| کو ئشارەت ب بشارەت بدرت نەغمەیێ چەنگ
|
ژ ڕووێ ئایینەیێ دل بڕەتن پەردەیێ زەنگ
|
| فەهمێ ڕاز ئەر بکری وەر ببهی موژدەیێ ساز
|
چەنگێ بێ پەردە دبێژت مە نەی و نایێ ب دەنگ
|
| وەهـ کو بێ شاهد و مەحبووب تە عومرێ خوە بووار
|
کارەکی ڕابە بکە وەقتە کو ئێڤارە دەرەنگ
|
| بەرێ مەقسوود ژ تووبا نەگرین مەعلوومە
|
مە ژ دەستێ خوە یێ کوتاهـ و ژ پایێ خوە یێ لەنگ
|
| دلێ یارێ مە نەبوو نەرم ب سەد ئابێ گری
|
ئەسەرێ دێ چ بکت ئاب ب سەد قەترە ل سەنگ؟
|
| سینە گەهـ تێت کو بکەر بت ئەو ژ دەربێ موحبەتێ
|
مە جەگەر شوبهەتی بارووتە وە دل مایە پەڕەنگ
|
| ب چ ڕەنگی مە د دل خەف ببتن گەوهەرێ عشق
|
عاشقان موحبەت و مهرا زەرییان کفشە ژ ڕەنگ
|
| کفشە مەجمووع و پەریشانییێ حالێ مە د دل
|
ژ سەرێ زولفا پەریشان و ژ بسکا تە یە شەنگ
|
| نە تنێ گەزمە دبارن مە ژ قەوسێ دو هلال
|
مە ژ موژگانێ سیەهـ تێنە جەگەر تیر و خەدەنگ
|
| مسلی وی قەوسێ هلالی کو دو نوون رەیحانی
|
کێ نشان دانە ژ شیراز و کێ ئانینە ژ یەنگ؟
|
| هەر ل دۆرا حەجەر ئەسوەد حەبەشان چەرخ و تەواف
|
تێن ووقووفا عەرەفاتێ ب سەما نووبی و زەنگ
|
| سەف ب سەف تورک و موغول دوگووش و هندی د کەمین
|
ب عەجەب هاتنە جەنگێ حەبەش و ڕۆم و فەڕەنگ
|
| میر و کرمانج ل هۆلان قەدەرەک وەستانە
|
لێ د نیڤێ ب سەف و تیپێ عەرەب هاتنە جەنگ
|
| ژ گوهەر غونچەگوشایێ دگرت دورجێ عەقیق
|
ب شەکەرخەندە زەنی گەر بگریت شەککەرێ تەنگ
|
| وەرە بێ پەردە مەلا ڤێ غەزەلێ بینە مەقام
|
هەر دەما بێنە سەما دەف ب دەف و چەنگ ب چەنگ
|
