ئازیز فیراقت دڵ کەردەن وە هوون
Jump to navigation
Jump to search
| ئازیز فیراقت دڵ کەردەن وە هوون | سەر کەردەن نە چەم ئەسرم چون جەیحوون |
| کەشتیی وجوودم تۆفانی کەردەن | تەختەپارەی ڕۆح وە عەدەم بەردەن |
| خول مدۆ نە گێج مەوج فەنادا | ئەجەل مەکێشۆم وەی لا و وەولادا |
| زیندەگیم پەی مەرگ هانە تەدارەک | ئومێد حەیات قەتعەن، وەبێ شەک |
| دەروازەی فەرەح یەکجار مەسدوودەن | ماتیم وەش دەماخ، ئومێد نابوودەن |
| هام وەسەر قوللەی خەوف و ڕجاوە | نمەز ڕام ئەی لان یا خۆ ئەو لاوە؟ |
| نەسیب بێنەسیب جە بەهرە و شەوقەن | خەفەت نە بەزمەن، شادی بێ زەوقەن |
| لێم تاقی نییەن ئا جەورە جە کۆن | موغەننی دەوام لەرەی کزەی تۆن |
| بەی ناڵەی حەزین لێوێ بەرەوە | چون ئامای خەیاڵ مەحوم کەرەوە: |
| غەمەن ڕەفێقم، غەمەن هام دەمم | غەمەن هام مەجلیس عەزا و ماتەمم |
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse