الفت شیریں کو بھاری سل سمجھ
Jump to navigation
Jump to search
الفت شیریں کو بھاری سل سمجھ
سہل کو اے کوہ کن مشکل سمجھ
گرد باد دشت اے مجنوں نہ ہو
تل کو لیلہ چشم کو محمل سمجھ
جان نبض راہ دشت نیستی
تیغ ابرو کا مجھے بسمل سمجھ
دل کو بیت اللہ کہتا ہے جہاں
اس کو اے بت منزلت منزل سمجھ
ہے جو شب بیدار تیری یاد میں
اس فرامش کار کو غافل سمجھ
خون دل ہے سرخ روئی کا نشاں
مجھ کو بسمل اپنا اے قاتل سمجھ
وہ نگاہ گرم ہے برق اے وقارؔ
خرمن ہستی کو بے حاصل سمجھ
|
This work is in the public domain in the United States but it may not be in other jurisdictions. See Copyright.
|