رل ہیر تھے آئیاں پھیر سبھے
رل ہیر تھے آئیاں پھیر سبھے
رانجھے یار تیرے سانوں گھلیا ای
سوٹا ونجھلی کمبلی سُٹ کے تے
چھڈ دیس پردیس نوں چلیا ای
جے توں انت اوہنوں پچھا دیونا سی
اُس دا کالجا کاسنوں سلیا ای
اساں ایتنی گل معلوم کیتی
تیرا نِکل ایمان ہُن چلیا ای
بے صدق ہوئی ایں صِدق ہاریوئی
تیرا صِدق ایمان ہُن ہلیا ای
اوہدا ویکھ کے حال احوال سارا
ساڈا روندیاں نِیر نہ ٹھلیا ای
ہائے ہائے مُٹھی پھرے نیک نیتی
اوہنوں سکھنا کاسنوں گھلیا ای
نِراس دِی راس لے عشق کولوں
سقلات دے بیاں نوں چلیا ای
وارثؔ حق دے تھوں جدوں حق کھُتھا
عرش رب دا تدوں تر تھلیا ای
|
This work was published before January 1, 1929, and is in the public domain worldwide because the author died at least 100 years ago. |