دِتی ہیر لکھائی کے ایہہ چِٹھی
دِتی ہیر لکھائی کے ایہہ چِٹھی
رانجھے یار دے ہتھ لے جاء دینی
کِتے بیٹھ نویکلا سد ملُاں
ساری کھول کے بات سُنا دینی
ہتھ بنھ کے میریاں سجناں نوں
رو رو سلام دعا دینی
مر چُکیاں جان ہے نک اُتے
اِک وار جے دینیا آ دینی
کھیڑے ہتھ نہ لاؤندے منجڑی نوں
ہتھ لائی کے گور وِچ پادینی
ککھ ہو رہیا غماں نال رانجھا
ایہا چننگ لے جائی کے لا دینی
میرا یار ہیں تاں میتھے پہنچ میاں
کن رانجھے دے ایتنی پا دینی
میری لئیں نشانڑی بانک چھلّا
رانجھے یار دے ہتھ لےجا دینی
وارثؔ شاہ میاں اوس کملڑے نوں
ڈھنگ، زُلف زنجیر دِی پا دینی
|
This work was published before January 1, 1929, and is in the public domain worldwide because the author died at least 100 years ago. |