دیوانی شێخ نووری/تاکەکان
Jump to navigation
Jump to search
شاهدی عەیب و قسوورت ئەمەیە ئەی بێ هۆش
[edit]| شاهدی عەیب و قسوورت ئەمەیە ئەی بێ هۆش | کە لە دووی عەیب و قسووری ئەم و ئەو عەوداڵی |
ئەمینم قەت کە پێ نانێمە سەر سەییارەیەکی خۆم
[edit]| ئەمینم قەت کە پێ نانێمە سەر سەییارەیەکی خۆم | بەڵام نێزیکە سەییارەی ئەم و ئەو پێ بەسەرما نێ |
بەد کردەوە لە موجتەمەعا نرخی هەر کەمە
[edit]| بەد کردەوە لە موجتەمەعا نرخی هەر کەمە | خۆراکی با ببێتە کولیچە و شەکەرلەمە |
دڵی خۆمم بە خوێنی جەرگی خۆم ئاوداوە ڕۆژ و شەو
[edit]| دڵی خۆمم بە خوێنی جەرگی خۆم ئاوداوە ڕۆژ و شەو | بە شیری خەم بەخێوم کردووە ڕۆڵەی بەڵا بۆ خۆم |
غروورە وا پەچەی داوە بە ڕوویا
[edit]| غروورە وا پەچەی داوە بە ڕوویا | ئەگینا جوان ئەبێ هەر ڕوو نوما بێ |
بەهار ڕۆیشت و هەر نەکرایەوە دڵ
[edit]| بەهار ڕۆیشت و هەر نەکرایەوە دڵ | خودا ئەم غونچەیە، بۆچی نەپشکووت |
هیوام وایە هەموو ڕۆژت ببێتە ڕۆژی نەورۆزێ
[edit]| هیوام وایە هەموو ڕۆژت ببێتە ڕۆژی نەورۆزێ | لە نەسری ئاخریدا، لێت بکەم من جەژنە پیرۆزێ |
عەرەق بە ڕوومەتی تۆوە بەتینی گەرمی هەتاو
[edit]| عەرەق بە ڕوومەتی تۆوە بەتینی گەرمی هەتاو | ئەڵێی گوڵە کە بە ئاگر، گوڵاوی لێ ئەتکێ |
وەکوو قەولت لەگەڵ خوا کردووە، هەرگیز دەسێ نەگری
[edit]| وەکوو قەولت لەگەڵ خوا کردووە، هەرگیز دەسێ نەگری | ئەویشت خۆ لەدەس دێ وەک سەگێ لاقی کەسێ نەگری |
بڵێن بەو یارە وەفادارە، کەوا چاوی لە ڕێمە
[edit]| بڵێن بەو یارە وەفادارە، کەوا چاوی لە ڕێمە | عەرزی بکەن تاکوو قیامەت هەر ئەمە جێمە |
بنازم وردە خاڵی دەوری لێوت
[edit]| بنازم وردە خاڵی دەوری لێوت | ئەڵێی زەنگی بەچەی شەککەر فرۆشە |
نییە لە کۆهی ئەوا بێ نەوا و ڕێبوارێ
[edit]| نییە لە کۆهی ئەوا بێ نەوا و ڕێبوارێ | کە شووشەیی دڵی وەک تۆبە، بارەها نەشکێ |
چۆن ئەبێ یەک بێ لە بازاڕی مرووەت مەندان
[edit]| چۆن ئەبێ یەک بێ لە بازاڕی مرووەت مەندان | قیمەتی یووسفی میسری و غوڵامی حەبەشی |
سەری من وا لە گوێی قەبرا ئەلەرزێ کەی غەمی تۆمە
[edit]| سەری من وا لە گوێی قەبرا ئەلەرزێ کەی غەمی تۆمە | بە دڵ من غەم ئەخۆم بۆ ئەو کەسەی ئەمڕۆ لەدایک بێ |
هەر لە ئەوەڵ سەفرەی مەدرەسە، مامۆستاکەم
[edit]| هەر لە ئەوەڵ سەفرەی مەدرەسە، مامۆستاکەم | عەقڵی فێری ئەم و ئەو کرد و منی شەیدا کرد |