بانگەوازە بگرن بانگتان ئەکا ئەی گەلی کورد لە ئێرانا...
ئەی نەتەوەی کاوەی نەبەز، ئەی ڕۆڵەکانی قازیی کورد لە ئێرانا...
ئەی ئەو جگەرسووتاوانەی خوێنتان ڕێژا بێ بەراورد
لە مەهابادی خوێنینا گەورە و بچووکتان لە خۆی بورد
لە پێناوی سەربەستییا هەزارانتان خۆی فیدا کرد، سەریان دانا
پاڵیان ئەنا بە ڕەوڕەوەی ژیانەوە بۆ پێشەوە
باکیان نەبوو لە زنجیر و بە ئەشکەنجە و ئەندێشەوە
لە پێناوی ئامانجەکەی کوردستانا بە ئێشەوە سەریان دانا
پێویستە ئێمەش بە ڕێگەی ئەواندا بڕۆین تا مردن
بۆ پاراستنی بەخت بین بە خوێن و سامان لە دوژمن
ژیان چییە گەر ڕایبوێرین بە زەلیلی و سەرشۆڕکردن
لە جیهانا؟..
موخابنە بتوێینەوە بۆ بەرژەوەندیی خەڵکی تر
هەوڵ نەدەین بۆ کوردستان بە دەروونێکی وەک ئاگر
ئەگەر دڵسۆز نەبین بۆ کورد حەیفە بژین ئێمە ئیتر لە جیهانا
گوێت لە ئاوازی دەروونی کوردستانی دایکمانە ئەناڵێنێ؟
گوێت لەو بانگەوازەیەتی چەن بە سۆز و پڕ گریانە پێمان ئەڵێ
«ئەی ڕۆڵەکانم یەک گرن، تێبکۆشن سەراپا گشت
وەکوو قەڵایەکی پۆڵا بۆ من و خۆتان ببنە پشت
چونکە ئێستاش هەناوە پارچەپارچەکەم کە خوێنی ڕشت ئەیدەڵێنێ»
ئەی کوردینە موخابنە ئەو زامانە تیمار نەکەین
شوورەیییە دەردەکانی دایکی دێرینمان چار نەکەین
تەماشا کەن زامەکانی چەن ناسۆرە بۆ وا بکەین هەر بمێنێ؟
ئەبێ ئاواتی دوا ڕۆژی ئێمەی کوردی دڵ پڕ بڕوا
یەکگرتنەوەی کوردستان بکەین بە بەرزترین هیوا
بۆی تێکۆشین بە تێکڕایی بە بڕوایەکی وەک پۆڵا هەر بمێنێ

1959/04/02
سلێمانی

This work is first published in Iraq and is now in the public domain because its copyright protection has expired by virtue of the Law No. 3 of 1971 on Copyright, amended 2004 by Order No. 83, Amendment to the Copyright Law. The work meets one of the following criteria:

It is an anonymous work or pseudonymous work and 50 years have passed since the year of its publication
It is a work where the copyright holder is a legal entity or a work of applied art and 50 years have passed since the year of its publication
It is a photographic or cinematic work that is not compositive (artistic in nature) first published before 1 January 1999
It is work published in Iraq before 1 January 1954, and the author died before 1 January 1979
It is another kind of work, and 50 years have passed since the year of death of the author (or last-surviving author)
It is one of "collections of official documents, such as texts of international laws, regulations and agreements, judicial judgements and various official documents."
It is the work of a body corporate, public or private, published by January 1st, 1980 (Article 20, 1971 law).