Ялта
Акă иртрĕ пайтах çул;
Çулпа иртсе пынă чух
Выртса-канса çимешкĕн
Кĕтем эпĕ пĕр яла.
Пÿрчĕ кивĕ, çĕрĕшнĕ,
Асанне пек чалăшнă.
Мĕнпур сакки-урайне
Урлă-пирлĕ çÿп-çапă
Пĕтĕмĕшпех тăп-тулли.
Тăрăшакан эрешмен
Хăйин вăрăм çиппине
Пÿртĕн тĕттĕм кĕтессине
Каркаласа пĕтернĕ.
Сывлăш пăчă, хăйă шăрши;
Авăрлакан ÿсĕрет;
Ачи хытă макăрать,
Хăйин чирлĕ сассипе
Ĕçлекене пит чарать.
Ан йĕр, ача, хыт ан йĕр!
Аннÿсене пит ан чар…
Сан сассана илтеççĕ,
Сана вĕсем шеллеççĕ;
Халĕ сана йывăрне
Пурте вĕсем пĕлеççĕ.
Эсĕ чирлĕ пулсан та,
Сана тытма вăхăт çук.
Ан йĕр, ача, хыт ан йĕр!
Аннÿсене пит ан чар…
Эсĕ халĕ пĕлместĕн,
Пĕр-ик çултан ак сисĕн:
Ĕçе чарăнса тусан,
Хресчен выçăхсах вилет:
Унăн çĕрĕ пит сахал,
Пару-илÿ пит пысăк.
Ан йĕр, ача, хыт ан йĕр!
Аннÿсене пит ан чар…
Пару-илÿ тÿлесси,
Хăйсем выçă юлсан та,
«Ыр» çын хисепне кĕрĕç.
Тÿлесе татаймасан,
Тĕрме чурисем пулĕç!..
Ан йĕр, ача, хыт ан йĕр!
Ĕçлемешкĕн пит ан чар…
Сана йывăр – эс чирлĕ,
Çапах пăртак тÿс-халĕ.
Ху чипер ÿссе çитсессĕн,
Ырă, ăслă çын пулса,
Çемйÿсемшĕн тăрăшса,
Тĕплĕреххĕн шухăшла:
Пирĕн хресчен юрлине,
Тăранмалăх та çуккине
Кам айăплă, кам тĕрĕс?
Шухăшласа пĕтерсен.
Вăл тĕрĕсех пулсассăн,
Вăйна пĕртте ан шелле,
Хăвăн ĕçне ху мелле…
1907
 
|
This work is in the public domain in the United States because it was first published outside the United States prior to January 1, 1929. Other jurisdictions have other rules. Also note that this work may not be in the public domain in the 9th Circuit if it was published after July 1, 1909, unless the author is known to have died in 1953 or earlier (more than 70 years ago).[1]
This work might not be in the public domain outside the United States and should not be transferred to a Wikisource language subdomain (or as a file it should not be migrated to the Wikimedia Commons) that excludes pre-1929 works copyrighted at home. Данная работа, впервые изданная до 1929 года, находится в общественном достоянии по законодательству США, и может быть опубликована здесь, в мультиязычной Викитеке. Но эта работа не может быть опубликована в национальной Викитеке, которая должна подчиняться законодательству России, т. к. работы этого автора (за исключением изданных до 7 ноября 1917 года) пока не вышли в общественное достояние в России. Этот автор умер в 1956 году, соответственно эта работа выйдет в России в общественное достояние в 2027 году.
The author died in 1956, so this work is also in the public domain in countries and areas (outside Russia) where the copyright term is the author's life plus 60 years or less. |