بەهەشت لە خەوما

←

بەهەشت لە خەوما (1965)
by قانع

→

306777بەهەشت لە خەوما1965قانع

دوێنێ لە سەعات پێنج و شەشی شەو	لەسەر جێ نوستم، چاوم چووە خەو
ڕێم کەوتە چۆڵێ، دەشتێکی بێ ئاو	تیا دانرابوو قەنەفە شکاو
هەنارەکۆڵە و دوو بن سێفەتاڵ	وەک هەنارەکان «دەربەن کەڕەجاڵ»
شیرێکی ترشاو، هەنگوینێ کۆنە	هەر من ئەزانم تامیان چلۆنە
تێکەڵوپێکەڵ لەویا ڕژابوو	زەردەواڵە و مێش تێی ورووژابوو
چەن پیرەژنێ چڵکنوپڵکن	کەپوولە نەماو، بناگوێ کوڵکن
لامل چرچولۆچ، هەموو کووڕەپشت	خۆیان ئەدۆزی و ئەسپێیان ئەکوشت
ڕیزێ کۆڵیتی هەیوان گێچخواردوو	دیوار داڕووخاو، بێ دار و پەردوو
پرسیم لە پیاوێ زادەی ئەو جێیە:	کاکە گیان ئەمە خێڵە یان دێیە؟
وتی: «قوڕبەسەر ئەمە جینانە	جێی مەلا و دەروێش، سۆفی و شێخانە
وتم: خۆ بەهەشت، خۆشیی مەشوورە	ئەمە بۆ وێران وەک شارەزوورە!؟
وتی: بۆیەکا وا داڕزاوین	هەزاران ساڵە دروست کراوین
کارەبا نەبوو، گەرچەکمان سووتان	سەیارە نەبوو، بە کەر ئەگەڕان
کاتێ کارەبا هاتە ڕووی دنیا	ئێمەش بۆ تەعمیر عەرزوحاڵمان دا
مودیری بەهەشت وەکیلی گشتە	کە چارەنووسی ئێمەی لە مشتە
ئەو ڕازی نەبوو بە عیلمی کافر	عەرزوحاڵەکەی خستە ناو ئاگر
جارێ تر داوای تەعمیراتمان کرد	بۆ باخ و حەمام، کۆشک و جادە و پرد
کەموکورتیمان هەموو تیا نووسی	بەڵام شێخ مودیر (!) هیچ لێی نەپرسی
ئەوەندە ئێش و ئازارمان نۆشی	لە دەس هەژاری و پیسی و نەخۆشی؛
نوێنەرمان چووە خزمەتی مودیر	سکاڵایان کرد لەبارەی تەعمیر
مودیریش فەرمووی سەیرتان لایە	داخوازی ئێوە لام کا و بایە
خەستەخانەی چی!؟ چۆن دائەمەزرێ!؟	موختەبەری خوێن کەڵکی کێ ئەگرێ!؟
حەبی گەورکرد کەی بۆ ئیسلامە!؟	ئەبوودووجانە بۆ خاس و عامە
چیمەنتۆ و شیش و کارەبای بێ فەڕ	لە ناو بەهەشتا قەت ناکەونە گەڕ
بۆ داوا ناکەن بۆ زەرگ و شمشێر!؟	یەکتر سەر بڕن وەکوو بەرخی نێر!؟
ئێوە چیتانە لە پرد و جادە!؟	تەپڵ و بەیداختان بکەن ئامادە
خانووی کۆنکرێت بە کارتان نایە	هی کافرەکانی سەر ڕووی دنیایە
ئیجازەی مار و دووپشک داوا کەن	ڕادیۆ و تەلسز و خوێندن ڕیسوا کەن
وەفد گەڕایەوە بە دڵیەشاوی	بە سەرگەردانی و بە لێقەوماوی»
ڕاچەنیم لە جێ، کە ڕوانیم شەوە	بۆم ئاشکرا بوو چیم دیوە خەوە

This work is first published in Iraq and is now in the public domain because its copyright protection has expired by virtue of the Law No. 3 of 1971 on Copyright, amended 2004 by Order No. 83, Amendment to the Copyright Law. The work meets one of the following criteria:

It is an anonymous work or pseudonymous work and 50 years have passed since the year of its publication
It is a work where the copyright holder is a legal entity or a work of applied art and 50 years have passed since the year of its publication
It is a photographic or cinematic work that is not compositive (artistic in nature) first published before 1 January 1999
It is work published in Iraq before 1 January 1954, and the author died before 1 January 1979
It is another kind of work, and 50 years have passed since the year of death of the author (or last-surviving author)
It is one of "collections of official documents, such as texts of international laws, regulations and agreements, judicial judgements and various official documents."
It is the work of a body corporate, public or private, published by January 1st, 1980 (Article 20, 1971 law).