دیوانا مەلایێ جزیری/ق
Jump to navigation
Jump to search
نازکا من د سەمایێ ب سەرئەنگوشتێ عەقیق
[edit]نازکا من د سەمایێ ب سەرئەنگوشتێ عەقیق | دا مە ئیرۆ د سەرایێ قەدەحەک تازە ڕەحیق |
مە ژ دەستێ یەدێ بەیزا قەدەحەک سافی ڤەخوار | «شعشَعانی كَنَجْمِ بسناهُ و بريقْ» |
سررێ لەعلێ لەبێ جانبەخش نزانی تو ب بەحس | «أعِدِ النَظرَةَ يا ناظِرُ فالسَرُّ دَقيقْ» |
ب لەبێ لەعلێ شەکەرخەندە شکێنا شەکەرەک | «أنا بالْوَعد لَواثِقْ فَلَها الْوَعْدُ وَ ثيقْ» |
د ڕییا دوڕڕێ مورادێ م سەرێ دانییە ڕێ | «خُضْتُ فی الْبَحْرِ وَ لا زَوْرَقَ و الْبَحْرُ عَميقْ» |
من ژ غەفلەت سەحەرێ دی و دو ڕەمزان کوشتم | خوەش ب حەققێ خوە گەهشتم «أنَا بِالْقَتلِ حَقيقْ» |
قەت نەگۆ قەتلە دکم بێ گوننەهـ و مەزلوومە! | «رَشَقتنْی بِنبِال وَرَمتنی بِرَميقْ» |
تیر و ڕم هەردو ل دل دان ل جەگەر چەسپان کر | ئەو ژ خوونا منە ڕشتی تللییێن سوهرێ عەقیق |
سووسنێن تەی تەڕ و نازک ل گولان تەعنە ددن | «فَبِها الْعَنْبَرُ فائح، وبِها المِسك عَبيق» |
چ ب کوشتن چ ب هشتن تو کو فەرمان بکری | ئەز ب حوکمێ تە خوەشم «أحْمَدُ عَبدُ وَ رَقيقْ» |
من دی ژ غەفلەت جام د کەف
[edit]من دی ژ غەفلەت جام د کەف، شاهی ب خەف دل کر هەدەف | ڕۆژ هات شەرەف ستێر بوونە خەف، هەر چار تەرەف نوورا یەقەق |
زولمەت نەما سوحبەت وە ما، نوورا شەمالان چوو سەما | لێ ئەو دەما زولف بوون جەما، هاتن سەمایێ، یەک نەسەق |
وەردان گولاڤ گرتن خوناڤ، لێ من د ناڤ سوهتن هناڤ | من دی ب چاڤ زولفێن بەلاڤ، لێ بوونە داڤ بەند کر ب ناڤ |
نوورا بەسەر گوفت و خەبەر، قەند و شەکەر زولفان ژ سەر | خالێن د قەر باڤێ سەحەر، دا بێتە دەر سوبحا ب حەق |
م ژ بهرییان پوڕ نالییان، شەڤ تارییان جەنگ بوو میان | وەر کوشتییان ژ وان یەنگییان، ب وان تللییان خوەش کە گیان |
کر شەفقە میر ئانیمە بیر، بەردان مە تیر کر مە ئەسیر | نەگها فەقیر زولفا حەریر، ئاڤێهتە شیر دا پێ مە حەق |
ئێ موشتەری دێمێ زەری، نەبر سەری نەی جان بەری | باڤێت سەری گاڤا بەری، لازم هەڕی وێ ئەڤ پەری |
تەلبێ د ڕێ نیشان بەرێ، تیر ئاوڕێ موژگین پەرێ | عشق و سوڕێ بەحر و بەرێ، ئاڤێهتە رێ سەر ما قەلەق |
من دی د نەوبێ یار تەو، سوندسە ئەو بێم بێ دەرەو | مەهـ بوو د قەوسێ بۆیی ئەو، شێڤان لەو نایێ مە خەو |
هێستر ڕەوان تێن وەک جۆوان، تیر دان ئەوان ڕەش ئەبرووان | دل وەک گۆوان بەر کاشۆوان، سەر لوئلووان بەلگێن وەرەق |
بەژنا شەپال دێمێ ب خال، ئعراب و دال قەوسێ هلال | نەقشێ جەلال جاما زەلال، خەمرا حەلال سوحبەت ب حال |
ئەز تەلبەیا ئاڤا حەیا، تێ بووم تەیا کو ژ بادەیا | جاما خوە یا بوو عشوەیا، یار لەو پەیاپەی تێن سەبەق |
دەرهات و مەست سوبحا «ألست»، من دەست ب دەست دی جام د دەست | کاکول دبەست تایەک ڤەڕەست، ڤێڕا شکەست نیشانە قەست |
ئەو لەبشەکەر وا هاتە دەر، تایێن د بەر دا سۆر و زەر | خالێن د قەر لەف چوونە سەر، لەعلان سەحەر لێ بوو عەرەق |
جانێ مەلێ ژ «قالوا»: بەلێ، بەندم وەلێ دەر کاکولێ | بەلگێن گولێ ڕوو هەیکەلێ، ئەو مسکە لێ جارەک هلێ |
پەردە و سوتوور دا بێ قوسوور، بێتن زوهوور دێمێ ب نوور | نوورا غەفوور خالێن د هوور، جاما تەهوور لەعلێن شەفەق |