برا خرۆشان

←

برا خرۆشان (1966)
by حیلمی کاکەیی

→

307536برا خرۆشان1966حیلمی کاکەیی

برا خرۆشان ...	سەراسەر عالەم پەی جەنگ خرۆشان
دیک دەروونم سەر جە نۆ جۆشان	یەک یەک پەیدا مۆ گەوهەر فرۆشان
خەڵات مەکریۆ فیرقەی مەی نۆشان	فەوت و فەنا مۆ گرۆی ئاڵۆشان
شەخر سواران نییەن هاملۆشان	سواران غەیب دونیا مەپۆشان
سەف ئاڕای لەشکر جە چەهار گۆشان	پەی قەتڵ و قیتاڵ یەکسەر مەکۆشان
زۆمڕەی مونکیران مەبۆ پەرێشان	عەجەب کوشتار مۆ تێشان وە ئاشان
ڕەونەق دار مەبۆ قەدیم قوماشان	دونیا مۆ بەهەشت سەیر و تەماشان
عەدوی ئەهلی بەیت دەروون خراشان	یەکسەر باتڵ مۆ صوم صەڵاشان
جای بیئسەل مەسیر مەبۆ وەجاشان	زیانەی دۆزەخ شێخ و مەڵڵاشان
خود بین، خود پەسەن نییەن حەیاشان	دەفتەر دار مەکۆ یەکسەر جیاشان
وەغەزەب مەبۆ کار ڕیاشان	تاریک مۆ زوڵمات شوعلەی چراشان
تەمام قەتع مۆ مەلجا و پەناشان	هاشا پێغەمبەر ناکا ڕەجاشان
ئەر خودا جە عەبد وێش نەبۆ ڕازی	فایدە نەدارۆ سەد مەڵڵا و قازی
خالیق جە مەعبوود ئەر نەبۆ خۆشنوود	ڕەجای پێغەمبەر هیچ نەدارۆ سوود
گونام کیبارەن وەزن هەزار ڕەطڵ	مەعلوومە الفتنه اكبر من القتل
يوم لا ينفع مال ولا بنون	جە ئایەی فورقان کەردەن ڕەهنموون
الا من اتي الله بقلب سليم	تەحریرەن جە صوحف کەلام قەدیم
قەت واتەن نماز صوم چەنی صەلات	مەنفەعەت دارۆ پەی ڕۆژ هەی هات
هەرکەس سالم بۆ وە دڵ و وە گیان	وەبێ پرس و جۆ يدخل الجنان
جە قالوا بلي جە وعد الوعيد	کەس نمەزانۆ شەقی یا سەعید
مەر خالیق وە وێش زانۆ کێ خاسەن	کەمتەر گشت عالەم مەڵڵا عەباسەن
ولا تقنطوا من رحمة الله	ئومێدەوارەن پادشاهـ و گەدا
بەڵێ وەحەدیس دەلیل و بورهان	خالیق وە مەخلووق وێش کەردەن بەیان
مەعلووم جە فیرقەی گوناهـ کارانم	کەلب کەمتەرین قاپی یارانم

This work is first published in Iraq and is now in the public domain because its copyright protection has expired by virtue of the Law No. 3 of 1971 on Copyright, amended 2004 by Order No. 83, Amendment to the Copyright Law. The work meets one of the following criteria:

It is an anonymous work or pseudonymous work and 50 years have passed since the year of its publication
It is a work where the copyright holder is a legal entity or a work of applied art and 50 years have passed since the year of its publication
It is a photographic or cinematic work that is not compositive (artistic in nature) first published before 1 January 1999
It is work published in Iraq before 1 January 1954, and the author died before 1 January 1979
It is another kind of work, and 50 years have passed since the year of death of the author (or last-surviving author)
It is one of "collections of official documents, such as texts of international laws, regulations and agreements, judicial judgements and various official documents."
It is the work of a body corporate, public or private, published by January 1st, 1980 (Article 20, 1971 law).