دیوانا مەلایێ جزیری/خ
Jump to navigation
Jump to search
ئاهێ ژ دەردێ دل نەکت
[edit]ئاهێ ژ دەردێ دل نەکت، هەرچی نەدی ئازارێ چەرخ | دەربێ ل نێڤا دل ددت، لامع سفەت نووبارێ چەرخ |
تێن سینەیان پەیکان نهین، ئامانجێ وان تیران ئەمین | داما بەلایێ دەر کەمین، هەر گۆشە دۆرمادارێ چەرخ |
بیرا خوە تینن غەنجەیان، عاشق د نێڤ ئشکەنجەیان | تاڤێتە دل بەر پەنجەیان، هەردەم ژ نوو شونقارێ چەرخ |
کو ڤان لەتیفان گولعزار، لەو تێن ژ بولبول ئاهـ و زار | شوونا گولان ڕەستینە خار، نێڤا جهێ گولزارێ چەرخ |
سەد بازییان ئەڤ حەققەباز، تینت ب حیلە کارساز | گەهـ گەهـ کو نازە و گەهـ نیاز، سەححار و پوڕ مەککارێ چەرخ |
هەرچی بخوونت سوحبەتێ، ئاخر د جاما شەربەتێ | زەهرا هەلاهل دێ دەتێ، دا دل نەدن ئازارێ چەرخ |
ئەڤ ئەررەیا ژەهری ددان، من ژێ د دل دا بن سنان | ما ل بەهرێ فەرقێ دژمنان، بێت و بڕەت منشارێ چەرخ |
دژمن ژ جان تالان بتن، ئەو خوەهرێ نالان بتن | مێلاک و دل کالان بتن، لێ بێت و ڕەت غەددارێ چەرخ |
داڤ گەهتە خانی مسلی دەیر، چەندین کەواکب تێنە سەیر | پێکان ب داڤێ شوبهی تەیر، هەر ژێ دبارن تارێ چەرخ |
ئەو گەزمەیێن وەک شوور و تیر، ڕەجم و بەلا ژێ تێنە ژیر | هندی کو دلبەر تێنە سیر، هەر وێ ئەڤە کردارێ چەرخ |
شەمس ب شەمس جام ب جام، حەتتا دکن دەورێ تەمام | ئاتەش دڕێژت هەر مەدام، ئەڤ گونبەدێ دەووارێ چەرخ |
ئاگر د ئاب و گل دکت، قەلبان ژ قەلبان هل دکت | مەتقەب د جان و دل دکت، دائم ئەڤستن کارێ چەرخ |
چەندین د خووبانن ڕەزم، من ژێ د دل دانن گەزم | ئامانجێ وان ڕەمزان ئەزم، سەرعەسکەرێ سەییارێ چەرخ |
من پوڕ شەڤان حەتتا سەحەر، دانینە ڕێ سەمع و بەسەر | ئەو ماهڕوو ما بێتە دەر، تا بیمە نەوبەتدارێ چەرخ |
کەس دی ل لەوحێ سینە قەت، نەقشەک ڤە هاتی بێ غەلەت | هەردەم ژ نوو یەک تازە خەت، تاڤێتە دەر پەرگارێ چەرخ |
مە ژ حەسرەتا شیرین لەبان، خەو تێتە چەهڤان قەت شەبان | فەریاد دەرن بەر کەوکەبان، پورسێ بکە ژ بیدارێ چەرخ |
ڤان رەهرەوێن هممەت بلند، بەردانە مەیدانێ سەمەند | سەرگەشتەیین حەتتا ب چەند، ئەڤ رەکبێ مەشعەلدارێ چەرخ |
گاڤەک ژ دەنگێ زەنگلان، ئێمن چ ڕوونین مەنزلان | هەی هەی ببینن مەحملان، فەریادە هەر قەنتارێ چەرخ |
پوڕ من ژ ڤێ چەرخێ مەلا، کێشانە ئافات و بەلا | ئەبلەهـ دبینم وی هەلا، هەرچی ژ دل بت یارێ چەرخ |
دلبەرێ ئیرۆ سەحەر
[edit]دلبەرێ ئیرۆ سەحەر، ئاڤێتە جەرگێ من دو دۆخ | یەک ل سینە یەک ل دل دا، لەو ژ من تێن ئاخ و ئۆخ |
ئاهـ و ئۆخێن من ژ دل تێن، لێ ژ بەر تیرا قزل تێن | یان ژ کۆڤانێن د کول تێن، ژێ دزێت هەر خوون و زۆخ |
خوون ژ دل جۆجۆ ڕەوان تێ، وەک عەقیق و ئەرغەوان تێ | لێ ژ دەست سەلوا جوان تێ، ئەو شەپالا شەنگ و شۆخ |
ئەو شەپالا شۆخ و شەنگە، کافرا ڕۆم و فەڕەنگە | دامە بەر جوهتەک خەدەنگە، زالمێ کوشتم ب دۆخ |
زالمێ کوشتم شەپالێ، نازکێ قەنجێ دەلالێ | بوون حجابا زولف و خالێ، ئێدەک و عالا و تۆخ |
نەترک و تایێن ب ڕیشی، ئێ د زێڕن پێڤە ویشی | من دو فێرس دین د بیشی، مروەت و ئنساف یۆخ! |
لەو هەڕفتم ئەز ژ مەیلێ، شوبهەتی سەهل و سوهەیلێ | موحبەت و عشقا د لەیلێ، ئەز کرم یەکسەر پلۆخ |
دەست نەهێلم ئەز ژ دینێ، شوبهی فەرهاد و شرینێ | وەر ژ بەر عشق و ئەڤینێ، من د ڕێ چت ئەڤ کلۆخ |
سوحبەتا چەرخ و سەما تێ، وەک مەلێ سەد موبتەلا تێ | زەمزەم و ئاڤا حەیاتێ، موشتەری سەد شەیخ و شۆخ |
هەی هەیا رەقس و سەمایا تە چ خوەش بەستییە چەرخ
[edit]هەی هەیا رەقس و سەمایا تە چ خوەش بەستییە چەرخ | کو ل سلسل ب سەما تێت و ل سەر دەستی چوو بەرخ |
سووفییێن هەر د تەوافێ «حجر الأسود»ە قەسد | گول و سونبول ب سەما تێن حەمییان زمزمە چەرخ |
نەقشێ ئەلماسی ژ ئەلماسی بنێ گرتییە حەرف | خەتێ یاقووتی ل یاقووتی شکێناندییە نەرخ |
کەررخین ئەم د قیامێ مە ژ دل پەردە دڕاند | عارفێ وەقتم و مەعرووف بلا بێت ژ کەرخ |
دا بناسی خەتەرێن ڕێ تو نەبی غافل ژێ | دجلەیە لێ د پوڕن بڕبڕێ پێل و بەر و مەرخ |
پیرێ شەععارە د شعرێ و مەلێ شالفرۆش | تو نشان من مەدە فەرخێ کو ل نک من بوویە فەرخ |