Һуғышсы иптәшкә

Һуғышсы иптәшкә (Шиғыр) автор Author:Сабир Кинйәкәй

Ижад итеү ваҡыты: 1940 йыл. Нәшер ителгән: “Ленин байрағы” 1940 № 17.

Һуғышсы иптәшкә

       1
Фронтта дошман менән
Һуғыша белгәнгә,
Тыуған илде ғүмереңдән
Артыҡ күргәнгә,
Орден менән наградланы
            һине ватаным,
Исемеңә дан күтәрҙе

Алҡышлы таңым.

        2

Орден-ышаныс, ғорурлыҡ,
Ватан һөйөүе,
Ҡыйыулыҡ, ирлек, батырлыҡ,
Подвиг билгеһе,-
Етһен һиңә иң ҡайнарым
Халҡым хисенең,
Алып бирһен бөйөклөгөн
Ерҙә кешенең.

1941 йыл

---