رسمى مراسمده كييله جك البسه و تفرعاتى حقنده تعليماتنامه
رسمى مراسمده كييله جك البسه و تفرعاتى حقنده تعليماتنامه
توركيه جمهوريتى داخلنده صنف عسكريه و حكام ايله ديانت ايشلرى رياستنه مربوط مأموريندن ماعدا كافۀ مأمورين وعلى الاطلاق سيويل ذوات رسمى بلعموم مراسمده آتيده كى طرزده كيينه جكلردر:
آ- كوندوز
۱ - بويوك مللت مجلسنك رئيس جمهور حضرتلرى طرفندن رسم كشادندن رئيس جمهور حضرلرينه اتباعاً بويوك مللت مجلسى رئيسى ، باش وكيل وهيئت وكيله اعضاسى ،
۲- جمهوريت بايرام كونى رئيس جمهور حضرتلرى طرفندن ياپيلاجق رسم قبوله و توركيه داخل و خارجنده حكومتى تمثيل ايدنلر طرفندن اجرا اولونهجق رسم قبوللره كلهجك ذوات ،
۳- سفراى اجنبيهنك رسم قبولنده رئيس جمهور حضرلرينه اتباعاً خارجيه وكيلى ويا خارجيه وكالتى مستشارى
٤- رئيس جمهور حضرلرينك بالذت بولونهجقلرى سائر مراسمه ويا اجرا ايدهجكلرى رسم قبوللره اشتراك ايدهجك ذوات (ژاكت آتاى كييلمه سى أمر ايدلمديكى تقديرده )
٥- رئيس جمهور حضرلرينك حضورنه رسماً قبول اولنه جق ذوات ٬ (ژاكت آتايله كلمهسى أمر ايدلمهديكى تقديرده)
٦- توركيهيه مسافرةً كلن اجنبى رئيس دولتلرى حضورنه چيقلديغى زمان (ژاكت آتايله كلمهسى أمر ايدلمزسه ) كندى قوماشندن سياه يلك و پانطولون اولمق اوزره فراق اكتساسى مجبوريدر. اوكى سرت قولالى بياض كوملك ، ديك ويا اوجلرى قيريق بياض قولالى ياقه ، بياض فيونغو بويون