بھولا ہوں میں عالم کو سرشار اسے کہتے ہیں
Jump to navigation
Jump to search
بھولا ہوں میں عالم کو سرشار اسے کہتے ہیں
مستی میں نہیں غافل ہشیار اسے کہتے ہیں
گیسو اسے کہتے ہیں رخسار اسے کہتے ہیں
سنبل اسے کہتے ہیں گلزار اسے کہتے ہیں
اک رشتۂ الفت میں گردن ہے ہزاروں کی
تسبیح اسے کہتے ہیں زنار اسے کہتے ہیں
محشر کا کیا وعدہ یاں شکل نہ دکھلائی
اقرار اسے کہتے ہیں انکار اسے کہتے ہیں
ٹکراتا ہوں سر اپنا کیا کیا در جاناں سے
جنبش بھی نہیں کرتی دیوار اسے کہتے ہیں
دل نے شب فرقت میں کیا ساتھ دیا میرا
مونس اسے کہتے ہیں غم خوار اسے کہتے ہیں
خاموش امانتؔ ہے کچھ اف بھی نہیں کرتا
کیا کیا نہیں اے پیارے اغیار اسے کہتے ہیں
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse