دے دُعائیاں رات مُکا سُٹی
دے دُعائیاں رات مُکا سُٹی
ویکھو ہو ونی کرے شتابیاں جی
جیہڑ ی ہو ونی گل سو ہو رہی
سبھے ہو ونی دیاں خرابیاں جی
ایس ہو ونی شاہ فقیر کیتے
پُنوں جیہاں کرے شرابیاں جی
مجنوں جیہاں نام مجذوب ہوئے
شہزادیاں کرے بے آبیاں جی
معشوق نُوں بے پرواہ کر کے
وائے عاشقاں رات بے خوابیاں جی
علی جیہاں نُوں قتل غلام کیتا
خبر ہوئی نہ مُول اصحابیاں جی
کُڑ یاں پنڈ دیاں بیٹھ کے دھڑ ا کیتا
لینی اج قندھار پنجابیاں جی
وارثؔ شاہ میاں پھلے کھیڑ یاں دے
جمع آن ہوئیاں ہربابیاں جی
|
This work was published before January 1, 1929, and is in the public domain worldwide because the author died at least 100 years ago. |