بارانماہ سائیں مولٰی شاہ
بارانماہ
پھر گئیاں رتاں چڑھیا چیت مہینہ وے
ہس رس چھاتی لگ، نہ رکھ دل وچ کینہ وے
پھلے باغ بن باس گلزار وے بیبا
نہ رس یاری لا کے میرے نال یار وے بیبا ۔
چڑھے بساکھ دھپاں لگن، تواڑاں وے
ہیر جٹی دی خاطر رانجھے، چاریاں مجھیں اجاڑاں وے
مخلوقات واقف دوہاں دا، جو پیار وے بیبا
نہ رس یاری لا کے میرے نال یار وے بیبا ۔
جیٹھ مہینہ لوآں وگن کہاریں وے
کی سکھ پایا تیرے میں لا کے یاری وے
کسے ناہیں مننی تیری ایہہ گلّ سردار وے بیبا
نہ رس یاری لا کے میرے نال یار وے بیبا ۔
سورج ہاڑ مہینہ تپت سوائی وے
ریتاں تپدیاں پینڈے ترن نہ راہی وے
عشقَ ہجر دے بھید دس نعر وے بیبا
نہ رس یاری لا کے میرے نال یار وے بیبا ۔
سون مہیناں بونداں پڑت پہار وے
عدم متلک بملکتے جہڑی ویکھ بدل چمکار وے
عارف عاشق دہشت کڑکن چھڈ دے قول قرار وے بیبا
نہ رس یاری لا کے میرے نال یار وے بیبا ۔
فراق پریم دھپ بھادوں سختی جھلن آہو نہ گینڈے وے
پانی چھاں ول نسے چوپائے، ٹرن نہ راہی پینڈے وے
یار وچھوڑا ہاوا دوزخ کون کسے غمخار وے بیبا
نہ رس یاری لا کے میرے نال یار وے بیبا ۔
اوس اسو وچ شبنم پیندی سردی وے
دست بدستا منہ گھاہ گل پلو یار میں تیری بردی وے
سمجھا رکھ ترکاں نین، سپاہیا تیر نظر نہ مار وے بیبا
نہ رس یاری لا کے میرے نال یار وے بیبا ۔
تبدیل کتک وچ موسم ہندا برچھاں پتر جھڑدے وے
برفوں ڈردے لوک پہاڑی آن بناں وچ وڑدے وے
رس رس ہٹان عشقوں ڈر کے متر پیا دلدار وے بیبا
نہ رس یاری لا کے میرے نال یار وے بیبا ۔
دن چھوٹے مگھر مہینے راتاں وڈیاں وے
ترک فرنگیاں بجن نگارے رن وچ جہدیاں گڈیاں وے
عشقَ سپاہی پیدل لڑدے پیادے عقل سوار وے بیبا
نہ رس یاری لا کے میرے نال یار وے بیبا ۔
ماگھ مہینے چھاؤں بھج بھج دھپے بہندے مور وے
مشوق رسے نوں عشقَ مناوے کون مناوے ہور وے
ہجاب جاندا اٹھ عشقَ دوپاسی اکھاں ہوون چار وے بیبا
نہ رس یاری لا کے میرے نال یار وے بیبا ۔
ماہ پھگن وچ کھیلن ہولی رنگ بھرن پچکاری وے
مولے شاہ میری چھڈ دے وینی توں وچّ کھمر خماری وے
وگدی راوی تردی بیڑی کدی ارار کدی پار وے بیبا
نہ رس یاری لا کے میرے نال یار وے بیبا ۔
|
This work is now in the public domain because it originates from India and its term of copyright has expired. According to The Indian Copyright Act, 1957, all documents enter the public domain after sixty years counted from the beginning of the following calendar year (ie. as of 2024, prior to 1 January 1964) after the death of the author. | 
|