آقينجى

آقينجى محرری: يحيى كمال

آقينجى

بيك آتلى آقينلرده چوجوقلر كبى شندك ؛
بيك آتلى او كون ديو كبى بر اردويى يندك !

آق طولغه لى بكلربكى هايقيردى : ايلرله !
بر ياز كونى كچدك طونه دن قافله لرله ...

شيمشك كبى بر سمته آتيلدق يدى قولدن ،
شيمشك كبى تورك آتلرينك كچديكى يولدن .

بر كون دولو ديزكين بوشانان آتلريمزله ،
يردن يدى قات عرشه قانادلاندق او حيزله ...

جنتده بو كون كللر آچمش كورورزده ،
حالا او قيزيل خاطره تيتره‌ر كوزمزده ! ..

بيك آتلى آقينلرده چوجوقلر كبى شندك ؛
بيك آتلى او كون ديو كبى بر اردويى يندك ! .

يحيى كمال

Türkçe: tr:Akıncı