تیری گادھی نُوں اج کسے دھکیائی
تیری گادھی نُوں اج کسے دھکیائی
کسے اج تیرا کھُوہ گیڑیا ای
لایا رنگ نسنگ ملنگ بھانویں
انگ نال تیرے انگ بھیڑیا ای
لاہ چپنی دُدھ دی دیگچی دی
کسے اج ملائی نُوں چھیڑیا ای
سُرمے دانی دا لاہ بروچنا نی
سُرمے سُرمُچو کسے لوٹیریا ای
وارثؔ شاہ تینوں پچھوں آء ملیا
اکے نواں ہی کوئی سہیڑیا ای
|
This work was published before January 1, 1929, and is in the public domain worldwide because the author died at least 100 years ago. |