دوست سوئی جو بپت وچ بھیڑ کٹے
دوست سوئی جو بپت وچ بھیڑ کٹے
یار سوئی جو جان قربان ہووے
شاہ سوئی جو کال وچ بھیڑکٹے
کُل پات دا جو نگہبان ہووے
گانو سوئی جو سیال وچ ددھ دیوے
بادشاہ جو نت شبان ہووے
نار سوئی جو مال بن بیٹھ جائے
پیادہ سوئی جو بھوت مسان ہووے
اِمساک ہے اصل افیم باجھوں
غصے بنا فقیر دی جان ہووے
روگ سوئی جو نال علاج ہووے
تیر سوئی جو نال کمان ہووے
کنجر سوئی جو غیرتاں باجھ ہوون
جویں بھابڑا بنا اشنان ہووے
قصبہ سوئی جو ویر بن پیا وَسّے
جلاد جو مہر بن خان ہووے
کواری سوئی جو کرے حیا بہتا
نیویں نظر تے باجھ زبان ہووے
بناں چور تے جنگ دے دیس وسے
پُت سوئی بِن اَن دی پان ہووے
سید سوئی جو شوم نہ ہووے کائر
زانی سیاہ تے نا قہروان ہووے
چاکر عورتاں سدا بے عذر ہوون
اتے آدمی بے نقصان ہووے
پرھاں جاوے بھیسیا چوبراوے
متاں منگنوں کوئی ودھان ہووے
وارثؔ شاہ فقیر بِن حِرص غفلت
یاد رب دی وچ مستان ہووے
|
This work was published before January 1, 1929, and is in the public domain worldwide because the author died at least 100 years ago. |