Ԁојмӧм, вӧрԅӧм, чегӧм
Ԁојмӧмыԍ, вӧрԅӧмыԍ ԁа чегӧмыԍ оз ков бурԁӧԁчыны велӧԁчытӧм веԍкӧԁчыԍјас, бабітчыԍјас орԁын. Ԋем гӧгӧрвотӧгыԁ најӧ бура јона песлӧԁласны, кусԋӧԁласны віԍан інтӧ, бура ԁыр мучітасны віԍыԍӧс. Вӧрԅӧмыԁ наӧн оз веԍкав, ԉібӧ веԍкӧԁасны ԁа ԉокногӧн, чегӧм лыјассӧ јітласны кыԇ-ԍурӧ. Віԍыԍ морт нем кежлӧ вермас коԉны кітӧг-коктӧг.
Ӧԁ песлӧԁлӧм бӧраԁ, ԉокногӧн лыјастӧ јітлӧм бӧраԁ, он-ԋін, буракӧ, важногыԁ лӧԍӧԁ. Сы вылӧ велӧԁчӧм мортыԁ сек оз боԍтчы бурԁӧԁны тенӧ.
Вӧрԅӧм ԁа чегӧм інӧ пыктӧмыԍ кутӧм-куԅа ԁа біјалӧмыԍ віԇӧм-куԅа пырыԍ-пыр-жӧ колӧ пуктыны кӧԇыԁ ваӧн кӧтӧԁӧм ԁӧра тор, ԉібӧ нӧшта бурҗык — куԅчышјан пыщкӧ кӧрталӧмӧн јі. Унҗыкыԍ вежлавны ва ԁӧратӧ. Регыԁҗык віԍыԍӧс нуны ԁоктор ԁінӧ.
Воттӧԁны віԍыԍӧс ԏеԉегаӧ ԉібӧ ԁоԃԃӧ колӧ лӧԍыԁҗыка, ԋебыԁҗыка воԉсалӧм вылӧ. Чегӧм кі-кокӧс таркалӧмыԍ віԇӧм-куԅа колӧ гартыштны шӧртӧн, сеԍԍа вылас кі-кок куԅалаыс пуктыны ԇав лубјыԍ ԁа гартны гӧгӧрыс кага тӧбӧԁ вӧԋӧн, ԉібӧ векԋіԃіка вунԁӧм ԁӧраӧн.
|
This work is in the public domain in the United States but it may not be in other jurisdictions. See Copyright.
|